کوئلہ اور کانوں کے مرکزی وزیر مملکت جناب ستیش چندر دوبے نے 30 جون اور یکم  جولائی 2025 کو ایس ای سی ایل کے آپریشنل علاقوں کا دو روزہ سرکاری دورہ کیا۔ اس دورے میں کوئلے کی پیداوار کو مضبوط بنانے اور کان کنی میں پائیداری، حفاظت اور شمولیت کو فروغ دینے کے لیے کئی اہم افتتاحی سرگرمیاں اور بات چیت شامل تھی۔

وزیر  موصوف نے آج ایس ای سی ایل چیری میری ایریا میں این سی پی ایچ زیر زمین کان میں ایک جدید ترین کم اونچائی والی کنٹینیوئس مائنر مشین کا ورچوئل طریقے پر افتتاح کیا اور اسے جھنڈی دکھا کر روانہ کیا۔

جناب دوبے نے کہا، "کوئلے کا شعبہ آتم نربھر بھارت کی تعمیر میں ایک اہم کردار ادا کرتا ہے۔ وزیر اعظم جناب نریندر مودی کی قیادت میں کوئلے کی قلت ماضی کی بات بن چکی ہے۔ مسلسل کنٹینیویس مائنر جیسی جدید ٹیکنالوجی کا استعمال کرتے ہوئے، ہمارا مقصد زیر زمین کوئلے کی پیداوار کو بڑھانا اور  زیر زمین کانوں سے  .2030 تک   100 ملین ٹن کانوں کے 200 ملین ٹن کے ہدف کو حاصل کرنا ہے۔"

انہوں نے مزید کہا کہ کوئلہ کی وزارت محفوظ اور موثر کوئلہ نکالنے کے عمل کو فروغ دینے کے لیے جدید ٹیکنالوجی کو فعال طور پر فروغ دے رہی ہے اور  انہوں نے جدید آلات کو اپنانے کے لیے ایس ای سی ایل کی تعریف کی۔

وزیر  موصوف نے بیکنتھ پور ایریا میں چرچا مائن میں ایک مین مکینیکل وینٹی لیٹر(ایم ایم وی) کا بھی افتتاح کیا، جو زیر زمین افرادی قوت کے لیے تازہ اور صاف ہوا کے بہاؤ کو یقینی بنانے کے لیے ایک اہم حفاظتی ڈھانچہ ہے۔ خواتین ملازمین کی سہولت کے لئے انہوں نے کان کے مقام پر بائیو ٹوائلٹس کا افتتاح کیا اور کوئلے کے شعبے میں خواتین کے بڑھتے ہوئے تعاون پر زور دیا۔

 وزیرموصوف کی طرف سے چرچا مائن کیمپس میں "ایک پیڑ  ماں کے نام" مہم کے تحت ایک درخت بھی لگایا گیا، جو ماحولیاتی پائیداری کے عزم کی علامت ہے۔ بعد ازاں، انہوں نے مثالی ملازمین جن میں  خواتین اور کنٹریکٹ ورکرز  شامل ہیں ، کی عزت افزائی کی اور ان کی لگن اور حوصلےمندی کی تعریف کی۔

 

دورے کے پہلے دن رائے پور پہنچنے پر، جناب دوبے نے چھتیس گڑھ کے وزیر اعلیٰ، جناب وشنو دیو سائی سے اخلاقی ملاقات کی۔ دونوں معززین نے ریاست میں کوئلہ پروجیکٹ کی توسیع کے لیے اراضی کے حصول اور بازآبادکاری میں تیزی لانے پر تبادلہ خیال کیا۔

 ایس ای سی ایل کے ڈپکا ایریا میں واقع پرگتی ہاؤس میں وزیر موصوف نے "ایک پیڑ ماں کے نام" کے تحت شجر کاری مہم میں حصہ لیا، مجوزہ داخلی دروازے اور سیکورٹی کمپلیکس کا سنگ بنیاد رکھااور ڈپکا ویو پوائنٹ پر آپریشنل اپ ڈیٹس کا جائزہ لیا۔ انہیں کان کی کارکردگی، پیداواری صلاحیت اور مستقبل کی ترقی کے منصوبوں پر ایک جامع پریزنٹیشن دی گئی۔

 

انہوں نے نہ صرف کوئلے کی پیداوار میں بلکہ سماجی ذمہ داری میں بھی ایس ای سی ایل کے تعاون کی تعریف کی، جس میں سی ایس آر کے مؤثر اقدامات جیسے ایس ای سی ایل کی دھڑکن‘ کو اجاگر کیا گیا جو بچوں کے لیے دل کی اہم سرجریوں کے لیے فنڈ فراہم کرتے ہیں۔

 

اپنے دورے کے اختتام پر، وزیر موصوف نے ملازمین – جن میں  خواتین کارکنان بھی شامل ہیں۔کی ان  کی غیر معمولی خدمات کے لیے عزت افزائی کی اور افرادی قوت کے ساتھ بات چیت کرنے اور ان کی بہبود اور زندگی کے حالات کا جائزہ لینے کے لیے کنٹریکٹ ورکرز کے کیمپوں کا دورہ کیا۔

ایس ای سی ایل کے سی ایم ڈی جناب ہریش دوہان، فنکشنل ڈائریکٹرز، سی وی او اور دیگر سینئر حکام وزیر کے دو روزہ دورے کے دوران ان کے ہمراہ تھے۔

ش ح۔  م م۔ ج

Uno-2348

(Release ID: 2141362)