پی ایم-دکش اسکیم ایک مرکزی شعبے کی اسکیم ہے جو 21-2020 میں شروع کی گئی تھی، جس کا مقصد درج فہرست ذاتوں (ایس سی)، دیگر پسماندہ طبقات (او بی سی)، ڈی نوٹیفائیڈ قبائل (ڈی این ٹی)، معاشی طور پر کمزور طبقات (ای ڈبلیو ایس)، صفائی کرمچاری بشمول کچرہ اکٹھا کرنے والوں کی صلاحیتوں کو بڑھانا ہے تاکہ وہ ملازمت (اجرت پر مبنی ملازمت) اور خود روزگار دونوں میں قابل عمل بن سکیں، جس سے ان کی سماجی و اقتصادی ترقی ہو۔ ہدف شدہ گروپ کے زیادہ تر افراد کے پاس کم سے کم معاشی اثاثے ہیں؛ اس لیے، ان کی صلاحیتوں کو بڑھانے اور تربیت فراہم کرنا ان پسماندہ گروپوں کی معاشی بااختیاریت/ترقی کے لیے ضروری ہے۔

اس اسکیم کے تحت، دیگر پسماندہ طبقات (او بی سی) اور معاشی طور پر کمزور طبقات (ای ڈبلیو ایس) کے وہ امیدوار جن کی سالانہ خاندانی آمدنی 3.0 لاکھ روپے سے کم ہے، تربیت کے اہل ہیں، جبکہ درج فہرست ذاتوں (ایس سی)/ڈی نوٹیفائیڈ قبائل (ڈی این ٹی)، صفائی کرمچاری بشمول کچرہ اکٹھا کرنے والوں کے لیے کوئی آمدنی کی حد نہیں ہے۔

اس اسکیم کو 22-2021 سے 26-2025 تک کے سالوں کے لیے 450 کروڑ روپے کی رقم کے لیے منظور کیا گیا ہے۔ پی ایم-دکش اسکیم کے تحت 26-2025 کے بجٹ تخمینے میں کوئی تبدیلی نہیں کی گئی ہے، جو کہ 130 کروڑ روپے ہے۔

یہ معلومات مرکزی وزیر مملکت برائے سماجی انصاف وتفویض اختیارات  جناب رام داس اٹھاولے نے آج لوک سبھا میں ایک سوال کے تحریری جواب میں فراہم کی۔

*****

ش ح ۔    م د  ۔  م  ص

(U :  3560     )

(Release ID: 2149933)