نیشنل سیمپل سروے (این ایس ایس) بین الاقوامی سطح پر اپنے گھریلو سروے کے اہم پیمانے اور دائرہ کار کے لیے پہچانا جاتا ہے، جو اپنے آغاز سے لے کر اب تک وسیع پیمانے پر مختلف موضوعات پر سالانہ اور سہ ماہی سروے  منعقد کراتا رہا ہے۔ پہلا سروے 1950 میں شروع کیا گیا تھا اور اس کے بعد سے این ایس ایس نے پالیسی سازی کے لیے ڈیٹا پر مبنی بصیرت فراہم کرنے میں اہم کردار ادا کیا ہے۔ تاہم، اپنے وسیع تجربے کے باوجود این ایس ایس نے ابھی تک آمدنی کی تقسیم پر ایک جامع مکمل سروے نہیں کیا ہے۔ اگرچہ ماضی میں پائلٹ سروے کرنے کی کوشش کی گئی ہے، لیکن یہ کوششیں ملک گیر سروے کی شکل اختیار نہیں کر سکیں۔ اس طرح کے اعداد و شمار کی بڑھتی ہوئی اہمیت کو تسلیم کرتے ہوئے، این ایس ایس نے گزشتہ 75 سالوں میں ہندوستانی معیشت میں ہونے والی گہری ساختی تبدیلیوں کو بہتر طور پر سمجھنے کے لیے ایک وقف شدہ آمدنی کی تقسیم کے سروے کی فوری ضرورت کو تسلیم کیا ہے۔

حال ہی میں، این ایس ایس نے سماجی اور اقتصادی مفادات کے مختلف شعبوں میں ڈیٹا کے فرق کو  ختم کرنے کے لیے متعدد اقدامات کیے ہیں۔ اس نے اہم میکرو- اکنامک اشاریوں  پر اعداد و شمار دستیاب کرنے کے مقصد سے غیر مربوط شعبے کے اداروں، خدمات کے شعبوں، نجی شعبے کے سرمایہ  جاتی اخراجات، گھریلو سفر اور سیاحت وغیرہ پر سالانہ سروے شروع کر دیا ہے۔  آمدنی کی تقسیم اور اس کی بہبود سے متعلق اہم معلومات جمع کرنے کے  مقصد سے گھریلو آمدنی کا سروے، وزارت  کی جانب سے کی گئی  ایک اور اہم پہل ہے۔

ایم او ایس پی آئی نے ماضی میں گھریلو آمدنی کے ساتھ ساتھ صارفین کے اخراجات کے سروے کے ساتھ تجرباتی بنیادوں پر 9ویں دور (مئی 1955 - ستمبر 1955) اور 14ویں دور (جولائی 1958 - جون 1959) میں معلومات اکٹھی کرنے کی کوششیں کیں تاہم اس کی کوئی معلومات جاری نہیں کی گئیں۔ بعد میں، اس نے اپنے 19ویں دور (جولائی 1964 - جون 1965) اور 24 ویں دور (جولائی 1969 - جون 1970) میں انٹیگریٹڈ گھریلو سروے (آئی ایچ ایس) کے حصے کے طور پر رسیدوں اور ادائیگیوں پر اعداد و شمار جمع کرنے کا کام شروع کیا جس کا مقصد گھریلو آمدنی  کے مکمل منظر نامہ سے واقفیت حاصل کرنا تھا۔ تاہم، یہ کوششیں جاری نہیں رکھی گئیں کیونکہ یہ پایا گیا کہ آمدنی کے تخمینے ، تصرف اور بچت دونوں  کے مشترکہ تخمینوں سے کم تھے۔ 84 - 1983 میں، این ایس ایس نے ایک بار پھر گھریلو آمدنی پر ایک پائلٹ انکوائری کی کوشش کی تاکہ گھریلو آمدنی کے اعداد و شمار کے جمع کرنے کے لیے عملی طور پر ممکن ہونے کے امکانات کو تلاش کیا جا سکے، تاہم یہ بھی آل انڈیا سروے میں تبدیل نہیں ہو سکا۔

ان سروے کے تجربے سے معلوم ہوا کہ فیلڈ میں آمدنی کے قابل اعتماد اعداد و شمار کو جمع کرنے اور ان تمام مسائل پر قابو پانے اور سروے کے طریقہ کار میں زیادہ واضح ہونے اور گھریلو آمدنی کے سروے کی مجموعی سرگرمیوں کی نگرانی کرنے اور آسٹریلیا، امریکہ، کینیڈا اور جنوبی افریقہ جیسے ممالک کے سروے کے تجربات کو مدنظر رکھتے ہوئے دیکھا گیا۔ ایم او ایس پی آئی  نے بین الاقوامی مالیاتی فنڈ کے ہندوستان کے سابق ایگزیکٹو ڈائریکٹر ڈاکٹر سرجیت ایس بھلا کی صدارت میں ایک تکنیکی ماہر ین  کا گروپ (ٹی ای جی) تشکیل دیا ہے۔ ٹی ای جی 2026 کے لیے عارضی طور پر طے شدہ کل ہند آمدنی کی تقسیم کے سروے کے انعقاد کے لیے قومی شماریات کے دفتر کی رہنمائی کرے گا۔ ماہرین کا گروپ تصورات اور اصطلاحات کو حتمی شکل دینے، سروے کے طریقہ کار اور آلات کی تیاری، نمونے لینے کے ڈیزائن اور اندازے کے طریقہ کار کے حوالے سے رہنمائی فراہم کرے گا، اور دنیا بھر میں اپنائے گئے بہترین ملکی طریقوں کو شامل کرے گا۔ یہ سروے گھریلو آمدنی (اجرت) پر ٹیکنالوجی کو اپنانے کے اثرات کا جائزہ لینے کی بھی کوشش کرے گا۔ ٹی ای جی سروے کے نتائج کو حتمی شکل دینے اور رپورٹ جاری کرنے کے لیے رہنمائی بھی فراہم کرے گا۔

ایم او ایس پی آئی اور حکومت ہند کی مختلف وزارتوں/محکموں کے چیئرمین اور کئی سرکاری اراکین کے علاوہ، تکنیکی ماہرین کے گروپ کے دیگر اراکین مندرجہ ذیل ہیں:

 

1. جناب آلوکے کر، سابق پروفیسر، انڈین اسٹیٹسٹکل انسٹی ٹیوٹ، کولکتہ،
2. پروفیسر سونلدے دیسائی، نیشنل کونسل آف اپلائیڈ اکنامک ریسرچ، نئی دہلی،
3. پروفیسر پروین جھا، سینٹر فار اکنامک اسٹڈیز اینڈ پلاننگ، جے این یو،
4. پروفیسر سری جیت مشرا، اسکول آف اکنامکس،یونیورسٹی آف  حیدرآباد
5. ڈاکٹر تیرتھانکر پٹنائک، چیف اکانومسٹ، نیشنل اسٹاک ایکسچینج آف انڈیا،
6. ڈاکٹر راجیش شکلا، منیجنگ ڈائریکٹر اور سی ای او، پیپل ریسرچ آن انڈیاز کنزیومر اکانومی،
7. پروفیسر رام سنگھ، ڈائریکٹر، دہلی اسکول آف اکنامکس۔

ٹی ای جی حکومت کے اندر اور/یا باہر مضامین کے ماہرین کی مدد حاصل کر سکتا ہے اور مجاز اتھارٹی کی منظوری کے ساتھ ضرورت کے مطابق انہیں ممبر کے طور پر منتخب کر سکتا ہے۔ ٹی ای جی مخصوص ضروریات کو پورا کرنے کے لیے، اگر ضروری ہو تو، میٹنگ میں مضامین کے ماہرین کو خصوصی مہمان کے طور پر مدعو کر سکتا ہے۔

*************

(ش ح ۔ض ر  ۔اک م (

U. NO. 2052

(Release ID: 2138926)