لوک سبھا اسپیکر جناب اوم برلا پیر 23 جون 2025 کو ممبئی، مہاراشٹر میں پارلیمنٹ اور ریاستی / مرکز کے زیر انتظام قانون ساز اداروں کی تخمینہ کمیٹیوں کی قومی کانفرنس کا افتتاح کریں گے۔ لوک سبھا کے معزز اسپیکر پارلیمنٹ کی تخمینہ کمیٹی کی 75 ویں سالگرہ کی یادگار بھی جاری کریں گے۔

مہاراشٹر کے وزیر اعلی ٰ جناب دیویندر فڑنویس۔ مہاراشٹر کے نائب وزرائے اعلیٰ جناب ایکناتھ شندے اور جناب اجیت پوار۔مہاراشٹر قانون ساز کونسل کے چیئرمین پروفیسر رام شنکر شندے۔ مہاراشٹر قانون ساز اسمبلی کے اسپیکر جناب راہول نرویکر اور بھارت کی پارلیمنٹ کی تخمینہ کمیٹی کے چیئر پرسن ڈاکٹر سنجے جیسوال افتتاحی اجلاس سے خطاب کریں گے۔

مہاراشٹر قانون ساز اسمبلی کی تخمینہ کمیٹی کے چیئر پرسن جناب ارجن پنڈت راؤ کھوٹکر استقبالیہ خطاب کریں گے اور مہاراشٹر قانون ساز کونسل کی ڈپٹی چیئرپرسن ڈاکٹر نیلم گورے افتتاحی اجلاس کے دوران شکریہ ادا کریں گی۔ بھارت کی پارلیمنٹ اور ریاستی / مرکز کے زیر انتظام قانون ساز اداروں کی تخمینہ کمیٹیوں کے چیئرپرسن اور ارکان؛ مہاراشٹر قانون ساز اسمبلی کے ارکان اور دیگر معززین اجلاس میں شرکت کریں گے۔

دو روزہ کانفرنس کے دوران، بھارت کی پارلیمنٹ اور ریاستی / مرکز کے زیر انتظام قانون ساز اداروں کی تخمینہ کمیٹیوں کے چیئرپرسن اور ممبران مندرجہ ذیل موضوع پر غور و خوض کریں گے:

’انتظامیہ میں کارکردگی اور معیشت کو یقینی بنانے کے لیے بجٹ تخمینوں کی موثر نگرانی اور جائزہ میں تخمینہ کمیٹی کا کردار‘

مہاراشٹر کے گورنر جناب سی پی رادھا کرشنن منگل 24 جون 2025 کو اختتامی دن اختتامی خطاب کریں گے۔ لوک سبھا اسپیکر جناب اوم برلا راجیہ سبھا کے ڈپٹی چیئرمین جناب ہری ونش۔ صدر نشین کمیٹی برائے تخمینہ کمیٹی، پارلیمنٹ آف انڈیا جناب سنجے جیسوال۔ مہاراشٹر قانون ساز کونسل کے قائد حزب اختلاف جناب امباداس دانوے اختتامی اجلاس سے خطاب کریں گے۔

مہاراشٹر قانون ساز اسمبلی کے ڈپٹی اسپیکر جناب انا دادو بنسوڈے کانفرنس کے اختتامی دن اظہار تشکر کریں گے۔

***

(ش ح – ع ا)

U. No. 2025