روحانی عقیدت، جسمانی تندرستی اور ماحولیاتی شعور کے ایک قابل ذکر امتزاج میں ، چوتھا اکھل مہاراشٹر پندھرپور سائیکل واری سمیلن – 2025 بڑے جوش و خروش اور اتحاد کے ساتھ منایا گیا۔ فٹ انڈیا سنڈے آن سائیکل کے اس میگا ایونٹ کا انعقاد اسپورٹس اتھارٹی آف انڈیا، ریجنل سینٹر ممبئی اور پندھرپور سائیکل واری سنگھ نے مشترکہ طور پر کیا تھا۔

اس ایونٹ میں مہاراشٹر، کرناٹک اور مدھیہ پردیش کے 90 سے زیادہ سائیکلنگ کلبوں کی نمائندگی کرنے والے 5000 سے زیادہ سائیکلسٹوں نے حصہ لیا۔ ان سائیکل سواروں نے مہاراشٹر کے سولاپور ضلع کے مقدس شہر پندھرپور پہنچنے کے لیے ۴00 سے ۴50 کلومیٹر کا سفر 3-۴ دن پہلے شروع کیا تھا۔ انھوں نے روحانی طور پر اہم نگر پردکشنا اور پرجوش رنگن سوہالہ میں فعال طور پر حصہ لیا ، جس میں مثالی عزم ، لگن اور صبر کا مظاہرہ کیا گیا۔

 

اس تقریب میں مرکزی وزیر مملکت برائے امور نوجوانان و کھیل محترمہ رکشا کھڈسے، حکومت مہاراشٹر کے دیہی ترقی اور پنچایتی راج محکمہ کے وزیر جناب جے بی گورے سمیت کئی معزز شخصیات نے شرکت کی۔ دیگر لوگوں میں رکن پارلیمنٹ جناب دھیریاشیل موہتے پاٹل، ممبر قانون ساز کونسل جناب پرشانت پریچارک، ممبر قانون ساز کونسل جناب رنجیت سنگھ موہتے پاٹل، آئی آر ایس، جناب پانڈورنگ چاٹے، ریجنل ڈائریکٹر، اسپورٹس اتھارٹی آف انڈیا، آر سی ممبئی اور ڈاکٹر امت سمرتھ، مشہور اینڈورینس سائیکلسٹ اور 19 بار آئرن مین، ناگپور شامل تھے۔

ریلوے گراؤنڈ، پندھرپور کو فٹ انڈیا – سنڈے آن سائیکل بینر کے تحت توانائی اور ترغیب کے ایک متحرک مرکز میں تبدیل کر دیا گیا تھا۔ اس تقریب نے پائیدار نقل و حمل، کمیونٹی صحت اور روحانی اتحاد کو فروغ دینے کے لیے ایک طاقتور پیغام دیا - اسے تقویت دی کہ سائیکلنگ صرف ایک کھیل نہیں ہے، بلکہ ایک صحت مند اور سرسبز بھارت کے ساتھ منسلک زندگی گزارنے کا ایک طریقہ ہے۔

 

فٹ انڈیا موومنٹ کے جذبے کی بازگشت کرتے ہوئے اس تقریب نے قومی فٹنس منتر ’’فٹنس کا ڈوز، آدھا گھنٹہ روز‘‘ کو فروغ دیا، جس میں ہر شہری کو جسمانی سرگرمی کو روزمرہ کی عادت کے طور پر اپنانے اور ایک صحت مند، ماحولیاتی طور پر باشعور قوم کی تعمیر میں حصہ لینے کی ترغیب دی گئی۔

***

(ش ح – ع ا)

U. No. 2021

(Release ID: 2138750)