ملک کی 65 فیصد آبادی کی عمر 35 سال سے کم ہے ، منشیات کا استعمال ہندوستان کے نوجوانوں کو درپیش سنگین ترین خطرات میں سے ایک ہے ، جو انہیں زندگی کے ایک اہم مرحلے میں متاثر کرتا ہے اور ملک کی  ترقی کے لیے ایک چیلنج بناتا ہے ۔  اس بات کو ذہن میں رکھتے ہوئے نوجوانوں کے امور اور کھیلوں کے مرکزی وزیر ڈاکٹر منسکھ منڈاویا 20 جولائی کو وارانسی میں بنارس ہندو یونیورسٹی کیمپس سے ملک گیر سطح پر ’فٹ انڈیا سنڈیز آن سائیکل‘ کے خصوصی ایڈیشن ’نشا مکت یووا فار وکست بھارت‘ کی قیادت کریں گے ۔

فٹ انڈیا سنڈیز آن سائیکل کا 32 واں ایڈیشن سینٹرل بورڈ آف سیکنڈری ایجوکیشن (سی بی ایس ای) کیندریہ ودیالیہ سنگٹھن ، کونسل فار دی انڈین اسکول سرٹیفکیٹ ایگزامینیشن (سی آئی ایس سی ای) ڈی اے وی کالج مینجمنٹ کمیٹی ، نوودیہ ودیالیہ سمیتی اور بال بھارتی پبلک اسکول سمیت متعدد تعلیمی اداروں کے اشتراک سے ملک بھر میں 6000 مقامات پر منعقد کیا جائے گا ۔

ڈاکٹر منڈاویا نے ملک بھر کے 15 لاکھ اسکولوں سے صحت اور منشیات سے مبرا وکست بھارت کے لیے پیڈل چلانے کی اپیل کی ہے ۔  کھیلوں کے مرکزی وزیر  کے ذریعے دسمبر 2024 میں شروع کیا گیا ’فٹ انڈیا سنڈیز آن سائیکل‘ ایک عوامی تحریک میں تبدیل ہو گیا ہے اور ہر ہفتے 50,000 سے زیادہ افراد کی شرکت کے ساتھ ملک بھر کے ہزاروں مقامات پر اس کا انعقاد کیا گیا ہے ۔

نئی دہلی میں ، قومی راجدھانی خطہ (این سی آر) کے اسکولوں کے ہزاروں بچوں کے ساتھ جواہر لال نہرو اسٹیڈیم سے صبح 7 بجے اس تقریب کو جھنڈی دکھا کر روانہ کیا جائے گا ۔

’’نوجوان کل کے ملک کے  معمار  ہیں ۔  ایک صحت مند نوجوان ہی ملک کو خوشحالی کی طرف لے جا سکتا ہے ۔  جیسا کہ ہمارے وزیر اعظم نریندر مودی جی نے تصور کیا تھا ، ہندوستان 2047 تک تب ہی وکست بھارت میں تبدیل ہو سکتا ہے جب ہمارے نوجوان صحت مند اور تندرست ہوں ۔  آج ، نشے اور نشہ آور اشیاء کا غلط استعمال ہمارے نوجوانوں کی ترقی کے لیے بڑا خطرہ بن چکا ہے ۔  میں برصغیر میں ہر عمر اور ہر اسکول کے بچوں پر زور دوں گا کہ وہ نشا مکت وکست بھارت کا مقصد اپنائیں اور صحت اور موٹاپے سے  مبرا  ہندوستان کے لیے سائیکل چلائیں ۔

’فٹ انڈیا سنڈیز آن سائیکل‘ کا اہتمام نوجوانوں کے امور اور کھیلوں کی وزارت (ایم وائی اے ایس) نے سائیکلنگ فیڈریشن آف انڈیا (سی ایف آئی) مائی بائیکس اور ایم وائی بھارت کے اشتراک  سے کیا ہے ۔  سائیکلنگ مہم کا انعقاد تمام ریاستوں اور مرکز کے زیر انتظام علاقوں کے دارالحکومتوں کے علاوہ ایس اے آئی کے علاقائی مراکز ، نیشنل سینٹرز آف ایکسی لینس (این سی او ای) ، ایس اے آئی ٹریننگ سینٹرز (ایس ٹی سی) ، کھیلو انڈیا اسٹیٹ سینٹرز آف ایکسی لینس (کے آئی ایس سی ای) اور مختلف عمر کے گروپوں میں کھیلو انڈیا سینٹرز (کے آئی سی) میں بیک وقت کیا جاتا ہے ۔

اس سے قبل ، سائیکلنگ تقریب  میں ہندوستانی فوج کے جوانوں ، سنٹرل ریزرو پولیس فورس (سی آر پی ایف) بھارت-تبت بارڈر پولیس (آئی ٹی بی پی) گڈز اینڈ سروسز ٹیکس کونسل ، پبلک سیکٹر انڈرٹیکنگز (پی ایس یوز) فزیکل ایجوکیشن فاؤنڈیشن آف انڈیا (پی ای ایف آئی) اور گریٹ کھلی ، لولینا بورگوہین ، پرینکا گوسوامی ، رانی رامپال ، روڈالی بروا ، سنگرام سنگھ ، شینکی سنگھ ، نیتو گھنگھاس ، سویٹی بورا ، پیرس پیرالمپکس میڈلسٹ نتیش کمار ، منیشا رام داس ، روبینہ فرانسس اور سمرن شرما (پیرا ورلڈ چیمپئن) جیسی مشہور شخصیات کے علاوہ امت سیال ، راہل بوس ، مدھوریما تلی ، میا مایلزر اور گل پناگ جیسے کھیلوں سے  وابستہ ممتاز شخصیات نے شرکت کی ۔

*****

ش ح-ا ع خ  ۔ر  ا

U-No- 2906

(Release ID: 2146082)