மத்திய திறன் மேம்பாடு மற்றும் தொழில்முனைவுத் துறை இணையமைச்சரும் (தனிப்பொறுப்பு), கல்வி அமைச்சகத்தின் இணையமைச்சருமான திரு ஜெயந்த் சவுத்ரி, இன்று புதுதில்லியில் போட்டித்திறன் நிறுவனத்தால் உருவாக்கப்பட்ட "எதிர்காலத்திற்கான திறன்கள்: இந்தியாவின் தொழிலாளர் சூழலை மாற்றியமைத்தல்" என்ற தலைப்பில் ஒரு அறிக்கையை வெளியிட்டார்.

நிகழ்ச்சியில் பேசிய திரு ஜெயந்த் சவுத்ரி, இந்த முயற்சியைப் பாராட்டி, இதுபோன்ற கல்விப் பயிற்சிகள் அரசின் முயற்சிகளை மேம்படுத்த உதவுகின்றன என்று கூறினார். "திறமை என்பது வெறும் விநியோகத் தரப்பு தலையீடாக மட்டுமல்லாமல், தொழில்துறை மற்றும் பணியாளர்களின் வளர்ந்து வரும் தேவைகளை நிவர்த்தி செய்யும் தேவை சார்ந்த, சந்தை சீரமைக்கப்பட்ட மற்றும் விளைவு சார்ந்த சூழலியலாகவும் புரிந்து கொள்ளப்பட வேண்டும். கல்வி, தொழில் பயிற்சி மற்றும் தொழில்துறைக்கு இடையிலான பாதைகளை நாம் ஆழப்படுத்த வேண்டும், இதில் முறைசாரா மற்றும் அனுபவக் கற்றலை அங்கீகரிப்பதும் அடங்கும்", என்று அவர் தெரிவித்தார்.

வளர்ந்து வரும் பொருளாதார மற்றும் தொழில்நுட்ப சூழலில் இளைஞர்களின் வேலைவாய்ப்புகளில் கல்வி மற்றும் திறன் வளர்ப்பின் தாக்கத்தை கண்காணிப்பதில் ஒரு வலுவான வேலைவாய்ப்புத் திறன் குறியீடு உதவியாக இருக்கும் என்றும் திரு ஜெயந்த் சவுத்ரி பரிந்துரைத்தார்.

நிகழ்ச்சியில் பேசிய அமைச்சகத்தின் செயலாளர் திரு அதுல் குமார் திவாரி, தரவு மற்றும் ஆதாரங்களுடன் திறன் மேம்பாட்டைச் சுற்றியுள்ள இலக்கியத் தொகுப்பை உருவாக்குவதன் அவசியத்தை வலியுறுத்தினார், அதே நேரத்தில் திறன் மேம்பாடு, கல்வி மற்றும் பணி தொடர்ச்சியைச் சுற்றியுள்ள கட்டமைப்பு மாற்றங்களை மேலும் ஆழமாக ஆராயவும் வலியுறுத்தினார்.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://www.pib.gov.in/PressReleasePage.aspx?PRID=2140231

 

***

AD/RB/DL

(Release ID: 2140304) Visitor Counter : 4