بھارت سرکار کی نوجوانوں کے امور اور کھیل کی وزارت کے ذریعہ چلائے جانے والے نیشنل سینٹر آف اسپورٹس سائنس اینڈ ریسرچ (این سی ایس آر) کی اسکیم کا مقصد ایلیٹ ایتھلیٹس کی اعلی کارکردگی کے سلسلے میں اعلی سطح کی تحقیق ، تعلیم اور جدت طرازی کی حمایت کرنا ہے۔

اندرا گاندھی اسٹیڈیم میں نئے افتتاح شدہ این سی ایس آر کے مقاصد درج ذیل ہیں:

· کھیلوں کی کارکردگی کے فروغ، دیکھ بھال اور اضافے کے لیے سائنسی اصولوں کا اطلاق

· اسپورٹس سائنس کے استعمال کے ذریعے کھلاڑیوں کی کارکردگی میں اضافہ

· کھلاڑیوں کو ان کی زیادہ سے زیادہ صلاحیت کے مطابق تیار کرنا اور اپنے مسابقتی کھیلوں کے کیریئر کو فروغ دینا۔

· کھیلوں کی سائنس کی معلومات کا پھیلاؤ

· فوڈ سپلیمنٹس / دیسی تیاریوں کی جانچ اور تصدیق

· کھیلوں کی کارکردگی میں آیورویدک / ہومیوپیتھک ادویات کا اطلاق

· کھیلوں میں لگنے والی چوٹوں کا علاج اور بحالی

مزید برآں، این سی ایس آر کے بنیادی تحقیقی شعبے کثیر الجہتی ہیں، جن میں اسپورٹس فزیالوجی، بائیو میکانکس، ایتھلیٹ نیوٹریشن اور میٹابولزم، کھیلوں کی نفسیات اور ذہنی لچک، اینتھروپومیٹری، بحالی سائنس، پہننے اور ڈیجیٹل مانیٹرنگ ٹیکنالوجیز، اور ایتھلیٹ ڈیٹا پروٹیکشن سمیت اخلاقی تحقیق کی تعمیل شامل ہیں۔

نیشنل سینٹر فار اسپورٹس سائنس اینڈ ریسرچ (این سی ایس آر) کا مقصد بھارت کے کھیلوں کی تربیت اور کارکردگی کے بنیادی ڈھانچے میں عالمی مہارت اور بہترین طریقوں کو لانے کے مینڈیٹ کے حصے کے طور پر معروف بین الاقوامی اسپورٹس سائنس مراکز اور تحقیقی اداروں کے ساتھ تعاون کرنا ہے۔

این سی ایس آر کا مقصد آسٹریلین انسٹی ٹیوٹ آف اسپورٹس (اے آئی ایس)، گیٹوریڈ اسپورٹس سائنس انسٹی ٹیوٹ (جی ایس آئی)، باتھ یونیورسٹی (برطانیہ) اور بین الاقوامی اولمپک کمیٹی (آئی او سی) میڈیکل کمیشن کے تحت اداروں جیسے معروف اداروں کے ساتھ تعلیمی تبادلے، ٹیکنالوجی ساجھیداری اور مشترکہ تحقیقی اقدامات سمیت وسیع پیمانے پر بین الاقوامی تعاون کرنا ہے۔ ایک اہم مقصد بین الاقوامی سطح پر بھارتی ایتھلیٹس کی مسابقت کو فروغ دینے کے لیے تربیت ، جانچ اور بحالی کے پروٹوکول کو عالمی معیارکے ساتھ ہم آہنگ کرنا ہے۔ مزید برآں، این سی ایس آر بین الاقوامی اسپورٹس سائنس کانفرنسوں میں سرگرمی سے حصہ لیتا ہے اور کھیلوں کی سائنس میں بھارتی اسکالرز کے لیے اعلی درجے کی تحقیق اور ڈاکٹریٹ کی سطح کی تربیت کو فروغ دینے کے لیے غیر ملکی یونیورسٹیوں کے ساتھ تعلیمی فیلوشپ تیار کر رہا ہے۔

یہ جانکاری نوجوانوں کے امور اور کھیل کے وزیر ڈاکٹر منسکھ منڈاویا نے آج لوک سبھا میں ایک سوال کے تحریری جواب میں دی۔

***

(ش ح – ع ا)

U. No. 3458

(Release ID: 2149480)