زراعت ، کسانوں کی بہبود اور دیہی ترقی کے مرکزی وزیر جناب شیوراج سنگھ چوہان نے جموں و کشمیر کے اپنے دورے کے دوسرے دن شیر کشمیر یونیورسٹی آف ایگریکلچرل سائنسز اینڈ ٹیکنالوجی (ایس کے یو اے ایس ٹی-کے) سری نگر ،کے چھٹے جلسہ تقسیم اسناد کی تقریب میں شرکت کی اور طلبا کو ڈگریاں عطا کیں ۔  اس تقریب میں لیفٹیننٹ گورنر اور یونیورسٹی کے چانسلر جناب منوج سنہا ، وزیر اعلی اور ایس کے یو اے ایس ٹی-کے، کے پرو-چانسلر جناب عمر عبداللہ ، زراعت  اور دیہی ترقی کے وزیر جناب جاوید احمد ڈار ، نائب وزیر اعلی جناب راجندر چودھر ی اور تعلیم کی وزیر محترمہ سکینہ مسعود کے علاوہ وائس چانسلرز ، پروفیسرز ، سینئر حکام اور دیگر معزز شخصیات  نے شرکت کی ۔

اجتماع سے خطاب کرتے ہوئے جناب شیوراج سنگھ نے کہا  کہ "میں کل سے سری نگر میں ہوں ۔  ٹھنڈی ہوا ، مٹی کی خوشبو ، قدرتی خوبصورتی اور لوگوں کے والہانہ انداز نے حقیقت میں میرے دل کو چھو لیا ہے ۔  جموں و کشمیر ہندوستان کا  ایک قیمتی اثاثہ ہے ۔  ہم نے کل وزیر اعلی کے ساتھ زراعت اور دیہی ترقی پر گہرائی سے جائزہ لیا ۔ جموں و کشمیر کی ترقی کو تیز کرنے پر  ہم نے  تفصیلی بات چیت کی ۔  وزیر اعظم جناب نریندر مودی وکست بھارت کی تعمیر کے لیے پرعزم ہیں اور اس کے لیے بااختیار کسانوں کے ساتھ ایک خوشحال جموں و کشمیرناگزیر ہے ۔  ہم اس مقصد کو حاصل کرنے کے لیے پوری طرح پرعزم ہیں ۔ "

نیتی آیوگ کی پچھلی میٹنگ کا حوالہ دیتے ہوئے ، جناب چوہان نے وزیر اعلی عمر عبداللہ سے کہا کہ "آپ نے وزرا سے جموں و کشمیر آنے اور مشاورتی کمیٹی کا  اجلاس منعقد کرنے کی جذباتی اپیل کی تھی ۔  آپ نے اس بات پر بھی روشنی ڈالی کہ کس طرح اندرونی حالات مستحکم ہوتے ہیں اور جنہیں صرف بیرونی عناصر سے پریشانی کا سامنا ہوتا ہے ۔  ہم نے آپ کی دعوت قبول کی  اور کل مشاورتی کمیٹی کا اجلاس منعقد کیا ۔ "

جناب چوہان نے بتایا کہ کس طرح انہوں نے سری نگر کے مقامی لوگوں کے ساتھ بات چیت کی اور ان کا  گرم جوشی سے خیر مقدم کیا گیا اور انہیں زبردست پیار ملا ۔  "یہاں تک کہ ڈل جھیل پر ایک شکارا کشتی والے نے بھی میرا گرمجوشی سے استقبال کیا ۔  میں بہت زیادہ متاثر ہوا اور اس پیار کو ملک کے باقی لوگوں کے ساتھ بھی شیئر کروں  گا "۔   انہوں نے ایس کے یو اے ایس ٹی-کے، کی کامیابیوں کی ستائش کی اور اس اعتماد کا اظہار کیا کہ یہ جلد ہی اعلی درجے کی ریاستی یونیورسٹی بن جائے گی ۔  انہوں نے کہا کہ یونیورسٹی نہ صرف جموں و کشمیر بلکہ 30 ہندوستانی ریاستوں اور مرکز کے زیر انتظام علاقوں کے ساتھ ساتھ بیرون ملک سے آنے والے طلباء کی میزبانی کرتی ہے ، جس سے یہ قومی اور بین الاقوامی سطح پر تسلیم شدہ ادارہ بن جاتا ہے ۔

گریجویٹس طلبا کے ساتھ اظہار خیال کرتے ہوئے انہوں نے کہا کہ "کنووکیشن کا مطلب سیکھنے کا خاتمہ نہیں ہے بلکہ، یہ نئے علم کا آغاز ہے ۔  آپ نے اپنے کلاس رومز اور لیبارٹریوں میں جو علم سیکھا ہے،  اسے اب معاشرے کے ساتھ بانٹنا چاہیے ۔  انہوں نے زراعت کی ناقابل تلافی قدر پر زور دیتے ہوئے کہا کہ "کاشتکاری کے بغیر نہ تو جموں و کشمیر ، نہ ہی ملک اور نہ ہی دنیا کام کر سکتی ہے ۔  انہوں نے مزید کہا کہ زرعی پیداوار، فیکٹریوں میں نہیں تیار کی جا سکتی ہے ۔ زراعت ہندوستانی معیشت کی ریڑھ کی ہڈی اور نصف سے زیادہ آبادی کے لیے بنیادی روزی روٹی ہے ۔

وزیر اعظم نریندر مودی کا شکریہ ادا کرتے ہوئے ، انہوں نے اس بات کو اجاگر کیا کہ وزیر اعظم کی قیادت میں ، ہندوستان کا غذائی اجناس کا ذخیرہ ریکارڈ سطح پر پہنچ گیا ہے ، جس میں پچھلے 11 برسوں میں غذائی اجناس کی پیداوار میں 44 فیصد کا  اضافہ ہوا ہے ، جس میں چاول ، گندم ، مکئی ، سویابین اور مونگ پھلی میں ریکارڈ اضافہ شامل ہے ۔

انہوں نے کہا کہ جموں و کشمیر کے پھل ، پھول اور سبزیاں ذائقہ اور رنگ میں بے مثال ہیں، انہوں نے جموں و کشمیر کو باغبانی کا عالمی مرکز بنانے کے اپنے وژن کا بھی اعادہ کیا ۔

انہوں نے مزید کہا کہ خطے میں مجموعی زرعی ترقیاتی پروگرام (ایچ اے ڈی پی) کو کامیابی کے ساتھ نافذ کیا جا رہا ہے ۔  باغبانی کی مربوط ترقی کے مشن (ایم آئی ڈی ایچ) کے تحت 'صاف پودے' فراہم کرنے پر تبادلہ خیال کیا گیا، فی الحال ، کسان اکثر ریاست کے باہر سے پودے لگانے کا مواد درآمد کرتے ہیں ، جس میں وائرس یا بیکٹیریا بھی ہو سکتے ہیں ۔  اس سے نمٹنے کے لیے جموں و کشمیر میں 150 کروڑ روپے کے بجٹ کے ساتھ کلین پلانٹ سینٹر قائم کرنے کا فیصلہ کیا گیا ہے۔  انہوں نے کہا کہ 5000 ہیکٹر سیب کے باغات میں فی ہیکٹر پیداوار 10 ٹن سے بڑھ کر 60 ٹن ہو گئی ہے ، جس میں چھ گنا اضافہ ہوا ہے ۔  انہوں نے کہا کہ "میں کشمیری سیب کو عالمی سطح پر برآمد ہوتے دیکھنا چاہتا ہوں، تاکہ ہندوستان کو اب سیب درآمد کرنے کی ضرورت نہ پڑے" ۔

وزیر موصوف نے وزیر اعظم مودی کی قیادت میں کسانوں کے مفادات کے تحفظ کے لیے بھارتی حکومت کے عزم پر روشنی ڈالی ۔  انہوں نے زراعت میں مزید اختراعات پر زور دیتے ہوئے طلباء پر زور دیا کہ وہ اسٹارٹ اپس شروع کریں اور اس شعبے میں جدید ٹیکنالوجی تیار کریں ۔  سول سروسز میں یونیورسٹی کی کارکردگی کی ستائش کرتے ہوئے انہوں نے طلباء کو یاد دلایا کہ حقیقی کامیابی صرف اپنے لیے نہیں بلکہ دوسروں کے لیے زندگی گزارنے میں ہے ۔  " ، نہ صرف یہ کہ نظریاتی ، بلکہ عملی علم کا اطلاق کریں ۔  آپ میں سے ہر ایک میں بے پناہ صلاحیتیں موجود ہیں ، اور مجھے یقین ہے کہ آپ اچھا کریں گے ۔

سوامی وویکانند کا حوالہ دیتے ہوئے ، جناب چوہان نے کہا  کہ "انسان لامحدود طاقت کا ذخیرہ ہے ؛ ایسا کچھ بھی نہیں ہے، جسے وہ حاصل نہیں کر سکتا" ۔  انہوں نے طلباء کی حوصلہ افزائی کی کہ وہ اہداف طے کریں  اور  ایک خاکہ وضع کریں   اور زیادہ سے زیادہ بھلائی کے لیے مسلسل کام کریں ۔

انہوں نے سائنسدانوں اور جموں و کشمیر کے زراعت کے وزیر کے ساتھ سرحدی دیہاتوں کے اپنے حالیہ دورے کا  بھی ذکر  کرتے ہوئے اس بات پر زور دیا کہ ترقی ان علاقوں تک پہنچنی چاہئے، جنہیں سب سے زیادہ نظر انداز کیا گیا ۔  انہوں نے زور دے کر کہا کہ "اپنی زندگی کا صحیح معنی میں استعمال کریں اور مقصد کے ساتھ آگے بڑھیں" ۔

جناب چوہان نے وزیر اعظم مودی کی طرف سے وضع کردہ چھ نکاتی زرعی حکمت عملی کے بارے میں بھی بات کی ، جس میں ذیل عوامل شامل ہیں:

1. پیداوار میں اضافہ
2. کاشت کاری کی لاگت کو کم کرنا
3. مناسب قیمتوں کو یقینی بنانا
4. نقصانات کے لیے مناسب معاوضہ فراہم کرنا
5. متنوع زراعت
6. آنے والی نسلوں کے لیے زمین کا تحفظ کرتے ہوئے قدرتی کاشتکاری کو فروغ دینا

انہوں نے کہا کہ مرکزی اور ریاستی حکومتیں دونوں مل کر مذکورہ حکمت عملیوں کو نافذ کرنے کے لیے کام کر رہی ہیں ۔  انہوں نے کہا کہ ہندوستان صرف اپنے لیے ہی نہیں بلکہ دنیا کے لیے بھی ہے ۔  یہ ایک ایسی سرزمین ہے، جو پوری دنیا کو ایک  کنبہ  خیال کرتی ہے ، "انہوں نے جموں و کشمیر اور قوم کو آگے بڑھانے کے لیے اجتماعی کوششوں پر زور دیتے ہوئے کہا کہ " ہمیں  جنگ  نہیں،  امن  کے منتر اورنفرت نہیں، محبت کے منتر کے ساتھ آگے بڑھنا چاہے  "۔  انہوں نے اس اعتماد کا بھی اظہار کیا کہ ہندوستان ایک مضبوط عالمی شناخت بنائے گا اور دنیا کو خوراک کی دستیابی کرانے کے طور پر ابھرے گا ۔

جلسہ تقسیم اسناد کی اس تقریب میں تقریبا 5250 طلباء نے انڈرگریجویٹ ، پوسٹ گریجویٹ اور پی ایچ ڈی کی ڈگریاں حاصل کیں ۔  مزید یہ کہ، شاندار طلبا کو ان کی تعلیمی کامیابیوں کے لیے 150 گولڈ میڈل اور 445 میرٹ سرٹیفکیٹ سے بھی نوازا گیا ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ش م۔ ق ر)

U. No.2450