حکومت ہند کی وزارت ثقافت کے تحت اندرا گاندھی نیشنل سینٹر فار آرٹس (آئی جی این سی اے) کے جن پدا سمپادا ڈویژن نے اپنے نئی دہلی کیمپس میں تہوار ’ہریالی تیج‘ کے موقع پر اپنا یوم تاسیس منایا۔ مانسون کے آغاز کو متحرک روایات اور فنکارانہ اظہار کے ساتھ نشان زد کرتے ہوئے، اس جشن میں نمائشوں، لوک پرفارمنس اور تہواروں کے بازار سمیت متعدد دلکش پروگرام پیش کیے گئے جو پنجاب کے بھرپور ثقافتی ورثے کی عکاسی کرتے ہیں۔ تہوار کے ایک حصے کے طور پر ایک خصوصی تیج بازار قائم کیا گیا تھا، جس میں دستکاری اور روایتی لباس کاایک خوبصورت متنوع انتخاب پیش کیا گیا تھا۔وہاں پر لگائے گئےا سٹالز میں ملک بھر کے مقامی مصنوعات کی نمائش کی گئی۔ اسٹالز میں پنجاب سے لے کر آندھرا پردیش تک مختلف ریاستوں سے مقامی پکوان، ہاتھ سے تیار کردہ دستکاری اور نامیاتی مصنوعات پیش کی گئیں۔آئی جی این سی اے کی خواتین ملازمین کے لیے ایک  خاص مہندی (مہندی) کے اسٹال کا بھی اہتمام کیا گیا تھا، جس نے تہوار کی خوبصورتی میں اوراضافہ کیا۔ اس جشن کے ذریعے اس موسمی تہوار سے وابستہ علاقائی روایات کو زندہ کرنے اور اس پر روشنی ڈالنے کی کوشش کی گئی اور ثقافتی تسلسل اور کمیونٹی کی شرکت کی حوصلہ افزائی کی گئی۔ پھولکاری نام سے منسوب نمائش ’’ پنجاب کے رنگ‘‘اور ثقافتی پریزنٹیشن ’’پنجاب کے لوک نرتیہ‘‘ اس  تقریب کے دن کی خاص جھلکیوں میں شامل تھیں، جو پنجاب کی متحرک ،درخشاں جمالیاتی اور پرفارم کرنے والی روایات کی دلکش جھلکیاں پیش کرتی ہیں۔

اس موقع پر خواتین کی قومی کمیشن کی ممبر محترمہ ڈیلینا کھونگ ڈوپ نے بطور مہمان خصوصی شرکت کی۔ پروفیسر سبھدرا مترا چنا، سابق پروفیسر، شعبہ بشریات، دہلی یونیورسٹی نے مہمان خصوصی کے طور پر شرکت کی، جبکہ محترمہ مالویکا جوشی، مشہور ماہر تعلیم، کہانی کار، اور مصنفہ، مہمان خصوصی تھیں۔ سیشن کی صدارت آئی جی این سی اے کے ممبر سکریٹری ڈاکٹر سچیدانند جوشی نے کی۔ پروگرام کا آغاز پروفیسر کے انیل کمار، آئی جی این سی اے کےجن پدا سمپادا ڈویژن کے سربراہ، کے استقبالیہ خطبہ سے ہوا۔ اس کے بعد ڈویژن کی سالانہ رپورٹ ڈاکٹر ریم بیمو اُڈیو نے پیش کی، جس نے پچھلے سال کے دوران ڈویژن کے کاموں، اقدامات اور کامیابیوں کے بارے میں تفصیل سے بتایا۔

اپنے خطاب کے دوران، ڈاکٹر سچیدانند جوشی نے تبصرہ کرتے ہوئے کہا کہ 'ہریالی تیج' خاندانی اتحاد کی علامت ہے۔ اس تہوار سے جڑے افسانے کو یاد کرتے ہوئے، انہوں نے کہا کہ دیوی پاروتی نے بھگوان شیو کو اپنی شریک حیات کے طور پر حاصل کرنے کے لیے 108 مرتبہ اُپواس  رکھے، یہ عمل خاندانی زندگی میں وابستگی اور اتحاد کی گہری اہمیت پر زور دیتا ہے۔ عصری معاشرے کے تناظر میں، جہاں خاندانی بندھن اور رشتے تیزی سے نازک اور کشیدہ ہوتے جا رہے ہیں، ایسے تہوار ایک اہم ثقافتی عنصرکے طور پر کام کرتے ہیں جو ہمیں جذباتی اور سماجی طور پر جوڑے رکھتے ہیں۔ ڈاکٹر جوشی نے مزید اس بات پر زور دیا کہ خاندان اور ماحول ایک دوسرے سے  مربوط ہیں اور تیج جیسے تہوار ہمیں ان رابطوں میں جڑے رہنے کا درس دیتے ہیں، جس سے ہمیں مضبوطی  کے ساتھ  مضبوط سمت کی طرف بڑھنے میں مدد ملتی ہے۔آئی جی این سی اے کے علمی وژن پر روشنی ڈالتے ہوئے، انہوں نے مزید کہا کہ علمی سرگرمیوں کے اندر بھی، ادارے کا ایک حصہ اکثر اس پیمانے اور گہرائی میں کام کرتا ہے کہ بہت سے پورے ادارےآئی جی این سی اے کے ثقافتی اور فکری دونوں طرح کے عزم کی عکاسی کرنے کی کوشش نہیں کرتے۔

دہلی یونیورسٹی میں بشریات کے سابق پروفیسر ،پروفیسر سبھدرا متر چنا نے تیج تہوار کی گہری کائناتی اور سماجی اہمیت پر روشنی ڈالتےہوئے کہا کہ اس طرح کے تہواروں کو ان کی بھرپور علامتی اہمیت کے باوجود اکثر علمی مقامات پر نظر انداز کیا جاتا ہے۔ انہوں نے وضاحت کی کہ یہ تہوار شیو اور پاروتی کے علامتی اتحاد کی نشاندہی کرتا ہے، جو پروش  (متحمل، مستحکم توانائی)اور پراکرتی (متحرک، تخلیقی توانائی) کے درمیان کائناتی توازن کی نمائندگی کرتا ہے۔ مانسون کے دوران منایا جانے والا، 'ہریالی تیج' تخلیق نو اور زرخیزی کے موضوعات کی عکاسی کرتا ہے، لیکن یہ توازن کی ضرورت کی یاد دہانی کے طور پر بھی کام کرتا ہے-کیونکہ بے لگام توانائی تباہ کن ہو سکتی ہے۔ انہوں نے مزید اس بات کو اجاگر کیا کہ تیج جیسے تہوار جدید کیلنڈروں پر انحصار کیے بغیر معاشروں میں وقت اور تسلسل کے نشانات کے طور پر اپنے رسمی کردار سے بالاتر ہوتے ہیں۔ دیہی علاقوں میں، لوگ اکثر ایسے تہواروں کے سلسلے میں زندگی کے واقعات کا حوالہ دیتے ہیں، جو ان کی پائیدار عملی اور ثقافتی مطابقت اور ہم اہنگی  کی نشاندہی کرتے ہیں۔

محترمہ ڈیلینا کھونگ ڈوپ نے اپنے خیالات کا اظہار کرتے ہوئے کہا کہ ملک کی متنوع اور متحرک ثقافت کا مشاہدہ کرنا ایک  خوبصورت اورخوشگوار تجربہ تھا۔ جبکہ میگھالیہ میں 'تیج' نہیں منائی جاتی، انہوں  نے ’ساون‘ کے دوران منائے جانے والے ’بہدین کھلم ‘ تہوار کا حوالہ دیا۔جو کہ ہندوستانی روایات کے تسلسل کی عکاسی کرتا ہے۔ صنفی مساوات کی ضرورت پر زور دیتے ہوئے انہوں نے مردوں پر مساوی شراکت دار بننے پر زور دیا اور خواتین کے خلاف تعصب کو چیلنج کرنے کے لیے اجتماعی کوششوں پر زور دیا۔ انہوں نے جرائم اور خواتین کے حقوق کی خلاف ورزیوں کے خلاف چوکس رہنے کی اہمیت پر بھی زور دیا۔ محترمہ مالویکا جوشی نے جن پدا سمپادا ڈویژن کو متحرک اسٹالوں اور سوچ سمجھ کرخوبصورتی سے ڈیزائن  کیے گئے مصنوعات کی نمائش کے لیے مبارکباد دی۔ انہوں نے ہندوستان بھر میں تہواروں کے پائیدار تسلسل اور ان کی ثقافتی گہرائی کا جشن منانے کااعادہ کیا۔ اپنے خطاب کے اختتام پر، انہوں نے سیزن سے وابستہ جذبات اور حوصلے کو ابھارتے ہوئے "کارے بدرا  رے، تو تو ظلم کیا- ایک تو کاری رات، دوجے پیا پردیش" کےایک خوبصورت گانےکے ساتھ سامعین کو مسحور کیا۔

تقریبات کا اختتام 'رنگا رنگا آرٹ کلچرل ایسوسی ایشن' کی طرف سے پیش کردہ ایک متحرک ثقافتی پرفارمنس کے ساتھ ہوا، جس نے تقریبات کے دن کو ایک پرجوش  ،دلکش اورخوبصورت اختتامیہ میں تبدیل کر دیا ۔ اس پرفارمنس میں پنجاب اور ہریانہ کی شاندار لوک موسیقی اور رقص پیش کیا گیا، جس میں علاقے کی موسمی روایات کی تال، رنگ اور توانائی کا خوبصورت امتزاج تھا۔

****

U.N-3486

(ش ح۔ م  م ع ۔ش ا)

(Release ID: 2149592)