حکومت ہند نے اگست 2019 میں مرکزکے ذریعہ اسپانسر شدہ اسکیم جل جیون مشن (جے جے ایم) کا آغاز کیا تھا ، جس کا مقصد 2024 تک ہر دیہی گھرانے کو فنکشنل ہاؤس ہولڈ ٹیپ کنکشن (ایف ایچ ٹی سی) فراہم کرنا ہے ۔

مشن کے آغاز میں صرف 3.23 کروڑ (16.7 فیصد) دیہی گھرانوں کے پاس نل کے پانی کے کنکشن کے دستیابی کی اطلاع تھی ۔  جل جیون مشن (جے جے ایم)-ہر گھر جل اسکیم کے تحت ریاستوں اورمرکز کے زیر انتظام علاقوں کی طرف سےموصولہ اطلاعات کے مطابق23 جولائی2025تک دیہی گھرانوں کو تقریباً12.44 کروڑ اضافی نل کے پانی کے کنکشن فراہم کیے گئے ہیں ۔ اس طرح 23 جولائی2025 تک ملک کے19.36 کروڑ دیہی گھرانوں میں سے 15.67 کروڑ (80.95 فیصد) سے زیادہ گھروں میں نل کے پانی کی فراہمی کی اطلاع ہے ۔

طویل مدتی پائیداری اور شہریوں پر مرکوز پانی کی خدمات کی فراہمی کے لیے بنیادی ڈھانچے کے معیار اور دیہی  علاقے میں پائپ والے پانی کی فراہمی کی اسکیموں کے آپریشن اور دیکھ بھال پر توجہ مرکوز کرتے ہوئے مشن کے ہدف کو حاصل کرنے کے لیے عزت مآب وزیر خزانہ نے اپنی بجٹ تقریر 26-2025 کے دوران مجموعی اخراجات میں اضافے کے ساتھ جل جیون مشن کو 2028 تک توسیع کرنے کا اعلان کیا ہے ۔  اس کے مطابق ، جل جیون مشن کو 2028 تک جاری رکھنے کی تجویز ہےجس میں مجموعی اخراجات میں اضافہ کیا گیا ہےاور اس میں مزید فنڈنگ کے لیے رہنما خطوط حکومتی عمل کی منظوری کے لیے زیر غور ہے۔

یہ معلومات جل شکتی کے وزیر مملکت جناب وی سومنا نے آج راجیہ سبھا میں ایک سوال کے تحریری جواب میں فراہم کیں ۔

****

ش ح۔م م ع۔ ش ت

U NO: 3425