وزارت سیاحت نے ایڈونچر ٹور آپریٹرز ایسوسی ایشن آف انڈیا کے ساتھ مل کر ماڈل ایڈونچر سیفٹی گائیڈ لائنز تیار کی ہیں جس کا مقصد پورے بھارت میں ایڈونچر ٹورازم سیکٹر میں حفاظت کو یقینی بنانے کے لیے ایک جامع اور معیاری فریم ورک قائم کرنا ہے۔ ان ہدایات کو تمام ریاستوں اور مرکز کے زیر انتظام علاقوں کو حفاظتی پروٹوکول کو اپنانے اور تشکیل دینے / اپ ڈیٹ کرنے کے لیے تقسیم کیا گیا ہے۔

تمام ریاستوں / مرکز کے زیر انتظام علاقوں سے درخواست کی گئی ہے کہ وہ ایڈونچر سے متعلق تمام سرگرمیوں پر کڑی نظر رکھیں اور تمام آپریٹرز کے ذریعہ حفاظتی قواعد اور لائسنسنگ اصولوں کی سختی سے تعمیل کو یقینی بنائیں۔

ایڈونچر سیاحت سمیت سیاحتی مقامات اور مصنوعات کی ترقی اور فروغ متعلقہ ریاستی حکومت / مرکز کے زیر انتظام علاقہ (یو ٹی) انتظامیہ کے ذریعہ کیا جاتا ہے۔ وزارت مختلف اسکیموں اور اقدامات کے ذریعہ ریاستوں / مرکز کے زیر انتظام علاقوں کی کوششوں کی تکمیل کرتی ہے۔

سیاحت کی وزارت اپنی مرکزی شعبے کی اسکیموں ’سودیش درشن‘، ’زیارت کی بحالی اور روحانی، ورثے میں اضافہ مہم (پرشاد)‘ اور ’سیاحت کے بنیادی ڈھانچے کی ترقی کے لیے مرکزی ایجنسیوں کو مدد‘ کے ذریعے ایڈونچر ٹورازم سمیت ملک میں سیاحت کے بنیادی ڈھانچے کی ترقی کے لیے ریاستی حکومتوں / مرکز کے زیر انتظام علاقوں کی انتظامیہ کو مالی مدد فراہم کرتی ہے۔ وزارت کے ذریعہ ترقی کے لیے شروع کیے گئے پروجیکٹوں کی شناخت ریاستی حکومتوں / مرکز کے زیر انتظام علاقوں کی انتظامیہ / مرکزی ایجنسیوں کی مشاورت سے کی جاتی ہے اور ان کے ذریعہ پروجیکٹ کی تجاویز پیش کرنے ، متعلقہ اسکیم کے رہنما خطوط پر عمل کرنے اور مناسب تفصیلی پروجیکٹ رپورٹ پیش کرنے سے مشروط ہے۔

مذکورہ اسکیموں کے تحت منظور کیے گئے پروجیکٹوں کو متعلقہ ریاستی حکومتوں / مرکز کے زیر انتظام علاقوں کی انتظامیہ کے ذریعہ نافذ کیا جاتا ہے۔ وزارت سیاحت باقاعدگی سے پروجیکٹوں کی پیشرفت کی نگرانی کرتی ہے اور متعلقہ ریاستی حکومتوں / مرکز کے زیر انتظام علاقوں کی انتظامیہ کی حوصلہ افزائی کرتی ہے کہ وہ مقررہ وقت میں منصوبوں کو مکمل کریں۔ پروجیکٹوں کی پیشرفت کی نگرانی اور تیزی لانے اور ریاستی حکومتوں / مرکز کے زیر انتظام علاقوں کی انتظامیہ کی رہنمائی کرنے کے لیے ، وزارت سیاحت مختلف سطحوں پر باقاعدگی سے جائزہ اجلاس منعقد کرتی ہے ، جس میں مرکزی منظوری اور نگرانی کمیٹی اور مشن ڈائریکٹوریٹ کے اجلاس شامل ہیں۔

یہ جانکاری سیاحت اور ثقافت کے مرکزی وزیر جناب گجیندر سنگھ شیخاوت نے آج راجیہ سبھا میں ایک تحریری جواب میں دی۔

***

(ش ح – ع ا)

U. No. 3259

(Release ID: 2148020)