صدر جمہوریہ ہند ، محترمہ دروپدی مرمو نے آج (31 جولائی 2025) جھارکھنڈ کے دیوگھر میں ایمس ، دیوگھر کے پہلےجلسہ تقسیم اسنادمیں شرکت کی ۔
اس موقع پر خطاب کرتے ہوئے صدر جمہوریہ نے کہا کہ اگرچہ ایمس ، دیوگھر بنیادی طور پر  مخصوص طبی ضروریات پر توجہ مرکوز کرتا ہے ، لیکن اسے بنیادی صحت کی دیکھ بھال کے شعبے میں فعال طور پر رہنمائی اور مدد بھی فراہم کرنی چاہیے ۔ انہوں نے اس بات پر زور دیا کہ بنیادی دیکھ بھال ہمہ گیر صحت کوریج کی بنیاد ہے ۔ انہوں نے کہا کہ طبی مدد بہم پہنچانے کے لیے  ایمس دیوگھر کے ڈاکٹروں اور طلباء کی ٹیم کو شہری اور دیہی بنیادی طبی مراکز  کا دورہ کرنا چاہیے ۔ انہوں نے ڈاکٹروں پر زور دیا کہ وہ ذاتی سطح پر بھی جامع صحت کی دیکھ بھال کو اپنا اصول بنائیں ۔

صدر جمہوریہ نے فارغ التحصیل طلباء سے کہا کہ ایمس میں تعلیم حاصل کرنا اس بات کی ضمانت سمجھا جاتا ہے کہ وہ ہنر مند ڈاکٹر بن چکے ہیں ۔ انہوں نے انہیں ایک قابل اور ہنر مند ڈاکٹر ہونے کے ساتھ ساتھ ایک اچھا ڈاکٹر بننے کا مشورہ دیا ۔ انہوں نے کہا کہ ایک اچھے ڈاکٹر کو تیز طبی احساس کے ساتھ ساتھ حساس مواصلاتی مہارتوں کو بھی فروغ دینا چاہیے ۔ ہم سب نے دیکھا ہے کہ کچھ ڈاکٹر ایسے ہوتے ہیں جن سے مشورہ کرنے کے بعد مریض اور اس کے اہل خانہ بہتر محسوس کرتے ہیں ۔ انہوں نے ڈاکٹروں پر زور دیا کہ وہ اپنی تشخیص یا سرجری میں مکمل طور پر طبی ہوں ، لیکن اپنے رویے میں طبی نہ ہوں ۔ رویے میں ہمدرد ی کا مظاہرہ کریں اور ہمدردی کے ساتھ مشورہ دیں ۔

صدر جمہوریہ نے کہا کہ قومی سطح پر حکومت صحت سے متعلق لوگوں پر جیب سے ہونے والے اخراجات کے دباؤ کو کم کرنے کی کوشش کر رہی ہے ۔ اس قومی کوشش میں ، ایمس دیوگھر جیسے اداروں اور ڈاکٹروں کا ادارہ جاتی کردار کے ساتھ ساتھ انفرادی کردار بھی ہے ۔ انہوں نے ایمس دیوگھر کے تمام متعلہ شراکت داروں  کو مشورہ دیا کہ وہ مل کر صحت اور ادویات سے متعلق پائیدار ترقیاتی اہداف کی فہرست بنائیں ۔ انہوں نے کہا کہ انہیں ان اہداف کے حصول میں ملکی اور ریاستی  کی حیثیت کا پتہ لگانا چاہیے ۔ قومی اور ریاستی سطح پر کچھ اہداف حاصل کیے گئے ہیں ۔ وہ فیصلہ کر سکتے ہیں کہ یہ ادارہ ریاستی اور قومی سطح پر بقیہ اہداف کے حصول میں کس طرح تعاون کر سکتا ہے ۔

صدر جمہوریہ نے کہا کہ ہمارے ملک کو صحت کی دیکھ بھال کے شعبے میں بہت سے دور رس اثرات کے حامل اہداف حاصل کرنے ہیں ۔ ایمس کے ادارے ان قومی اہداف کے حصول میں بہت اہم کردار ادا کریں گے ۔ ایمس دیوگھر جیسے طبی ادارے ، جو صحت کی دیکھ بھال کی خدمات میں عدم مساوات کو ختم کرنے کے لیے قائم کیے گئے ہیں ، اندھیرے میں روشنی پھیلانے والوں کی مانند ہیں۔ انہیں نہ صرف کم لاگت پر عالمی معیار کی ماہر طبی دیکھ بھال فراہم کرنی ہے بلکہ صحت کی دیکھ بھال کے ماحولیاتی نظام میں تبدیلی لانے والے معاون  کا کردار بھی ادا کرنا ہے ۔

صدر جمہوریہ کی تقریر ملاحظہ کرنے کے لیے یہاں کلک کریں۔

https://static.pib.gov.in/WriteReadData/specificdocs/documents/2025/jul/doc2025731596301.pdf

***

ش ح۔ع و ۔ خ م

U.N-3701