"ஒரு பூமிக்கான யோகா, ஒரு ஆரோக்கியம்" என்ற இந்த ஆண்டின் கருப்பொருளை எதிரொலிக்கும் வகையில், சுரங்க அமைச்சகம் 11-வது சர்வதேச யோகா தினத்தை உற்சாகமான பங்கேற்பு மற்றும் நாடு தழுவிய செயல்பாடுகளுடன் கொண்டாடியது. இந்தக் கொண்டாட்டம், தனிநபர் நல்வாழ்விற்கும் கிரக ஆரோக்கியத்திற்கும் இடையிலான உள்ளார்ந்த தொடர்பை எடுத்துக்காட்டுகிறது, இது யோகாவை ஒரு நிலையான வாழ்க்கை முறையாக வலுப்படுத்துகிறது.

முக்கிய நிகழ்வு புதுதில்லியில் உள்ள வினய் மார்க்கில் உள்ள சிஎஸ்ஓஐ-யில்  நடைபெற்றது, அங்கு அதிகாரிகள், ஊழியர்கள் மற்றும் அவர்களது குடும்பங்கள் உட்பட 300- க்கும் மேற்பட்ட பங்கேற்பாளர்கள் ஒரு உற்சாகமான காலை யோகா அமர்விற்காக கூடினர். இந்த அமர்வுக்கு சுரங்க அமைச்சக செயலாளர் திரு. வி. எல். காந்த ராவ் தலைமை தாங்கினார், அவர் இயற்கையுடனான நல்லிணக்கத்தை குறிக்கும் வகையில் ஒரு மரக்கன்றையும் நட்டார்.

பிரதமர் திரு. நரேந்திர மோடியின் தொலைநோக்குத் தலைமையின் கீழ், அமைச்சகம் தனது பணியாளர்களின் அன்றாட வழக்கத்தில் யோகாவை இணைக்க நடவடிக்கைகளை எடுத்துள்ளது. இந்த முயற்சியின் ஒரு பகுதியாக, சுரங்க அமைச்சகத்தின் கீழ் உள்ள கள அமைப்புகள் இந்தியா முழுவதும் 81- க்கும் மேற்பட்ட இடங்களில் யோகா அமர்வுகளை ஏற்பாடு செய்தன. இதில் சுரங்கத் தளங்கள், புவி-பாரம்பரிய பூங்காக்கள், கார்ப்பரேட் அலுவலகங்கள், பிராந்திய அலகுகள் மற்றும் பொது இடங்கள் ஆகியவை அடங்கும், இவை ஊழியர்கள், உள்ளூர்வாசிகள், மாணவர்கள் மற்றும் குடும்பங்களை ஒன்றிணைத்தன.

இந்தக் கொண்டாட்டங்கள் உடல் தகுதியை மட்டுமல்லாமல், மனத் தெளிவு, ஒழுக்கம் மற்றும் கூட்டு நல்வாழ்வையும் வளர்ப்பதை நோக்கமாகக் கொண்டிருந்தன - இது முழுமையான வளர்ச்சி மற்றும் சுற்றுச்சூழல் பொறுப்புக்கான அமைச்சகத்தின் உறுதிப்பாட்டின் பிரதிபலிப்பாகும்.

****

(Release ID 2138305)

AD/PKV/RJ

(Release ID: 2138628)