ਸੈਰ-ਸਪਾਟਾ ਮੰਤਰਾਲੇ ਵੱਲੋਂ ਦੇਸ਼ ਦੀ ਅਮੀਰ ਸੱਭਿਆਚਾਰਕ ਵਿਰਾਸਤ, ਕੁਦਰਤੀ ਸੁੰਦਰਤਾ ਅਤੇ ਵਿਭਿੰਨ ਆਕਰਸ਼ਣਾਂ ਦੀ ਪੜਚੋਲ ਕਰਨ ਵਿੱਚ ਦਿਲਚਸਪੀ ਰੱਖਣ ਵਾਲੇ ਯਾਤਰੀਆਂ ਅਤੇ ਹਿੱਸੇਦਾਰਾਂ ਲਈ ਇੱਕ ਵਿਆਪਕ ਸਰੋਤ ਵਜੋਂ ਇਨਕ੍ਰਿਡੀਬਲ ਇੰਡੀਆ ਡਿਜੀਟਲ ਪਲੇਟਫਾਰਮ (IIDP) ਦਾ ਸੁਧਾਰਿਆ ਸੰਸਕਰਨ ਲਾਂਚ ਕੀਤਾ ਹੈ। ਆਈ.ਆਈ.ਡੀ.ਪੀ. ਇੱਕ ਏ.ਆਈ-ਸੰਚਾਲਿਤ ਟੂਲ ਦੀ ਵਰਤੋਂ ਕਰਦਾ ਹੈ ਜੋ ਅਸਲ-ਸਮਾਂ, ਮੌਸਮ ਅਪਡੇਟਸ, ਸ਼ਹਿਰ ਦੀ ਪੜਚੋਲ ਅਤੇ ਜ਼ਰੂਰੀ ਯਾਤਰਾ ਸੇਵਾਵਾਂ ਦੀ ਪੇਸ਼ਕਸ਼ ਕਰਕੇ ਸੈਲਾਨੀਆਂ ਦੇ ਅਨੁਭਵਾਂ ਨੂੰ ਵਿਅਕਤੀਗਤ ਬਣਾਉਂਦਾ ਹੈ। ਪੋਰਟਲ ਨੇ ਕਈ ਓ.ਟੀ.ਏ. (ਆਨਲਾਈਨ ਟ੍ਰੈਵਲ ਏਜੰਟ) ਅਤੇ ਹਿੱਸੇਦਾਰਾਂ ਨਾਲ ਉਡਾਣਾਂ, ਹੋਟਲਾਂ, ਕੈਬਾਂ ਅਤੇ ਬੱਸਾਂ ਦੀ ਸਹਿਜ ਬੁਕਿੰਗ ਅਤੇ ਏਐਸਆਈ ਸਮਾਰਕਾਂ ਲਈ ਟਿਕਟਾਂ ਲਈ ਸਾਂਝੇਦਾਰੀ ਵੀ ਕੀਤੀ ਹੈ।

ਐੱਨ.ਆਈ.ਡੀ.ਐੱਚ.ਆਈ+(NIDHI+) ਪਲੇਟਫਾਰਮ ਰਿਹਾਇਸ਼ ਇਕਾਈਆਂ ਦੀ ਪ੍ਰਵਾਨਗੀ ਅਤੇ ਵਰਗੀਕਰਨ ਦੇ ਨਾਲ-ਨਾਲ ਹੋਰ ਮੁੱਖ ਸੈਰ-ਸਪਾਟਾ ਸੇਵਾ ਪ੍ਰਦਾਨ ਕਰਨ ਦੀ ਪ੍ਰਵਾਨਗੀ, ਮਾਨਤਾ ਅਤੇ ਰਜਿਸਟ੍ਰੇਸ਼ਨ ਨੂੰ ਕਵਰ ਕਰਦਾ ਹੈ। ਸੇਵਾ ਪ੍ਰਦਾਤਾਵਾਂ ਲਈ ਭਰੋਸੇਯੋਗ ਅਸਲ ਸਮੇਂ ਦੀ ਜਾਣਕਾਰੀ ਪ੍ਰਦਾਨ ਕਰਨ ਲਈ ਪੋਰਟਲ ਨੂੰ ਇਨਕ੍ਰਿਡੀਬਲ ਇੰਡੀਆ ਡਿਜੀਟਲ ਪਲੇਟਫਾਰਮ (IIDP) ਨਾਲ ਵੀ ਜੋੜਿਆ ਗਿਆ ਹੈ।

 

ਇਹ ਜਾਣਕਾਰੀ ਕੇਂਦਰੀ ਸੈਰ-ਸਪਾਟਾ ਅਤੇ ਸੱਭਿਆਚਾਰ ਮੰਤਰੀ ਸ਼੍ਰੀ ਗਜੇਂਦਰ ਸਿੰਘ ਸ਼ੇਖਾਵਤ ਨੇ ਅੱਜ ਰਾਜ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ।

 

***********

 

ਸੁਨੀਲ ਕੁਮਾਰ ਤਿਵਾੜੀ

tourism4pib[at]gmail[dot]com

(Release ID: 2147844)