مغربی بحریہ کی کمان کی ایک فرنٹ لائن اسٹیلتھ فریگیٹ آئی این ایس  ٹیگ نے 22 جون 2025 کو ماریشس کےپورٹ لوئس میں  پہنچ کر اپنا پڑاؤ ختم کیا۔ یہ دورہ جنوبی مغربی بحر ہند کے علاقے میں اس کی آپریشنل تعیناتی کا حصہ تھا اور اس میں پیشہ ورانہ، سماجی اور ثقافتی مصروفیات کے وسیع میدان کو نمایاں کیا گیا، جس میں بھارت کے درمیان مضبوط شراکت داری کو نمایاں کیا گیا۔

تعیناتی کے دوران آئی این ایس  ٹیگ نے ماریشس نیشنل کوسٹ گارڈ (این سی جی) کے جہازوں اور ہوائی جہازوں کے ساتھ تال میل بنا کر ماریشس کے خصوصی اقتصادی زون ( ای ای زیڈ) کی مربوط نگرانی کی۔ اس مشترکہ کوشش نے دونوں ممالک کے عالمی سطح پر تحفظات اور غیر قانونی، غیر رپورٹ شدہ اور غیر منظم (آئی یو یو) ماہی گیری کا مقابلہ کرنے کے مشترکہ عزم کی تصدیق کی۔

آئی این ایس ٹیگ کے کمانڈنگ آفیسر، کیپٹن وکاس گلیریا نے سینئر سرکاری اور فوجی معززین سے ملاقات کی، جن میں مسٹر رام پرساد سوروجبلی،  پولیس کمشنر جناب سریش سیبالک، کابینہ کے سکریٹری جناب انوراگ سریواستو، ہندوستان کی ہائی کمشنرمحترمہ کان اوئے فونگ وینگ پورن، داخلہ سکریٹری اورکیپٹن سی جی  بنوپ ،سی اواین سی  جی شامل رہے۔ ان اعلیٰ سطحی بات چیت نے باہمی افہام و تفہیم کو مزید مضبوط کرنے اور دوطرفہ تعلقات کو مزید وسعت دینے میں اہم کردار ادا کیا۔

صلاحیت سازی کے اقدامات اور بہترین طریقوں کے تبادلے کے ایک حصے کے طور پر، این سی جی کے اہلکاروں کو آئی این ایس  ٹیگ میں آگ بجھانے، نقصان پر قابو پانے، پل اور انجن روم کی نگرانی، برقی نظام اور چھوٹے ہتھیاروں سے نمٹنے کی تربیت دی گئی۔ پوسٹ سیلنگ ڈائیونگ چیک سمیت برائے راست  مظاہرے بھی کیے گئے۔ مزید برآں، این سی جی کی درخواست پر جہاز کی ایک تکنیکی ٹیم نے خرابی کو دور کرنے اور ڈیزل جنریٹر کو چلانے میں عملے کی مدد کی۔ این سی جی کی طرف سے اس امداد کو بہت سراہا گیا۔

بین اقوامی یوگاڈے- 2025 کی یاد میں، 21 جون کو تقریباً 150 شرکاء کے ساتھ ایک مشترکہ یوگ سیشن کا انعقاد کیا گیا۔ اس پروگرام میں پولیس کمشنر، ہندوستان کے ہائی کمشنر، این سی جی کے اہلکاراور آئی این ایس ٹیگ  کے عملہ  سمیت سرکردہ شخصیات شامل ہوئی۔ تفریحی اور کھیلوں کی سرگرمیوں کا ایک سلسلہ، جس میں سگنل ماؤنٹین کا سفر اور ایک دوستانہ والی بال میچ شامل ہے کا بھی اہتمام کیا گیا، جس سے دوستی کو فروغ دیا گیا اور باہمی ثقافتی رشتوں کو مضبوط کیا گیا۔

آئی این ایس ٹیگ کا ماریشس کا دورہ سمندری سیکورٹی تعاون اور دو طرفہ تعلقات کو بڑھانے کے لیے ہندوستانی بحریہ کے عزم کا ثبوت ہے۔ اس نے نہ صرف آپریشنل انٹرآپریبلٹی کو تقویت بخشی ہے بلکہ ہندوستان اور ماریشس کے درمیان پائیدار دوستی کو بھی تقویت بخشی ہے - جس کی بنیاد مشترکہ اقدار، باہمی اعتماد اور ایک محفوظ اور خوشحال بحر ہند کے علاقے کے لیے مشترکہ وژن پر ہے۔

­*****

) ش ح –ع ح-اش ق )

U.No. 2051

(Release ID: 2138912)