বিহাৰত অব্যাহত এছআইআৰ-ত ২০২৫-ৰ ১ আগষ্টত প্ৰকাশ পাবলগীয়া খচৰা ভোটাৰ তালিকাত সকলো যোগ্য ভোটাৰকে অন্তৰ্ভুক্তকৰণৰ ব্যাপক প্ৰচেষ্টা গ্ৰহণ কৰা হৈছে। বিহাৰৰ ১২ টা প্ৰধান ৰাজনৈতিক দলৰ জিলা সভাপতিয়ে নিযুক্তি প্ৰদান কৰা প্ৰায় ১ লাখ বিএলঅ’, ৪ লাখ স্বেচ্ছাসেৱক আৰু ১.৫ লাখ বিএলএ-কে প্ৰমুখ্য কৰি সমগ্ৰ নিৰ্বাচনী ব্যৱস্থাই একেলগে কাম কৰি যিসকল ভোটাৰে এতিয়াও তেওঁলোকৰ বিস্তৃত বিৱৰণৰ প্ৰ-পত্ৰ (EF) জমা দিয়া নাই বা তেওঁলোকক ঠিকনা অনুসৰি পোৱা হোৱা নাই, সেই সন্দৰ্ভত নিৰীক্ষণ অব্যাহত ৰাখিছে।

২) চিইঅ’/ডিইঅ’/ইআৰঅ’/বিএলঅ’-সকল সকলো ৰাজনৈতিক দলৰ প্ৰতিনিধিসকলৰ সৈতে বৈঠকত মিলিত হৈছে আৰু এতিয়ালৈকে প্ৰ-পত্ৰ লাভ নকৰা ২১.৩৬ লাখ ভোটাৰৰ লগতে মৃত্যু হোৱা বা স্থায়ীভাৱে স্থানান্তৰিত হোৱা বা একাধিক স্থানত নাম অন্তৰ্ভুক্ত প্ৰায় ৫২.৩০ লাখ ভোটাৰৰ বিশদ তালিকাও প্ৰদান কৰিছে।

৩) ২৪-০৬-২০২৫ ত এছআইআৰ-ৰ নিৰ্দেশনা অনুসৰি ২০২৫-ৰ ১ আগষ্টৰ পৰা ১ ছেপ্টেম্বৰলৈকে সম্পূৰ্ণ এমাহ ধৰি ভোটাৰসকলৰ বাবে খচৰা ভোটাৰ তালিকাত যিকোনো সংযোজন, কৰ্তন আৰু শুধৰণিৰ বাবে আপত্তি দাখিলৰ ব্যৱস্থা কৰা হৈছে।

 

৪	মুঠ ভোটাৰ (২০২৫-ৰ ২৪ জুনলৈকে)		৭,৮৯,৬৯,৮৪৪	শতাংশ
৫	প্ৰ-পত্ৰ লাভ কৰা হৈছে		৭,১৬,০৪১০২	৯০.৬৭%
৬	প্ৰ-পত্ৰ ডিজিটাইজড কৰা হৈছে		৭,১৩,৬৫,৪৬০	৯০.৩৭%
৭	এতিয়ালৈকে ঠিকনা অনুসৰি নোপোৱা ভোটাৰৰ সংখ্যা		৫২,৩০,১২৬	৬.৬২%
	৭.১	এতিয়ালৈকে মৃত ভোটাৰৰ সংখ্যা	১৮,৬৬,৮৬৯	২.৩৬%
	৭.২	এতিয়ালৈকে স্থায়ীভাৱে স্থানান্তৰিত ভোটাৰৰ সংখ্যা	২৬,০১,০৩১	৩.২৯%
	৭.৩	একাধিক স্থানত অন্তৰ্ভুক্ত ভোটাৰ	৭,৫০,৭৪২	০.৯৫%
	৭.৪	অনুসৰণ কৰিব নোৱাৰা ভোটাৰ	১১,৪৮৪	০.০১%
৮	সামৰি লোৱা মুঠ ভোটাৰ (৫+৭)		৭,৬৮,৩৪,২২৮	৯৭.৩০%
৯	এতিয়াও লাভ নকৰা প্ৰ-পত্ৰ		২১,৩৫,৬১৬	২.৭০%

******

PK/GDH/RP/SB

(Release ID: 2146998)