آبی وسائل، دریا کی ترقی اور گنگا کی بحالی کے محکمے، جل شکتی کی وزارت کے علم میں یہ بات آئی ہے کہ میڈیا کے کچھ اداروں نے غلط اور گمراہ کن طور پر یہ اطلاع دی ہے کہ کسانوں کو اب حکومت ہند کی جانب سے چلائی جارہی ایک نئی اسکیم کے تحت پانی کے استعمال کے لیے  رقم کی ادائیگی کرنی ہوگی ۔

وزارت واضح طور پر یہ واضح کرنا چاہتی ہے کہ زیربحث پائلٹ پروجیکٹ ‘‘وزیر اعظم کرشی سنچائی یوجنا (پی ایم کے ایس وائی) کے تحت کمانڈ ایریا ڈیولپمنٹ اینڈ واٹر مینجمنٹ (ایم۔ سی اے ڈی ڈبلیو ایم) اسکیم سے متعلق ہے۔’’ اس اقدام کا مقصد آبپاشی کی کارکردگی کو بہتر کرنا، پانی کی مساوی تقسیم اور جدید ٹیکنالوجی کے مساوی استعمال کو یقینی بنانا ہے۔ پانی کے موثر انتظام اور تقسیم میں شفافیت کو یقینی بنانے کے لیے پائپ لائن نیٹ ورکس، آئی او ٹی آلات، اور ایس سی اے ڈی اے سسٹم کو نافذ کیا گیا ہے۔

اس پائلٹ پروجیکٹ کے تحت قطعی طور پر کوئی انتظام نہیں ہے، اور نہ ہی حکومت ہند کی طرف سے پانی کے استعمال کے لیے ضروری طور پر کاشتکاروں پر یوزر چارجز عائد کرنے کی کوئی ہدایت ہے۔ حالیہ پریس کانفرنس کے دوران میڈیا کے ارکان نے اس نکتے کو متعدد بار اٹھایا اور جل شکتی کے عزت مآب وزیر جناب سی آر پاٹل نے واضح طور پر اس کی وضاحت کی۔

مزید، اس بات پر زور دیا گیا ہے کہ ‘زراعت’ اور ‘پانی’ دونوں ہی ہندوستان کے آئین کے تحت ریاستی  حکومت کے زیر انتظام ہیں۔ اس کے مطابق، واٹر یوزر ایسوسی ایشنز (ڈبلیو یو ایز) یا اس اسکیم کے استفادہ کنندگان سے صارف کے چارجز کی وصولی کے بارے میں کوئی بھی فیصلہ صرف اس اسکیم کو نافذ کرنے والی متعلقہ ریاستی حکومتوں پر منحصر ہوگا۔

وزارت تمام شراکت داروں  پر زور دیتی ہے، بشمول میڈیا آؤٹ لیٹس، ایسی رپورٹس شائع کرنے سے پہلے حقائق کی تصدیق کریں، جس سے کاشتکار برادری میں غیر ضروری گھبراہٹ یا الجھن پیدا ہو سکتی ہے۔

یہ وضاحت شفافیت کے مفاد میں اور غلط معلومات کے پھیلاؤ کو روکنے کے لیے جاری کی جا رہی ہے۔

********

ش ح۔س ک۔ رض

2274U-

(Release ID: 2140694) Visitor Counter : 4