مرکزی وزیر مملکت برائے صحت اور خاندانی بہبود اور کیمیکل اور کھاد، محترمہ انوپریہ پٹیل نے آج یہاں لیڈی ہارڈنگ میڈیکل کالج کے سالانہ کنووکیشن ڈے کی تقریب میں بطور مہمان خصوصی شرکت کی۔ اس تقریب میں ڈاکٹر ونود کمار پال، ممبر، نیتی آیوگ نے بطور مہمان خصوصی اور ڈاکٹر سنیتا شرما، ڈائرکٹر جنرل ہیلتھ سروسز نے بطور مہمان خصوصی شرکت کی۔

اس موقع پر خطاب کرتے ہوئے محترمہ انوپریہ پٹیل نے اس حقیقت پر زور دیا کہ ‘‘ایک ادارے کے طور پر، لیڈی ہارڈنگ میڈیکل کالج خواتین کو بااختیار بنانے کے لیے قائم کیاگیا ہے، اور اس نے ملک کی ترقی میں بہت زیادہ نمایاں رول ادا کیا ہے۔’’ انہوں نے مزید کہا کہ ‘‘ایل ایچ ایم سی ملک کے قدیم ترین طبی اداروں میں سے ایک کے طور پر ایک ممتاز حیثیت رکھتا ہے، جو کناٹ پلیس، پارلیمنٹ ہاؤس، اور راشٹرپتی بھون جیسے تاریخی اداروں سے بھی پرانا ہے۔ گزشتہ 110 سالوں میں، کالج نے ترقی کی ہے اور آج یہ پرانے انفراسٹرکچر اور نئی عمارتوں کا ایک منفرد امتزاج ہے جو ایل ایچ ایم سی کیمپس کے منظر نامے پر نقش ہے۔’’

محترمہ پٹیل نے اس بات پر زور دیا کہ ‘‘ایل ایچ ایم سی نے اپنی منفرد شناخت کو برقرار رکھتے ہوئے خواتین کو بااختیار بنانے پر توجہ مرکوز کر رکھی ہے جس میں تمام طالبات کو ایم بی بی ایس میں داخلہ دیا گیا ہے، اور پوسٹ گریجویٹ اور خصوصی کورسز کے ذریعے صنفی مساوات کے لیے اپنا رول ادا کر رہاہے۔ یہ بات قابل ذکر ہے کہ ایل ایچ ایم سی 240 طالب علموں کو انڈرگریجویٹ ڈگری اور خصوصی ڈگریاں دے رہا ہے، جو دنیا بھر میں 200 سے زائد ماہر ڈاکٹرز تیار کر رہے ہیں۔ پیشہ ور افراد جو اگلی نصف صدی تک صحت کی دیکھ بھال کو تشکیل دیں گے۔

طلباء سے خطاب کرتے ہوئے محترمہ پٹیل نے کہا کہ ‘‘چونکہ آپ نے کووڈ-19 وبائی امراض کے سب سے مشکل وقت کے دوران کام کیا ہے، اس سے آپ کو حقیقی زندگی کے چیلنجوں سے گزرنے میں مدد ملے گی اور ان کی ذاتی ترقی اور معاشرے کو ادائیگی کرنے میں مدد ملے گی۔ انہوں نے مزید کہا کہ ‘‘طبی پیشہ استحقاق اور ذمہ داری کا انوکھا امتزاج ہے کیونکہ ڈاکٹر کو معاشرے میں بہت زیادہ عزت دی جاتی ہے اور وہ اپنی پیشہ ورانہ زندگی میں اعلیٰ ترین اخلاقی اقدار کو برقرار رکھنے اور معاشرے کے پسماندہ افراد کی خدمت کرنے کی ذمہ داری نبھاتے ہیں۔ ادارے کی طرف سے آپ جو اقدار آگے بڑھاتے ہیں وہ آپ کو ہمدرد معالج بننے میں مدد فراہم کرے گی۔’’ محترمہ پٹیل نے والدین، فیکلٹی اور ہر اس شخص کو بھی مبارکباد دی جنہوں نے پاس آؤٹ ہونے والے طلباء کے اہداف کے کامیاب حصول میں تعاون کیا۔

محترمہ پٹیل نے زور دے کر کہا کہ‘‘عزت مآب وزیر اعظم جناب نریندر مودی کا سال 2047 تک ایک ترقی یافتہ ہندوستان کا وژن ہے، کیونکہ ہم مزید ترقی پذیر قوم کی شناخت کو جاری نہیں رکھنا چاہتے۔ صحت کی دیکھ بھال اس مقصد میں اہم کردار ادا کرتی ہے، کیونکہ صرف ایک صحت مند قوم ہی صحیح معنوں میں ترقی یافتہ قوم بن سکتی ہے۔’’

محترمہ پٹیل نے تمام طلباء پر زور دیا کہ وہ ملک کے صحت کی دیکھ بھال کے منظر نامے اور گزشتہ 11 سالوں میں اس میں ہونے والی تبدیلی کے بارے میں جاننے کی اپیل کی۔ انہوں نے کہا کہ ‘‘اس سمت میں پہلا اور سب سے اہم قدم 2017 میں ایک نئی قومی صحت پالیسی کا تعارف تھا جو کہ دنیا میں صحت کی دیکھ بھال کے ابھرتے ہوئے منظر نامے کے مطابق ہے۔’’ انہوں نے مزید کہا کہ ‘‘حکومت صحت کے حوالے سے ایک جامع نقطہ نظر کے ساتھ آگے بڑھ رہی ہے جو نہ صرف علاج اور روک تھام پر مبنی ہے، بلکہ اس میں فروغ دینے والا، شفا بخش اور بحالی بھی شامل ہے، جس میں احتیاطی جزو سب سے اہم ہے’’۔

یونیورسل ہیلتھ کیئر کو یقینی بنانے کے لیے حکومت کی کوششوں پر روشنی ڈالتے ہوئے، محترمہ پٹیل نے کہا کہ "140 کروڑ کی آبادی والے ہندوستان جیسے بڑے ملک کے لیے، حکومت اپنے تمام شہریوں کے لیے معیاری اور سستی صحت کی دیکھ بھال کو یقینی بنانے کے لیے انتھک محنت کر رہی ہے۔ ایک مضبوط سیاسی عزم، حکومتی فنڈنگ میں اضافہ، صحیح پالیسی اور صحیح حکمت عملی کے ساتھ، صحت سے متعلق حکومتی اخراجات جی ڈی پی کے تقریباً 2 فیصد تک بڑھ گئے ہیں، اور ہم قومی صحت کے ہدف کی طرف مسلسل بڑھ رہے ہیں۔"

محترمہ پٹیل نے اس حقیقت پر بھی زور دیا کہ حکومت تمام سماجی اشاریوں جیسے ہاؤسنگ، پینے کے صاف پانی، صفائی ستھرائی اور کھانا پکانے کے صاف ایندھن کی دستیابی میں بہتری لا رہی ہے کیونکہ یہ تمام عوامل صحت میں اہم کردار ادا کرتے ہیں۔ انہوں نے ملک کے صحت کی دیکھ بھال کے منظر نامے میں ہونے والی پیش رفت پر بھی روشنی ڈالی اور کہا کہ "حکومت صحت کی دیکھ بھال کے بنیادی ڈھانچے میں اہم خلا کو پر کر رہی ہے اور ملک کے انتہائی دشوارگزار دوردراز علاقوں میں ماہر ڈاکٹروں کی کمی کو پورا کر رہی ہے۔ ایمس کو 7 سے بڑھا کر 23 کر دیا گیا ہے اور صحت کی دیکھ بھال کے بہتر نتائج حاصل کرنے کے لیے ڈیجیٹل حل اپنائے جا رہے ہیں۔

صحت کی دیکھ بھال کی خدمات تک رسائی، دستیابی اور معیار کو بہتر بنانے کے لیے حکومت کے اقدامات کو اجاگر کرتے ہوئے، محترمہ پٹیل نے کہا کہ اے بی    پی ایم-جے اے وائی دنیا کی سب سے بڑی ہیلتھ انشورنس اسکیم ہے جو 55 کروڑ لوگوں کی صحت کی دیکھ بھال کی ضروریات کو پورا کرتی ہے، جو کل آبادی کا 40فیصد صف اول کے صحت کی دیکھ بھال کرنے والے کارکنوں اور 70 سال سے زیادہ عمر کے بزرگ شہریوں کی ہے۔ جب کہ جن اوشدھی کیندروں کے ذریعے رعایتی قیمتوں پر معیاری ادویات تک رسائی کو یقینی بنایا جا رہا ہے۔ انہوں نے کووڈ-19 وبائی امراض کے دوران ہندوستان کے تیز اور مضبوط ردعمل پر بھی زور دیا اور کہا کہ ‘‘ہندوستان نے تیز ترین اور سب سے بڑی ویکسینیشن قائم کرکے اور کووڈ ویکسین کی 220 کروڑ سے زیادہ خوراکیں لگا کر ایک مثال قائم کی۔’’

محترمہ پٹیل نے زور دے کر کہا کہ ‘‘صحت مند ہندوستان اور سب کے لیے صحت صرف نعرے نہیں ہیں، بلکہ حکومت کا عزم اور ایک مشترکہ وژن، تمام اسٹیک ہولڈرز کا اجتماعی ایجنڈا ہے۔ صحت میں سرمایہ کاری ترقی یافتہ ہندوستان کے لیے سب سے بڑی سرمایہ کاری میں سے ایک ہے۔’’

اجتماع سے خطاب کرتے ہوئے، ڈاکٹر ونود کے پال نے کہا کہ ‘‘یہ واقعی ہمارے طلباء، ان کے قابل فخر والدین، اور سرشار اساتذہ کی زندگیوں کیلئے ایک اہم موقع ہے۔ یہ دن طالب علم ہونے سے ڈاکٹر بننے، اور گریجویٹ سے پوسٹ گریجویٹ تک ایک اہم تبدیلی کا نشان ہے۔ ایم بی بی ایس گریجویٹس کے لیے، یہ انسانیت اور قوم دونوں کی خدمت کرنے کا پہلا موقع ہے، یہ ایک ذمہ داری ہے، یہ ایک وعدہ ہے، اور یہ قوم کی خدمت کا پہلا موقع ہے۔’’

ڈاکٹر پال نے جامع اینٹی بایوٹک پالیسی اور اینٹی بایوٹکس کے استعمال کے بارے میں رہنما خطوط جاری کرنے پر ادارے کی تعریف کی اور کہا کہ ‘‘یہ ایک اہم کامیابی ہے، خاص طور پر محکموں میں اتفاق رائے حاصل کرنے کے چیلنج کو مدنظر رکھتے ہوئے۔ اینٹی مائکروبیل اسٹیورڈشپ پروگراموں کا نفاذ اور اینٹی بایوٹک کے استعمال کا سراغ لگانا اہم اقدامات ہیں، ہم اینٹی بائیوٹک کو مزید آگے بڑھانے کے لیے اہم اقدامات کو یقینی بنا سکتے ہیں۔ اس ڈومین میں عقلی، ذمہ دار اور مؤثر استعمال اختیاری نہیں ہے، وہ ضروری ہیں کہ تمام طبی اداروں میں اینٹی مائکروبیل اسٹیورڈشپ کو اپنایا جائے، اور ایل ایچ ایم سی کو اپنی وراثت اور مہارت کے ساتھ اس علاقے میں قومی معیارات قائم کرنے کی صلاحیت حاصل ہے۔

ڈاکٹر پال نے مزید کہا کہ ‘‘اس نسل کے پاس 2047 تک وکست بھارت کے خواب کو پورا کرنے کی ایک خاص ذمہ داری ہے، جیسا کہ ہمارے وزیر اعظم نے تصور کیا ہے۔ ترقی یافتہ ہندوستان کے راستے میں متوقع عمر میں بہتری، پانچ سال سے کم عمر کی اموات کی شرح میں کمی، اور شہریوں پر مرکوز، قابل رسائی، اور معیاری صحت کی دیکھ بھال کو یقینی بنانا شامل ہے۔’’

ڈاکٹر سنیتا شرما، ڈی جی ایچ ایس نے کہا کہ یہ ان کے لیے ایک فخر کا لمحہ ہے، اس انسٹی ٹیوٹ سے ہونے کی وجہ سے وہ یہاں تقریباً تین دہائیوں سے فیکلٹی کے طور پر خدمات انجام دے رہی ہیں۔ انہوں نے تمام طلباء کو ڈگریاں حاصل کرنے پر مبارکباد دی اور ان پر زور دیا کہ وہ کردار، یقین، عزم، ہمت اور شائستگی کے ساتھ آگے بڑھیں اور قوم کی خدمت کریں۔

کنووکیشن کی تقریب کے دوران 600 سے زائد ڈگری والے طلباء نے اپنی ایم بی بی ایس، ایم ڈی، ایم ایس، ایم ڈی ایس اور ڈی ایم/ایم سی ایچ کی ڈگریاں حاصل کیں۔ تقریب میں لیڈی ہارڈنگ میڈیکل کالج کی سال 2024 کی سالانہ رپورٹ اور ایل ایچ ایم سی کی اینٹی بایوٹکس پالیسی کا بھی اجراء کیا گیا۔

ڈاکٹر سریتا بیری، ڈائریکٹر، لیڈی ہارڈنگ میڈیکل کالج، ڈاکٹر انجو سیٹھ، پرنسپل ایل ایچ ایم سی، حکومت ہند کے سینئر افسران، مرکزی حکومت کے اسپتالوں اور دہلی این سی آر کے میڈیکل کالجوں کے اداروں کے سربراہان بھی اس موقع پر موجود تھے۔

***

ش ح۔ ک ا۔ ع ر

U.NO.3203