29 جون 2025 کو ہونے والی ملک گیر فٹ انڈیا سنڈے آن سائیکل مہم کے آئندہ ایڈیشن میں بھارت کے پہلی صف کے صفائی جنگجو مرکزی حیثیت میں رہیں گے۔

نوجونواں کے امور اور کھیل  نیز محنت و روزگار کے مرکزی وزیر ڈاکٹر منسکھ منڈاویا نے اس خصوصی ایڈیشن سے قبل کہا، ’’فٹ انڈیا سنڈے آن سائیکل پہل وزیر اعظم جناب نریندر مودی کے صحت مند، صاف ستھرے اور زیادہ فعال بھارت کے لیے اقدامات کرنے کی اپیل کی عکاسی ہے۔ اس عوامی تحریک کو آگے لے جانے کے لیے آنے والا ایڈیشن خاص طور پر معنی خیز ہوگا کیونکہ ہمارے ’سوچھتا سینانی‘ ملک گیر سائیکلنگ مہم کے جوہر کو برقرار رکھنے کے لیے یکجا ہوں گے۔‘‘

اس اتوار کو ملک کے 500 سے زیادہ مقامات سے 15,000 سے زیادہ لوگوں کی شرکت متوقع ہے، جس میں چتردرگ(کرناٹک)، سولال گاؤں (آسام)، جانجگیر چمپا (چھتیس گڑھ)، پنڈھر پور (مہاراشٹر) اور دیگر علاقوں میں یہ تحریک لگاتار منظم کی جا رہی ہے۔ وزیر کھیل نے تمام ریاستوں کے بلدیاتی اداروں اور شہری بلدیاتی اداروں پر بھی زور دیا ہے کہ وہ اس ایونٹ کو اپنے اپنے علاقوں میں دہرائیں اور زیادہ سے زیادہ شرکت کو یقینی بنائیں۔

پچھلے سال دسمبر میں شروع کی گئی ، صرف 500 سائیکلنگ کے شوقین افراد کے ساتھ ، فٹ انڈیا سائیکلنگ ڈرائیو تب سے ایک قومی تحریک کی شکل اختیار کر چکی ہے۔ اب تک یہ تحریک ملک بھر میں 10,500 سے زیادہ مقامات پر منظم کی جا چکی ہے جس میں 3.75 لاکھ سے زیادہ افراد نے حصہ لیا ہے۔ یہ سائیکلنگ مہم ملک بھر میں متعدد کھیلو انڈیا سینٹرز (کے آئی سیز)، کھیلو انڈیا اسٹیٹ سینٹرز آف ایکسیلینس (کے آئی ایس سی ایز)، ایس اے آئی ٹریننگ سینٹرز (ایس ٹی سیز)، کھیلو انڈیا ایکریڈڈ اکیڈمیز (کے آئی اے اے) اور نیشنل سینٹرآف ایکسیلینس (این سی او ای) کے ذریعہ چلائی جاتی ہے۔

***

(ش ح – ع ا)

U. No. 2193

(Release ID: 2139995)