پریاگ راج مہا کمبھ کی طرز پر، ریلوے کی وزارت نے ناسک-تریمبکیشور سمہستھا 2027 کے لیے پیشگی تیاریوں کا آغاز کر دیا ہے۔

 ریلوے کے مرکزی وزیر جناب اشونی ویشنو اور وزیر مملکت جناب رنویت سنگھ بٹو نے ان منصوبوں کا تفصیلی جائزہ لیا۔ مرکزی ریلوے کے جنرل مینیجر، بھوساول ڈویژن کے ڈی آر ایم اور دیگر افسران نے وزراء اور ریلوے بورڈ کو منصوبہ بندی اور عمل درآمد کی موجودہ صورتحال سے آگاہ کیا۔

میلے کی جگہ تک رابطے میں بہتری کی جائے: ریلوے، سمہستھا کے دوران جامع بنیادی ڈھانچے اور کارکردگی میں بہتری کا کام انجام دے گا۔ اس مقصد کے لیے ایک مشترکہ منصوبہ تیار کیا گیا ہے تاکہ خطے کے تمام اسٹیشنوں کی گنجائش کو بڑھایا جا سکے۔ مقصد یہ ہے کہ ناسک سمہستھا 2027 کے دوران یاتریوں کی آمد و رفت کو آسان اور منظم رکھا جا سکے۔

ریلوے کے وزیر نے افسران کو ہدایت دی کہ وہ مہا کمبھ 2025 کے تجربات سے حاصل شدہ بہترین عملی طریقوں کو اپنائیں۔ انہوں نے یہ بھی مشورہ دیا کہ ناسک کے تمام نزدیکی اسٹیشنوں پر مناسب سہولیات تیار کی جائیں۔ انہوں نے اس بات پر زور دیا کہ یاتریوں کی بلاتعطل آمد و رفت کے لیے مناسب اسٹیبلنگ کیپیسٹی (گاڑیوں کے کھڑے ہونے کی گنجائش) بھی ہونی چاہیے۔

افسران نے مطلع کیا کہ یاتریوں کی بھیڑ کو میلے کے قریبی 5 اہم اسٹیشنوں پر سنبھالا جائے گا، جن میں ناسک روڈ، دیولالی، اوڈھا، کھیروڑی اور قصبے سوکنے اسٹیشن شامل ہیں۔

بنیادی ڈھانچے کو جدید بنانا اور مسافروں کی سہولیات میں اضافہ:ریلوے حکام نے پانچ شناخت شدہ اسٹیشنوں پر مجوزہ بنیادی ڈھانچے کے کاموں اور مسافروں کی سہولیات کے بارے میں تفصیلات بیان کیں۔ ان اسٹیشنوں پر منصوبہ بند کاموں کی لاگت 1,011 کروڑ روپے سے زائد ہونے کی توقع ہے۔

ناسک روڈ: پلیٹ فارم-4 کو دو طرفہ بنایا جائے گا۔ پلیٹ فارم-1 کو 24 کوچوں والی ریل گاڑیوں کو ایڈجسٹ کرنے کے لیے بڑھایا جائے گا۔ ایک 12 میٹر چوڑا فٹ اوور برج (ایف او بی) تعمیر کیا جائے گا۔ گڈز شیڈ کو ہولڈنگ ایریا کے طور پر استعمال کرنے کی تجویز ہے۔

ناسک روڈ: اسٹیبلنگ لائنیں تیار کی جا رہی ہیں۔ پلیٹ فارم کی سطح، باڑ کی دیوار، اور میلہ ٹاور کو بھی اپ گریڈ کیا جائے گا۔

دیولالی: اضافی پلیٹ فارم تعمیر کیے جائیں گے۔ دو 6 میٹر چوڑے فٹ اوور برجز (ایف او بی) بنائے جائیں گے۔ جدید کوچ اور ویگن معائنہ کی سہولیات (3 اسٹیبلنگ لائنوں اور 2 پٹ لائنوں کے ساتھ) بھی تعمیر کرنے کی منصوبہ بندی ہے۔ گندے پانی کو صاف کرنے کے پلانٹ قائم کرنے کی تجویز ہے۔

اوڈھا: لوپ لائنوں کے ساتھ ایک آئی لینڈ پلیٹ فارم تیار کیا جائے گا۔ چار 6 میٹر چوڑے فٹ اوور برجز بنائے جائیں گے۔ لانگ ہال لوپ لائن اور یارڈ کی ری ماڈلنگ کی بھی منصوبہ بندی ہے۔ 5 اسٹیبلنگ لائنیں بنانے کی تجویز ہے۔

کھیر واڑی: ایک نیا ڈاؤن پلیٹ فارم تعمیر کیا جائے گا۔ دو 6 میٹر چوڑے فٹ اوور برجز بنائے جائیں گے۔ یارڈ کی ری ماڈلنگ کی بھی تجویز ہے۔

کسبے-سوکین: پلیٹ فارموں کو بڑھایا جائے گا۔ دو 6 میٹر چوڑے فٹ اوور برجز بنائے جائیں گے۔ ایک مشترکہ ڈسپیچ سہولت قائم کی جائے گی۔

مذکورہ بالا کے علاوہ، تمام 5 اسٹیشنوں پر مختلف مسافر سہولیات تیار کرنے کی منصوبہ بندی ہے۔ ان میں پلیٹ فارموں پر چھتری، پانی کے ٹینک، نئے بیت الخلاء، اور واٹر پروف ہولڈنگ ایریاز شامل ہیں۔ سرکولیٹنگ ایریاز، راستوں، داخلی/خارجی سڑکوں، اور مسافر معلوماتی نظام کو بھی جدید کرنے کی منصوبہ بندی ہے۔

ریلوے مذکورہ کاموں کو 2 سال کے مقررہ وقت کے اندر مکمل کرنے کی راہ پر ہے۔ کل 65 مجوزہ کاموں میں سے 33 کے تخمینے پہلے ہی منظور ہو چکے ہیں

سمہستھا کے لئے خصوصی ریل گاڑیاں : توقع ہے کہ 3 کروڑ سے زائد یاتری شرکت کریں گے، جو سمہستھا 2015 کے مقابلے میں تقریباً 50 گنا زیادہ ہے۔ اسے مدنظر رکھتے ہوئے، ریلوے بڑی تعداد میں خصوصی ریل گاڑیاں چلانے کی منصوبہ بندی کر رہا ہے۔

بھارت بھر سے آنے والے زائرین کے لیے طویل دوری کی خصوصی ریل گاڑیاں اور مختصر فاصلے کی میمو  خدمات فراہم کی جائیں گی۔ یہ ریل گاڑیاں ناسک کو اہم اسٹیشنوں جیسے کہ کامیکھیا، ہاوڑہ، پٹنہ، دہلی، جے پور، بیکانیر، ممبئی، پونے، ناگپور اور ناندیڑ سے جوڑیں گی۔

ایک راؤنڈ ٹرپ خصوصی سرکٹ ٹرین بھی چلائی جائے گی۔ یہ تین جیوتر لنگوں - ترمبکیشور، گریشنیشور، اور اومکیشور کو جوڑے گی۔

عقیدت مندوں کی ہموار آمدورفت کو یقینی بنانے کے لیے ہر بڑے اسٹیشن پر ہولڈنگ کیلئے بڑی جگہیں تیار کی جا رہی ہیں۔ ایک مرکزی کمانڈ اینڈ کنٹرول مرکز قائم کرنے کی تجویز ہے، جو سی سی ٹی وی کیمروں سے لیس ہوگا تاکہ موثر نگرانی کی جا سکے اور پیشن گوئی شیڈولنگ کے لیے مصنوعی ذہانت  کے آلات استعمال کیے جائیں گے۔

ریلوے حکام مہاراشٹر کی ریاستی حکومت کے حکام کے ساتھ مسلسل رابطے میں ہیں۔ ریلوے، مہاراشٹر ریاستی حکومت کے ساتھ قریبی رابطہ میں ہے۔ آنے والے مہینوں میں، مہاراشٹر کے وزیراعلیٰ جناب دیویندر فڑنویس کے ساتھ ترقی کا مشترکہ جائزہ لیا جائے گا۔

****

ش ح ۔    م د  ۔  م  ص

 (U :  3329)