جناب سنیل کمار کے غیر ستارہ سوالوں کا جواب دیتے ہوئے، قبائلی امور کے مرکزی وزیر مملکت جناب درگا داس اوئکی نے آج لوک سبھا کو مطلع کیا کہ حکومت قبائلی برادری کی سماجی و اقتصادی ترقی کے لیے عام طور پر مختلف اسکیموں کو نافذ کر رہی ہے۔ ٹیکسٹائل کی وزارت دستکاری کے دستکاروں بشمول قبائلی کاریگروں کی مجموعی ترقی کے لیے قومی دستکاری ترقیاتی پروگرام [این ایچ ڈی پی] اور دستکاری کلسٹر ڈیولپمنٹ اسکیم [سی ایچ سی ڈی ایس] کو نافذ کرتی ہے۔ یہ مارکیٹنگ، اسکل ڈیولپمنٹ، کلسٹر ڈویلپمنٹ، پروڈیوسر کمپنیوں کی تشکیل، دستکاروں کو براہ راست فائدہ، انفراسٹرکچر اور ٹیکنالوجی سپورٹ، ریسرچ اور ڈیولپمنٹ سپورٹ وغیرہ کے لیے مدد فراہم کرتا ہے جس سے قبائلی برادری سمیت ملک بھر کے کاریگروں کو فائدہ پہنچ رہا ہے۔ مغربی چمپارن ضلع، بہار سے تعلق رکھنے والے دستکاری کے کاریگروں (ایس ٹی) کو کل 646 پہچان شناختی کارڈ جاری کیے گئے ہیں۔ وہ گاندھی شلپ بازار، دلی ہاٹ، ای کامرس پلیٹ فارم وغیرہ جیسے مارکیٹنگ پروگراموں میں حصہ لے کر اپنی دستکاری کی مصنوعات کو آن لائن اور آف لائن فروخت کر سکتے ہیں۔

قبائلی امور کی وزارت کے پردھان منتری جنجاتیہ وکاس مشن (پی ایم جے وی ایم) کی اسکیم کے تحت، قبائلی کوآپریٹو مارکیٹنگ ڈیولپمنٹ فیڈریشن آف انڈیا (ٹی آر آئی ایف ای ڈی) نے بہار کی تھارو برادری کے 56 کاریگروں/ پروڈیوسروں/ سپلائرز کو فہرست میں شامل کیا ہے جن کے ساتھ 405 خاندان وابستہ ہیں اور وہ اپنی مصنوعات کی مارکیٹنگ کے ذریعے فائدہ حاصل کر رہے ہیں۔

حکومت بہار نے مطلع کیا ہے کہ مربوط تھاروہاٹ  ڈیولپمنٹ ایجنسی کے ذریعے، مغربی چمپارن کے تھروہت علاقے کے قبائل (تھارو سمیت) کی سماجی، اقتصادی اور ثقافتی ترقی کے لیے درج ذیل اسکیمیں نافذ کی گئی ہیں:

• بنکروں کی ورکشاپ اور رہائشی عمارت خود روزگار کے لیے بلاک، بگہا-2 کی ہرناند پنچایت میں تعمیر کی گئی ہے، جو پوری طرح سے کام کر رہی ہے۔
• بگہا - 2 کے مشراولی میں ہینڈلوم کی عمارت کی تعمیر کی منظوری دی گئی ہے۔

اس کے علاوہ حکومت بہار جیویکا کے ذریعے روزی روٹی سرگرمیوں کی حوصلہ افزائی کے لیے دوسرے پروگرام چلا رہی ہے۔ تھاروہاٹ علاقہ کے تحت سدھاو بلاک (بگہا-2)، رام نگر، گوناہا اور میناتنر کی 43 پنچایتوں میں، 77871 کنبوں کو اب تک 6378 سیلف ہیلپ گروپس کے ذریعے ان کی صلاحیتوں کی تعمیر اور روزی روٹی کی سرگرمیوں کے لیے جوڑا گیا ہے۔

**********

 (ش ح –ا ب ن)

U.No:3252

(Release ID: 2148155)