سال2014 بیچ کے اسسٹنٹ سیکشن آفیسرز (اے ایس او) پر مشتمل سنٹرل سکریٹریٹ افسران کے ایک وفد نے، جو اس وقت حکومت ہند کی مختلف وزارتوں اور محکموں میں تعینات ہیں، آج مرکزی وزیر مملکت (آزادانہ چارج) برائے سائنس و ٹیکنالوجی، ارتھ سائنسز، ایم او ایس پی ایم او، پرسنل، عوامی شکایات، پنشن اور ڈاکٹر جیندر سنگھ سے ملاقات کی۔ پروموشن سے متعلقہ معاملات اور سروس کے دیگر مسائل کو حل کرنے میں ان کے مسلسل تعاون کے لیے تہہ دل سےشکریہ ادا کیا۔

وفد کے ارکان نے وزیر کے ساتھ زیر التواء ترقیوں کا معاملہ بھی اٹھایا جس پر موصوف نے تحمل سے سماعت کی اور اسے حل کرنے کی ہدایات جاری کیں۔

بات چیت کے دوران، افسران نے اپنے دیرینہ خدشات کو دور کرنے کے لیے وزیر اعظم نریندر مودی کی قیادت میں اٹھائے گئے فعال اقدامات کی تعریف کی۔ انہوں نے تسلیم کیا کہ ترقیوں اور خدمات کے معاملات میں جمود کو سنجیدگی سے لیا گیا اور وقتاً فوقتاً حل کیا گیا۔ افسران نے خاص طور پر ان کی شکایات سننے میں ان کی ذاتی دلچسپی اور متعلقہ محکموں کے ذریعے بروقت اور موثر ازالے کو یقینی بنانے میں ان کی رہنمائی کے لیے ڈاکٹر جتیندر سنگھ کا شکریہ ادا کیا۔

فورم کے ممبران نے اس بات پر روشنی ڈالی کہ بہت سے طویل عرصے سے زیر التوا معاملوں کا خاص طور پر او بی سی اور دیگر کمیونٹیز کے لیے ریزرو اسامیوں کے حوالے سے، گزشتہ ایک دہائی کے دوران تصفیہ کردیا گیا۔ اس سے نہ صرف انصاف اور شمولیت کو یقینی بنایا گیا ہے بلکہ پورے کیڈر کے افسران کے حوصلے میں نمایاں اضافہ ہوا ہے۔

اسسٹنٹ سیکشن آفیسرزنے یہ بھی نوٹ کیا کہ بعد کے بیچوں نے ایک ہموار اور زیادہ شفاف پروموشن اور سروس مینجمنٹ سسٹم سے فائدہ اٹھایا ہے۔ ان کا کہنا تھا کہ ان اصلاحات نے سرکاری خدمات میں اعتماد اور فخر پیدا کیا ہے، جس سے وہ ملک کی حکمرانی میں زیادہ بامعنی حصہ ڈالنے کے لیے حوصلہ افزائی کرتے ہیں۔

ڈاکٹر جتیندر سنگھ نے نوجوان افسران کی لگن اور عزم کے لیے ان کی تعریف کی، اور ان کی حوصلہ افزائی کی کہ وہ حکومت اہم صلاحیت سازی کے پروگرام، مشن کرم یوگی،آئی گوٹ کرم یوگی پورٹل کا فعال طور پر استعمال کرتے ہوئے خود کو بہتر بنانے اور حکمرانی کی مستقبل کی ضروریات کے ساتھ ہم آہنگ کرنے کے لیے استعمال کریں۔

ڈاکٹر سنگھ نے کہا’بھارت کی ترقی کے سفر کے امرت کال میں، یہ ضروری ہے کہ ہر سرکاری ملازم تبدیلی کا محرک اور2047  تک وکست بھارت میں فعال شراکت دار بنے۔

بات چیت کے ایک حصے کے طور پر، ڈاکٹر جتیندر سنگھ نے سینٹرل اسٹافنگ اسکیم (سی ایس ایس) کی اہمیت پر بھی روشنی ڈالی، جو افسران کو مرکز میں کلیدی عہدوں پر خدمات انجام دے کر حکمرانی کے مختلف شعبوں سے واقفیت حاصل کرنے کا ایک منفرد موقع فراہم کرتی ہے۔ انہوں نےاسسٹنٹ سیکشن آفیسرز کی حوصلہ افزائی کی کہ وہ مستقبل میں اس طرح کے کردار کی خواہش کریں، اس بات پر زور دیتے ہوئے کہ یہ اسکیم نہ صرف ایک افسر کی انتظامی ذہانت کو بڑھاتی ہے بلکہ قومی پالیسی کی تشکیل میں بھی اہم کردار ادا کرتی ہے۔ وزیرموصوف نے کہا کہ مودی حکومت کے تحت، سی ایس ایس زیادہ شفاف، میرٹ پر مبنی، اور کارکردگی پر مبنی ہو گیا ہے، جو مستقبل کے لیے تیار سول سروس کی تشکیل کے لیے مشن کرم یوگی کے وسیع وژن کے ساتھ ہم آہنگ ہے۔

***

(ش ح۔اص)

UR No 2821

(ریلیز آئی ڈی: 2145357) وزیٹر کاؤنٹر : 25