ବିହାରରେ ଭୋଟରମାନଙ୍କ ସକ୍ରିୟ ସହଯୋଗରେ ତୃଣମୂଳ ସ୍ତରରେ ସ୍ୱତନ୍ତ୍ର ସଘନ ସଂଶୋଧନ (SIR) ସୁଗମ ଭାବରେ କାର୍ଯ୍ୟକାରୀ ହେଉଛି। ସ୍ୱତନ୍ତ୍ର ସଘନ ସଂଶୋଧନର ପ୍ରାରମ୍ଭିକ ପର୍ଯ୍ୟାୟ ଅଧୀନରେ, ଗଣନା ଫର୍ମଗୁଡ଼ିକ ମୁଦ୍ରଣ ଏବଂ ବଣ୍ଟନ କରାଯିବାର ଥିଲା। ଏହି ପର୍ଯ୍ୟାୟ ପ୍ରାୟ ସମାପ୍ତ ହୋଇଛି ଏବଂ ସମସ୍ତ ଉପଲବ୍ଧ ଭୋଟରଙ୍କ ପାଇଁ ଫର୍ମଗୁଡ଼ିକ ଉପଲବ୍ଧ କରାଯାଇଛି।

ଏହା ପୁନରାବୃତ୍ତି କରାଯାଉଛି ଯେ ୨୪ ଜୁନ ୨୦୨୫ ତାରିଖର SIR ନିର୍ଦ୍ଦେଶାବଳୀ ଅନୁସାରେ ପରିଚାଳିତ ହେଉଛି ଏବଂ ନିର୍ଦ୍ଦେଶାବଳୀରେ କୌଣସି ପରିବର୍ତ୍ତନ ହୋଇନାହିଁ। ନିର୍ଦ୍ଦେଶାବଳୀ ଅନୁଯାୟୀ, ୧ ଅଗଷ୍ଟ ୨୦୨୫ରେ ଜାରି ହେବାକୁ ଥିବା ଡ୍ରାଫ୍ଟ ଭୋଟର ତାଲିକାରେ ଗଣନା ଫର୍ମ ଗ୍ରହଣ କରାଯାଇଥିବା ବ୍ୟକ୍ତିଙ୍କ ନାମ ରହିବ।

ଭୋଟରମାନେ ୨୫ ଜୁଲାଇ, ୨୦୨୫ ପୂର୍ବରୁ ଯେକୌଣସି ସମୟରେ ସେମାନଙ୍କର ଡକ୍ୟୁମେଣ୍ଟ ଦାଖଲ କରିପାରିବେ। ଡ୍ରାଫ୍ଟ ଭୋଟର ତାଲିକା ପ୍ରକାଶନ ପରେ, ଯଦି କୌଣସି ଡକ୍ୟୁମେଣ୍ଟରେ ତ୍ରୁଟି ଥାଏ, ତେବେ ଦାବି ଏବଂ ଆପତ୍ତି ଅବଧିରେ ଯାଞ୍ଚ ସମୟରେ ନିର୍ବାଚନ ପଞ୍ଜିକରଣ ଅଧିକାରୀମାନେ ଡ୍ରାଫ୍ଟ ଭୋଟର ତାଲିକାରେ ନାମ ଥିବା ଭୋଟରଙ୍କଠାରୁ ଏପରି ଡକ୍ୟୁମେଣ୍ଟ ପାଇପାରିବେ ।

ଆଜି ସନ୍ଧ୍ୟା ୬ଟା ସୁଦ୍ଧା, ୧,୬୯,୪୯,୨୦୮ଟି ଗଣନା ଫର୍ମ ଗ୍ରହଣ କରାଯାଇଛି, ଅର୍ଥାତ୍ ୨୪ ଜୁନ୍, ୨୦୨୫ ପର୍ଯ୍ୟନ୍ତ ବିହାରରେ ମୋଟ ୭,୮୯,୬୯,୮୪୪ (ପ୍ରାୟ ୭.୯୦ କୋଟି) ଭୋଟରଙ୍କ ମଧ୍ୟରୁ ୨୧.୪୬ ପ୍ରତିଶତ। ଗତ ୨୪ ଘଣ୍ଟା ମଧ୍ୟରେ ଅର୍ଥାତ୍ ଗତକାଲି ସନ୍ଧ୍ୟା ୬ଟାରୁ ୬୫,୩୨,୬୬୩ଟି ଗଣନା ଫର୍ମ ଦାଖଲ ହୋଇଛି। ଫର୍ମ ଦାଖଲର ଶେଷ ତାରିଖ ପାଇଁ ଆଉ ୧୯ ଦିନ ବାକି ଅଛି ।

ଫର୍ମ ଅପଲୋଡ୍ କରିବା କାମ ମଧ୍ୟ ପୂର୍ଣ୍ଣ ଗତିରେ ଆରମ୍ଭ ହୋଇଛି ଏବଂ ଏପର୍ଯ୍ୟନ୍ତ ୭.୨୫ ପ୍ରତିଶତ ଫର୍ମ ଅପଲୋଡ୍ ହୋଇସାରିଛି। ଆଂଶିକ ଭାବରେ ପୂରଣ ହୋଇଥିବା ଫର୍ମଗୁଡ଼ିକୁ ECI ପୋର୍ଟାଲ (https://voters.eci.gov.in) ଏବଂ ECINET ଆପରୁ ଡାଉନଲୋଡ୍ କରାଯାଇପାରିବ ଏବଂ ପୂରଣ ହୋଇଥିବା ଫର୍ମଗୁଡ଼ିକୁ ଭୋଟରମାନେ ନିଜେ ECINET ଆପରେ ଅପଲୋଡ୍ କରିପାରିବେ।

୭୭, ହଜାର ୮୯୫ ଜଣ ବିଏଲଓ ଘର ଘର ବୁଲି ଭୋଟରମାନଙ୍କୁ ସେମାନଙ୍କର ଗଣନା ଫର୍ମ ପୂରଣ କରିବାରେ ଏବଂ ସଂଗ୍ରହ କରିବାରେ ସାହାଯ୍ୟ କରୁଛନ୍ତି। ବହୁ ସଂଖ୍ୟାରେ ବିଏଲଓ ଭୋଟରମାନଙ୍କର ଲାଇଭ୍ ଫଟୋ ଉଠାଇ ଅପଲୋଡ୍ କରୁଛନ୍ତି, ଯାହା ଫଳରେ ଭୋଟରମାନେ ସେମାନଙ୍କର ଫଟୋ କ୍ଲିକ୍ କରିବା ସମସ୍ୟାରୁ ବଞ୍ଚିପାରିବେ।

ଏହା ସହିତ ପ୍ରକ୍ରିୟାକୁ ସୁଗମ ଏବଂ ସମୟ ସୀମା ମଧ୍ୟରେ ସମାପ୍ତ କରିବା ପାଇଁ ୨୦ ହଜାର ୬୦୩ ଜଣ ବିଏଲଓ ନିଯୁକ୍ତ କରାଯାଉଛି। SIR ପ୍ରକ୍ରିୟାରେ ବୟସ୍କ, ଦିବ୍ୟାଙ୍ଗ, ଅସୁସ୍ଥ ଏବଂ ଦୁର୍ବଳ ଜନସଂଖ୍ୟାକୁ ସୁବିଧା ଯୋଗାଇବା ପାଇଁ ପ୍ରାୟ ୪ ଲକ୍ଷ ସ୍ୱେଚ୍ଛାସେବକ, ଯେଉଁଥିରେ ସରକାରୀ ଅଧିକାରୀ, NCC କ୍ୟାଡେଟ୍, NSS ସଦସ୍ୟ ଇତ୍ୟାଦି ଅନ୍ତର୍ଭୁକ୍ତ, କ୍ଷେତ୍ରସ୍ତରରେ କାର୍ଯ୍ୟ କରୁଛନ୍ତି। ଏହା ବ୍ୟତୀତ ସମସ୍ତ ୨୪୩ ଏସି, ୯୬୩ ଏଇଆରଓ, ୩୮ ଡିଇଓ ଏବଂ ରାଜ୍ୟର ସିଇଓଙ୍କୁ ଅନ୍ତର୍ଭୁକ୍ତ କରି ୨୩୯  ଜଣ ନିର୍ବାଚନ ପଞ୍ଜିକରଣ ଅଧିକାରୀଙ୍କୁ ଭୂମି ସ୍ତରରେ ମତଦାତାମାନଙ୍କୁ ସେମାନଙ୍କର ଫର୍ମ ଦାଖଲ କରିବାରେ ସାହାଯ୍ୟ କରିବା ପାଇଁ କାର୍ଯ୍ୟ କରୁଛନ୍ତି।

ବିଭିନ୍ନ ରାଜନୈତିକ ଦଳ ଦ୍ୱାରା ନିଯୁକ୍ତ ୧,୫୪,୯୭୭ ବୁଥ୍ ସ୍ତରୀୟ ଏଜେଣ୍ଟ (BLA) ମଧ୍ୟ SIR ପ୍ରକ୍ରିୟାରେ ସକ୍ରିୟ ଭାବରେ ସହାୟତା କରୁଛନ୍ତି।

Sws