విశాఖపట్నం ఐఎన్ఎస్ డేగాలో ‘సెకెండ్ బేసిక్ హాక్ కన్వర్షన్’ పట్టభద్రుల కోర్సుని విజయవంతంగా పూర్తి చేసిన వారి కోసం పట్టా ప్రదానం చేసే వింగింగ్ వేడుక నిర్వహించారు. జులై 3న జరిగిన ఈ కార్యక్రమంలో లెఫ్టినెంట్ అతుల్ కుమార్ ధుల్, సబ్ లెఫ్టినెంట్ ఆస్థా పూనియాలు ప్రతిష్ఠాత్మక ‘వింగ్స్ ఆఫ్ గోల్డ్’ పురస్కారాన్ని రియర్ అడ్మిరల్ జనక్ బెవ్లీ, ఏసీఎన్ఎస్ (ఎయిర్) చేతుల నుంచి అందుకున్నారు. సబ్ లెఫ్టినెంట్ ఆస్థా పూనియా నావికాదళ వాయుసేవా విభాగంలోని ఫైటర్ శాఖలో చేరిన తొలి మహిళ కావడం విశేషం. యుద్ధ విభాగానికి ఆమె ఎంపిక, మహిళలు ఎదుర్కొనే అడ్డంకులను ఛేదించి, సరకొత్త బాటను నిర్మించే సందర్భమని భావిస్తున్నారు.  

భారత నావికాదళం ఇప్పటికే మహిళా ఆఫీసర్లను పైలెట్లుగా, నేవల్ ఎయిర్ ఆపరేషన్స్ అధికారిణులుగా నియమించింది. వీరు ఎంఆర్ విమానాల్లో, హెలికాప్టర్ లలో విధులు నిర్వర్తిస్తున్నారు. ఇక ఫైటర్ స్ట్రీమ్ ప్రత్యేక విభాగానికి సబ్ లెఫ్టినెంట్ ఆస్థా పూనియా ఎంపిక నారీ శక్తి కార్యక్రమానికి అనుగుణంగా, నౌకాదళ ఏవియేషన్ రంగంలో మహిళలకు సమానావకాశాల కల్పించే దిశగా పడిన ముందడుగని భావిస్తున్నారు.

***