حکومت ہند کے کارپوریٹ امور اور سڑک ٹرانسپورٹ اور ہائی وے کے وزیر مملکت جناب ہرش ملہوترانے انڈیا انرجی اسٹوریج ویک 2025 میں بھارت کی گاڑیوں کی برقی کاری کے لیے روڈ میپ کے سیشن کا یشوبھومی، دہلی میں افتتاح کیا۔

آج نئی دہلی میں منعقدہ سیشن میں وزیر موصوف نے کہا کہ مودی حکومت نے ملک میں گرین موبیلیٹی کو فروغ دینے اور برقی گاڑیوں کی مینوفیکچرنگ ایکو سسٹم کی ترقی کے لیے بھرپور عزم کا مظاہرہ کیا ہے، اور پی ایم ای ڈرائیو اور فیم۔ IIاسکیموں کا آغاز اس عزم کی روشن مثال ہے۔

جناب ملہوترا نے کہا کہ بھارت، جو دنیا کی تیزی سے ترقی کرنے والی بڑی معیشت ہے، صاف موبیلیٹی کے مشن پر مسلسل گامزن ہے۔ انہوں نے مزید کہا کہ ای وی ریٹروفٹنگ کے قوانین اور ای وی پر ٹول ٹیکس کی چھوٹ جیسی پالیسیاں، نقل و حمل کو زیادہ قابل رسائی اور پائیدار بنانے کے لیے بنائی گئی ہیں۔

انہوں نے کہا کہ برقی موبیلیٹی کی جانب منتقلی صرف تکنیکی تبدیلی نہیں بلکہ ملکی فریضہ ہے تاکہ ماحولیاتی اہداف حاصل کیے جا سکیں، اقتصادی مضبوطی برقرار رکھی جا سکے اور توانائی کی سلامتی یقینی بنائی جا سکے۔

وزیر نے وزارت سڑک، ٹرانسپورٹ اور ہائی ویز کے ذریعہ تیار کیے جا رہے کثیر الوسیلہ لاجسٹکس پارکس کا ذکر کیا جو سڑک، ریل اور گوداموں کو مربوط کرتے ہیں اور اب ان میں گرین انرجی کے انتظامات اور ای وی دوستانہ سہولیات فراہم کی جا رہی ہیں، جس سے لاجسٹکس کے اخراجات کم ہوں گے، آلودگی میں کمی آئے گی اور بھارت کی صفائی اور مربوط ٹرانسپورٹ ہب کے طور پر حیثیت مضبوط ہوگی۔

جناب ملہوترا نے کہا کہ مودی حکومت 2030 تک پانچ سو گیگاواٹ قابل تجدید توانائی پیدا کرنے کے لیے پرعزم ہے اور بھارت صاف موبیلیٹی حل کے عالمی مرکز بننے کے دہانے پر ہے۔ انہوں نے تمام متعلقہ افراد سے مطالبہ کیا کہ وہ ایک ایسا ٹرانسپورٹ مستقبل تخلیق کریں جو صرف برقی نہ ہو بلکہ محفوظ، شامل اور ماحولیاتی ذمہ داری کا حامل بھی ہو۔

وزیر نے کہا کہ ہمیں یہ سمجھنا ہوگا کہ بیٹری اسٹوریج ٹیکنالوجیز، جو بھارت کے موسمی اور موبیلیٹی کی ضروریات کے مطابق ہوں، ہمارے مستقبل کے لیے انتہائی اہم ہوں گی۔ انہوں نے صنعت کے رہنماؤں پر زور دیا کہ تحقیق و ترقی میں سرمایہ کاری کریں، مقامی طور پر پیداوار کریں اور بیٹری ری سائیکلنگ اور دوبارہ استعمال جیسے دائرہ کار حل اپنائیں۔

وزیر نے آخر میں کہا کہ گزشتہ گیارہ برسوں میں بھارت نے صنعتی اور کاروباری ترقی میں شاندار کارکردگی دکھائی ہے، اور یہ رفتار اب عزت مآب وزیر اعظم جناب نریندر مودی جی کے مرکزی ہدف یعنی دو ہزار ساٹھ میں نیٹ زیرو کا حصول (نیٹ زیرو ٹارگیٹ) کی جانب مرکوز کی جا رہی ہے۔

**********

UR-2628

(ش ح۔ اس ک۔ ع  ر)