தேசிய திறன் மேம்பாடு மற்றும் தொழில்முனைவோர் கொள்கை (NPSDE), 2015, உயர் தரங்களுடன் கூடிய வேகத்தில் திறன் வளர்ப்பு மூலம் அதிகாரமளிக்கும் ஒரு சூழலியலை உருவாக்குவதையும், நாட்டின் அனைத்து குடிமக்களுக்கும் நிலையான வாழ்வாதாரத்தை உறுதி செய்யும் வகையில் செல்வத்தையும் வேலைவாய்ப்பையும் உருவாக்கக்கூடிய புதுமை அடிப்படையிலான தொழில்முனைவோர் கலாச்சாரத்தை ஊக்குவிப்பதையும் நோக்கமாகக் கொண்டுள்ளது. இந்தக் கொள்கையின் தொலைநோக்கு பார்வையை உணர தலையீடுகளை வழிநடத்தும் நோக்கில், தேசிய மாதிரி ஆய்வு (NSS) மற்றும் மக்கள் தொகை கணக்கெடுப்பு 2011 தரவுகளின் 66 மற்றும் 68வது சுற்றுகளின் அடிப்படையில் கொள்கை ஆவணத்தில் திறன் தேவைகள் பற்றிய பகுப்பாய்வு வழங்கப்பட்டுள்ளது. பகுப்பாய்வின்படி, தற்போதுள்ள பண்ணை மற்றும் பண்ணை சாரா துறைகளில் 298.25 மில்லியன் பணியாளர்கள் திறமையானவர்களாகவும், மறுதிறன்  பெற்றவர்களாகவும், மேம்பட்ட திறன் பெற்றவர்களாகவும் இருக்க வேண்டும். கூடுதலாக, பணியிடத்தில் புதிதாக நுழைந்த 104.62 மில்லியன் பேர், ஏழு ஆண்டுகளில் (2022 க்குள்) திறன் பெற்றவர்களாகவும் இருக்க வேண்டும்.

இந்திய அரசின் திறன் இந்தியா இயக்கத்தின் கீழ், திறன் மேம்பாடு மற்றும் தொழில்முனைவு அமைச்சகம், பிரதமரின் திறன் மேம்பாட்டுத் திட்டம், மக்கள் கல்வி நிலையங்கள் (ஜன் ஷிக்ஷன் சன்ஸ்தான்), தேசிய பயிற்சி ஊக்குவிப்புத் திட்டம்  மற்றும் கைவினைஞர் பயிற்சி திட்டம் போன்ற பல்வேறு திட்டங்களின் கீழ், நாடு முழுவதும் உள்ள அனைத்துப் பிரிவுகளுக்கும் திறன் மேம்பாட்டு மையங்கள் / நிறுவனங்கள் போன்றவற்றின் விரிவான வலையமைப்பு மூலம் திறன், மறு திறன் மற்றும் மேம்பாடு பயிற்சியை வழங்குகிறது. தொழில்துறைக்கு ஏற்ற திறன்களுடன், இந்திய இளைஞர்கள் எதிர்காலத்திற்குத் தயாராக இருக்க உதவுவதே  திறன் இந்தியா இயக்கத்தின்நோக்கமாகும்.

பிரதமரின் திறன் மேம்பாட்டுத் திட்டத்தின் கீழ் பயனடைந்த 1,62,98,252 பேரில், 70.42 லட்சம் பேர் திட்டத்தின் முன் கற்றல் அங்கீகாரம் (RPL) கூறுகளின் கீழ் நோக்குநிலை மற்றும் சான்றிதழ் பெற்றனர்.

தொழில்நுட்ப மற்றும் தொழிற்கல்வி மற்றும் பயிற்சி (TVET) இடத்தில் தரத்தை உறுதி செய்வதற்கான விதிமுறைகள் மற்றும் தரநிலைகளை நிறுவும் ஒரு விரிவான ஒழுங்குமுறை அமைப்பாக தேசிய தொழிற்கல்வி மற்றும் பயிற்சி கவுன்சில் (NCVET) அமைக்கப்பட்டுள்ளது. ஒழுங்குமுறை விதிமுறைகளை அமைத்தல், தரநிலைகளை உருவாக்குதல் மற்றும் முக்கிய திறன் நிறுவனங்களை அங்கீகரித்தல் மூலம் தொழிற்கல்வி மற்றும் பயிற்சியில் தரம் மற்றும் தரப்படுத்தலை உறுதி செய்வது கவுன்சிலின் கடமையாகும்.

இந்தத் தகவலை, திறன் மேம்பாடு மற்றும் தொழில்முனைவுத் துறை  இணையமைச்சர் (தனிப்பொறுப்பு) திரு. ஜெயந்த் சவுத்ரி இன்று மக்களவையில் எழுத்துப்பூர்வமாக அளித்த பதிலில் தெரிவித்தார்.

 

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://www.pib.gov.in/PressReleasePage.aspx?PRID=2149328

***

(Release ID: 2149328)

AD/RB/DL

(Release ID: 2149523)