تجارت اور صنعت کے مرکزی وزیر جناب پیوش گوئل نے آج نئی دہلی میں نیشنل ون ڈسٹرکٹ ون پروڈکٹ (اوڈی او پی ) 2024 ایوارڈز کی تقریب سے خطاب کیا۔ انہوں نے کہا کہ وزارت تجارت اضلاع کے ساتھ مل کر کام کرے گی تاکہ نئے برآمد کنندگان کو نئی منڈیوں تک پہنچنے میں مدد ملے۔ انہوں نے بتایا کہ وزارت جلد ہی نئی منڈیوں، نئی مصنوعات اور نئے برآمد کنندگان کو فروغ دینے کے لیے مزید رہنما خطوط جاری کرے گی۔ انہوں نے کہا کہ وزارت تجارت اور اضلاع اوڈی او پی  مصنوعات کو نئی منڈیوں تک پہنچنے اور نئے برآمد کنندگان کی مدد کے لیے شراکت داری کر سکتے ہیں۔

جناب گوئل نے روشنی ڈالی کہ مختلف ریاستوں کے 773 اضلاع نے ہندوستان کی کامیابی کی کہانی میں اپنا حصہ ڈالا ہے۔ انہوں نے کہا کہ ہندوستان اس ہنگامہ خیز دنیا میں صحرا میں ایک نخلستان کی طرح ہے اور آج دنیا کی سب سے تیزی سے ترقی کرنے والی بڑی معیشت ہے۔ انہوں نے کہا کہ ہندوستان 2027 میں تیسری سب سے بڑی معیشت بن جائے گا۔ انہوں نے مزید کہا کہ ریاستوں، آبادی اور وزیر اعظم جناب نریندر مودی نے مل کر ترقی کی اس کہانی کو ممکن بنایا ہے۔

انہوں نے کہا کہ ہمارے پاس مصنوعات کی ایسی متنوع رینج ہے جو ہندوستان کو عالمی سطح پر لے جا سکتی ہے۔ انہوں نے وائناڈ سے کافی، رتناگیری کے آم اور پلوامہ سے زعفران جیسی مثالیں دیں اور کہا کہ یہ مصنوعات کی ایک وسیع رینج کی نمائندگی کرتے ہیں جو پوری دنیا میں ہندوستان کا نام لے سکتے ہیں۔ انہوں نے کہا کہ ایک ضلع، ایک پروڈکٹ ایک منفرد اقدام ہے اور کسی دوسرے ملک میں ایسا نہیں ہے۔ ہر ضلع ایک مختلف قسم کا ورثہ لاتا ہے۔ انہوں نے یہ بھی کہا کہ بعض اوقات دو مصنوعات کو اوڈی او پی  کے تحت تسلیم کرنا پڑتا ہے۔ انہوں نے کہا کہ مقامی اب گلوبل ہو رہا ہے۔

مسٹر گوئل نے کہا کہ 87 میں سے 64 مصنوعات صنعتی سرمایہ کاری کے فروغ کی پالیسی کے تحت آتی ہیں۔ انہوں نے بتایا کہ بہار کے تمام 38 اضلاع نے اوڈی او پی  کے تحت مصنوعات کی 100فیصد  کوریج حاصل کی ہے اور بہار نے اس اقدام کو اہمیت دی ہے۔ انہوں نے بتایا کہ تمام مصنوعات ریاست کی معیشت اور صنعتی پالیسی میں بھی شامل ہیں۔ اس سلسلے میں بہار کو اے کیٹیگری میں رکھا گیا ہے۔

انہوں نے کہا کہ امرت کال 2022-2047 کے آغاز میں وزیر اعظم جناب نریندر مودی کے 'پنچ پران' یا سنکلپس کو آگے بڑھایا جا رہا ہے۔ یہ سنکلپس ہندوستان کو ایک ترقی یافتہ ملک بنانے کی سمت میں کام کر رہے ہیں۔ ان کا مزید کہنا تھا کہ ہم سب کو ملک کی خود مختاری کا تحفظ کرنا چاہیے اور ملکی اتحاد و سالمیت کو برقرار رکھنا چاہیے۔

انہوں نے بتایا کہ 27 ریاستوں کو پی ایم ایکتا مال قائم کرنے کی منظوری دی گئی ہے، جو اپنی ریاستوں کے ساتھ ساتھ دیگر ریاستوں کی مصنوعات کو بھی فروغ دیں گے۔ انہوں نے کہا کہ یہ مالز جی آئی ٹیگ والی مصنوعات، ہینڈلوم وغیرہ کی نمائش بھی کریں گے۔

انہوں نے کہا کہ اوڈی او پی  مصنوعات کو پائیدار بنانے کی ضرورت ہے۔ انہوں نے مصنوعات کی برانڈنگ اور معیار پر کام کرنے کی ضرورت پر زور دیا۔ انہوں نے کہا کہ پیکیجنگ اور برانڈنگ کو بہتر بنانے کی ضرورت ہے تاکہ مصنوعات کو ان کے اعلیٰ معیار کی وجہ سے دنیا بھر میں عزت ملے۔ انہوں نے یہ بھی کہا کہ اوڈی او پی  سیاحت کو فروغ دینے میں مددکرے گا۔

انہوں نے کہا کہ اوڈی او پی  مصنوعات کو آگے لے جانے کے طریقوں کو سیکھنے اور ان کی تقلید میں مدد کے لیے ایک بہترین پریکٹس کمپنڈیم تیار کیا گیا ہے۔

انہوں نے ہر ایک پر زور دیا کہ وہ اپنی مصنوعات کے ذریعے اوڈی او پی  کو اپنے اضلاع میں خوشحالی کا محرک بنانے کا عہد کریں۔ انہوں نے تمام اسٹیک ہولڈرز کی حوصلہ افزائی کی کہ وہ اپنے اوڈی او پی  کو عالمی سطح پر لے جائیں۔

اس تقریب میں ون ڈسٹرکٹ ون پروڈکٹ (اوڈی او پی  ) ایوارڈز کے دوسرے ایڈیشن کا بھی مشاہدہ کیا گیا جس کا اہتمام محکمہ برائے فروغ صنعت اور اندرونی تجارت (ڈی پی آئی آئی ٹی )، تجارت اور صنعت کی وزارت نے کیا تھا۔ یہ ایوارڈز اوڈی او پی  پہل کے ذریعے آتم نربھر بھارت کے وژن کو آگے بڑھانے میں ریاستوں اور مرکز کے زیر انتظام علاقوں، اضلاع اور بیرون ملک ہندوستانی مشنوں کی کوششوں کو تسلیم کرنے اور ان کے اعزاز کے لیے قائم کیے گئے تھے۔

اس اقدام کے تحت، حکومت نے ملک بھر کے 750 سے زائد اضلاع سے 1,200 سے زیادہ منفرد مصنوعات کی نشاندہی کی ہے، جن میں زراعت، فوڈ پروسیسنگ، ہینڈلوم، دستکاری اور دیگر شعبوں کا احاطہ کیا گیا ہے۔ ان کوششوں کا مقصد ویلیو ایڈیشن، مارکیٹنگ کو فروغ دینا اور مقامی مصنوعات کو عالمی منڈیوں سے جوڑنا ہے۔

ریاستوں اور مرکز کے زیر انتظام علاقوں نے موجودہ اسکیموں میں اوڈی او پی  مصنوعات کو شامل کرنے اور بہت سے وقف شدہ اوڈی او پی  سیل قائم کرنے کے ساتھ یہ پہل زور پکڑ رہی ہے۔ 15 سے زیادہ ریاستوں/ مرکز کے زیر انتظام علاقوں نے وقف شدہ پلیٹ فارمز شروع کیے ہیں اور کچھ نے اوڈی او پی  کے لیے مخصوص ای کامرس حل تیار کیے ہیں۔ اوڈی او پی  مصنوعات کو گورنمنٹ ای-مارکیٹ پلیس (جی ای ایم) اور دیگر ای کامرس پورٹلز پر بھی درج کیا گیا ہے تاکہ آسانی سے خریداری اور وسیع تر رسائی میں آسانی ہو۔

اوڈی او پی  بین الاقوامی سطح پر پھیل رہا ہے۔ سنگاپور، نیویارک، وینکوور، میلان، کویت، بحرین اور جاپان میں اوڈی او پی  دیواریں قائم کی گئی ہیں۔ اوڈی او پی  مصنوعات اب ریٹیل آؤٹ لیٹس پر دستیاب ہیں جیسے کہ سنگا پور میں مصطفی سینٹر اور سینٹر پوائنٹ مال۔ بیرون ملک 15 سے زیادہ ہندوستانی مشنوں نے نمائشوں، روڈ شوز اور گفٹ مہموں کے ذریعے اوڈی او پی  کو فروغ دینے میں سرگرمی سے حصہ لیا ہے۔

نچلی سطح پر صلاحیت کی تعمیر کے لیے، اس پہل نے کاریگروں اور پروڈیوسروں کے لیے ٹارگٹڈ ہنر مندی اور تربیتی پروگرام فراہم کرنے کے لیے این آئی ڈی  اور آئی آئی ٹی  جیسے اہم اداروں کے ساتھ تعاون کیا ہے۔

وسیع تر رسائی کے ایک حصے کے طور پر، پی ایم گتی شکتی – او ڈی او پی تجربہ مرکز بھی بھارت منڈپم میں شروع کیا گیا ہے۔ یہ سنٹر ہندوستان کے ضلعی سطح کی مصنوعات کا ایک عمیق تجربہ پیش کرتا ہے جو کہ بڑھا ہوا حقیقت، ورچوئل رئیلٹی، آر ایف آئی ڈی میپنگ اور آڈیو وژول اسٹوری ٹیلنگ جیسی ٹیکنالوجیز کا استعمال کرتا ہے۔

قومی اور بین الاقوامی سطح پر شرکت کے پیمانے کو ظاہر کرتے ہوئے، 1 اپریل سے 11 جون 2024 کے درمیان اوڈی او پی  ایوارڈز کے لیے کل 641 درخواستیں موصول ہوئیں۔ ان میں اضلاع سے 587، ریاستوں/مرکز کے زیر انتظام علاقوں  سے 31 اور بیرون ملک ہندوستانی مشنوں سے 23 درخواستیں شامل تھیں۔

ایوارڈ کی تقریب اگست میں مرکزی وزیر تجارت اور صنعت شری پیوش گوئل کی موجودگی میں منعقد ہوئی۔ دہلی کی وزیر اعلی محترمہ ریکھا گپتا؛ اور تجارت اور صنعت کے وزیر مملکت جناب جتن پرساد۔ معززین نے نیشنل او ڈی او پی ایوارڈز 2024 کے فاتحین کو مبارکباد پیش کی اور جدت طرازی، عوامی خدمات کی فراہمی اور اقتصادی ترقی میں ان کے تعاون کو سراہا۔

اس موقع پر، وزراء نے آنے والے تیسرے اوڈی او پی  ایوارڈز کے لیے ڈیجیٹل طور پر ہینڈ بک لانچ کی اور اوڈی او پی  بہترین طریقوں کا ایک مجموعہ جاری کیا۔

اس تقریب میں منتخب ریاستوں، مرکز کے زیر انتظام علاقوں اور ہندوستانی مشنوں کے کامیاب اوڈی او پی  ماڈلز پر پریزنٹیشنز پیش کی گئیں، اس کے بعد ضلعی عہدیداروں، صنعتی انجمنوں، ایگریگیٹرز، ای کامرس پلیٹ فارمز، لاجسٹکس فراہم کنندگان اور ٹیکنالوجی اداروں نے شرکت کی جس میں آگے بڑھنے کے راستے پر ایک سیشن پیش کیا گیا۔

کل 34 ایوارڈز تین زمروں میں پیش کیے گئے - ضلع، ریاست اور مرکز کے زیر انتظام علاقہ، اور بیرون ملک ہندوستانی مشنز - اور متعلقہ نمائندوں نے وصول کیا۔ بیرون ملک ہندوستانی مشنوں نے تقریب میں عملی طور پر شرکت کی۔

1۔اوڈی او پی  ایوارڈز 2024 کے فاتحین کی فہرست:

1۔بیرون ملک ہندوستانی مشن:

ii۔ریاستیں/مرکز کے زیر انتظام علاقے:

الف۔زمرہ اے:

ب۔زمرہ بی:

iii۔اضلاع:

الف۔زمرہ اے - زراعت:

ب۔زمرہ بی – غیر زراعت:

******

ش ح۔ح ن۔س ا

U.No:2749

(Release ID: 2144677)