محنت اور روزگار کی وزارت نے آدھار کے ساتھ منسلک غیر منظم کارکنوں (این ڈییو ڈبلیو) کا ایک جامع قومی ڈیٹا بیس بنانے کے لیے 26 اگست 2021 کو ای- شرم پورٹل (eshram.gov.in) کا آغاز کیا۔  ای شرم پورٹل کا مقصد غیر منظم   سیکٹر میں کام کرنے والے مزدوروں  کو خود اعلان کی بنیاد پر یونیورسل اکاؤنٹ نمبر (یو اے این) فراہم کرکے انہیں رجسٹر کرنا اور ان کی مدد کرنا ہے۔

22 جولائی 2025 تک 30.95 کروڑ سے زیادہ غیر منظم کارکنان ایشرم پورٹل پر پہلے ہی رجسٹرڈ ہو چکے ہیں۔

غیر منظم کارکنوں کو مختلف سماجی تحفظ کی اسکیموں تک رسائی حاصل کرنے کے لیے ای آشرم کو ون اسٹاپ حل کے طور پر تیار کرنے سے متعلق بجٹ اعلان 2024-25 کے وژن کو مدنظر رکھتے ہوئے محنت اور روزگار کی وزارت نے 21 اکتوبر 2024 کو ای شرم- ’’ون اسٹاپ سولیوشن‘‘ کا آغاز کیا۔ ای شرم – ’’ون اسٹاپ- سولیوشن‘‘میں سنگل پورٹل یعنی ای شرم پر مختلف سماجی تحفظ/فلاحی اسکیموں کا انضمام شامل ہے ۔ یہ ای شرم پر رجسٹرڈ غیر منظم کارکنوں کو سماجی تحفظ کی اسکیموں تک رسائی حاصل کرنے اور ای شرم کے ذریعے اب تک ان کے ذریعے حاصل کردہ فوائد کو دیکھنے کے قابل بناتا ہے۔

اب تک مختلف مرکزی وزارتوں/محکموں کی چودہ اسکیموں کو سماجی تحفظ، بیمہ یا ہنر مندی کے فروغ کے پروگراموں تک رسائی اور ای شرم کارڈ ہولڈرز تک رسائی فراہم کرنے کے لیے ایشرم کے ساتھ مربوط/نقشہ بند کیا جا چکا ہے، جن میں پردھان منتری اسٹریٹ وینڈرز آتم نربھر ندھی (پی ایم سواندھی)، پردھان منتری سرکشا بیمہ یوجنا (پی ایم ایس بی وائی)، پردھان منتری جیوتی بیمہ یوجنا (پی ایم جے جے بی وائی)، نیشنل فیملی بینیفٹ اسکیم (این ایف بی ایس)، مہاتما گاندھی نیشنل رورل ایمپلائمنٹ گارنٹی اسکیم (ایم جی این آر ای جی ایس)، پردھان منتری آواس یوجنا-گرامین (پی ایم اے وائی-جی)، آیوشمان بھارت-پردھان منتری جن آروگیہ یوجنا (اے بی-پی ایم جے اے وائی)، پردھان منتری آواس یوجنا-اربن (پی ایم اے وائی-یو)، پردھان منتری متسیہ سمپدا یوجنا (پی ایم ایم ایم وائی)، پردھان منتری کسان مان دھن یوجنا (پی ایم کے ایم وائی)، ون نیشن ون راشن کارڈ (یو این او آر سی) اور پردھان منتری ماتر وندنا یوجنا (پی ایم ایم وی وائی) شامل ہیں۔

مذکورہ اسکیموں کے علاوہ ای شرم کو پردھان منتری شرم یوگی مان دھن (پی ایم-ایس وائی ایم)، نیشنل کیریئر سروس (این سی ایس)، اسکل انڈیا ڈیجیٹل ہب (ایس آئی ڈی ایچ)،یونیفائیڈ موبائل ایپلی کیشن فار نیو ایج گورننس (امنگ)، ڈیجیٹل لاکر (ڈیجی لاکر)، مائی اسکیم اور اوپن گورنمنٹ ڈیٹا پلیٹ فارم (او جی ڈی) کے ساتھ بھی مربوط کیا گیا ہے۔

یہ معلومات محنت اور روزگار کی وزیر مملکت محترمہ شوبھا کرندلاجے نے آج لوک سبھا میں ایک سوال کے تحریری جواب میں دی۔

 

******

ش ح۔ ف ا۔ م ر

U-NO. 3479

(Release ID: 2149509)