امداد باہمی کی وزارت اقوام متحدہ –امداد باہمی کا بین الاقوامی سال (آئی وائی سی)-2025 کو’’ تعاون  اورامداد باہمی سے ایک بہتر دنیا کی تعمیر ہوتی ہے ‘‘(سی بی بی ڈبلیو )کے موضوع کے ساتھ منا رہی ہے ، جس کا باضابطہ آغاز عزت مآب وزیر اعظم جناب نریندر مودی نے 2024 میں منعقدہ آئی سی اے گلوبل کوآپریٹیو کانفرنس میں کیا تھا ۔ یادگاری تقریب کے ایک حصے کے طور پر ،امداد باہمی کی  وزارت نے اقوام متحدہ کے پائیدار ترقیاتی اہداف (ایس ڈی جی) کے  ساتھ  جامع ، شراکت دار اور پائیدار ترقی کو فروغ دینے میں امداد باہمی کے  اہم کردار کو اجاگر کرنے کے لیے خصوصی اقدامات اور تقریبات کا ایک سلسلہ شروع کیا ہے ۔

آئی وائی سی-2025 کی تقریبات منانے کے لیے تعاون اور امداد باہمی کے شعبے کے تمام اسٹیک ہولڈرز کی مشاورت سے ایک جامع سالانہ ایکشن پلان تیار کیا گیا تھا اور اسے 24 جنوری 2025 کو ممبئی ، مہاراشٹر میں مرکزی وزیر داخلہ اور امداد باہمی کے مرکزی وزیر نے باضابطہ طور پر جاری کیا تھا ۔ ایکشن پلان میں آگاہی  اور بیداری مہم، صلاحیت سازی کے پروگرام ، اور اسٹیک ہولڈرز کی شمولیت کے اقدامات جیسی سرگرمیوں کی ایک وسیع  فہرست شامل ہے ۔ اس  اعلامیہ کے  جاری ہونے کے بعد سے ہی ، ملک بھر کے تمام اسٹیک ہولڈرز ، آئی وائی سی-2025 کے بینر تلے مختلف سطحوں پر ان اقدامات کو فعال طور پر نافذ کر رہے ہیں ۔

ملک گیر بیداری اور آؤٹ ریچ  یعنی دور دراز تک رسائی حاصل کرنے کی کوششوں کے ایک حصے کے طور پر ، آئی وائی سی کا لوگو ہندوستانی ریلوے کے ای ٹکٹوں ، وزارتوں،محکموں کی سرکاری ویب سائٹوں ، کوآپریٹو پروڈکٹ پیکیجنگ ( جیسے کہ، دودھ کے پیکٹ) اور خواتین پریمیئر لیگ 2025 کے تمام میچوں کے دوران نمایاں طور پر دکھایا گیا ہے ۔ مزید برآں ، تعاون اور امداد باہمی کی کامیابیوں کو ظاہر کرنے کے لیے ماہنامہ کروکشیتر  کا (جولائی 2025 شمارہ) ایک خصوصی شمارہ  شائع کیا گیا ہے ۔

قومی سطح کی ایک بڑی پہل ریاست میں تعاون اور امداد باہمی  کے وزراء کی قومی کانفرنس تھی ، جو 30 جون 2025 کو نئی دہلی کے بھارت منڈپم میں مرکزی وزیر داخلہ اور تعاون  اور امداد باہمی کے مرکرزی وزیر کی صدارت میں منعقد ہوئی ۔ ریاستوں اورمرکز کے زیر انتظام علاقوں جیسے ، بہار ، گجرات ، مدھیہ پردیش ، مہاراشٹر ، راجستھان وغیرہ کے ذریعہ مختلف بڑی سرگرمیاں منعقد کی گئیں ۔

وزارت کی طرف سے کیے گئے اقدامات کا مقصد تمام ریاستوں اورمرکز کے زیر انتظام علاقوں اور تعاون اور امداد باہمی  کے  تمام شعبوں میں جامع شرکت کو فروغ دینا ہے ۔ شفافیت بڑھانے ، آپریشنل کارکردگی کو بہتر بنانے ، جواب دیہی  کے عمل کوبڑھانے ، امداد باہمی کے  شعبوں کےدرمیان تعاون کو فروغ دینے ، نوجوانوں اور خواتین کو  تعاون اور امداد باہمی کے  اقدامات میں فعال طور پر شامل کرنے ، اور  قوانین پر مبنی ماڈل کے ضابطے کو اپنانے اور ان پر عمل درآمد کے ذریعے  تعاون اور امداد باہمی  کی حکمرانی کو مضبوط بنانے سے متعلق  مختلف سرگرمیوں کو منظم کرنے پر خصوصی زور دیا گیا ہے ۔

یہ بات امداد باہمی کے مرکزی  وزیر جناب امت شاہ نے راجیہ سبھا میں ایک سوال کے تحریری جواب میں بتائی ۔

*****

)ش ح –    م م ع      -  م ذ(

U.N. 3102

 

(Release ID: 2147278)