இந்திய கடலோர காவல்படை ஜூன் 21, 2025 அன்று அதன் முதன்மை முயற்சியான ‘யோகா சங்கமம்’ மூலம் 11-வது சர்வதேச யோகா தினத்தை  கொண்டாடியது, இந்தியாவின் கடற்கரை மற்றும் தீவுப் பிரதேசங்களில் 60-க்கும் மேற்பட்ட இடங்களில் ஆயிரக்கணக்கான பணியாளர்கள் மற்றும் அவர்களது குடும்பத்தினர் உற்சாகமாக பங்கேற்றனர். ஆயுஷ் அமைச்சகத்தின் உலகளாவிய கருப்பொருளான ‘ஒரு பூமிக்கு யோகா, ஒரு ஆரோக்கியம்’ உடன் இணைந்து,  முழுமையான நல்வாழ்வு, ஒழுக்கம் மற்றும் செயல்பாட்டுத் தயார்நிலைக்கான ஆழமான வேரூன்றிய அர்ப்பணிப்பை எடுத்துக்காட்டுகின்றன.

ஜகாவ், முந்த்ரா, வடினார், ஓகா, பிபாவாவ், சூரத், காந்திநகர் மற்றும் வெராவல் உள்ளிட்ட வடமேற்கு பிராந்தியத்தில் உள்ள பிரிவுகளின் உற்சாகமான பங்கேற்புடன் அனைத்து  கடலோரக் காவல்படை  பிராந்தியங்களிலும் யோகா அமர்வுகள் நடத்தப்பட்டன. மேற்கு கடற்கரையில், மும்பை, கோவா, கார்வார் மற்றும் மங்களூர் போன்ற முக்கிய தளங்கள் பெரிய கூட்டங்களைக் கண்டன, அதே நேரத்தில் கிழக்கு கடற்கரையில் சென்னை, விசாகப்பட்டினம், பாரதீப் மற்றும் ஹால்டியாவில் துடிப்பான கொண்டாட்டங்கள் நடைபெற்றன. மண்டபம் மற்றும் கொச்சி உள்ளிட்ட தெற்கு பிராந்தியமும், போர்ட் பிளேர் போன்ற தீவுப் பிரதேசங்களும் இந்த முயற்சியின் உண்மையான அகில இந்திய அளவை பிரதிபலிக்கும் வகையில் ஆற்றல்மிக்க ஈடுபாட்டைப் பதிவு செய்தன.

முக்கிய நிகழ்வு நொய்டாவில் உள்ள இந்திய கடலோரக் காவல்படை  வளாகத்தில் நடைபெற்றது, அங்கு தலைமை  இயக்குநர்  பரமேஷ் சிவமணி 1,000- க்கும் மேற்பட்ட பங்கேற்பாளர்களிடையே  உரையாற்றினார். உயர் அழுத்த கடல் சூழல்களில் பணியாற்றும் பணியாளர்களுக்கு அவசியமான மன தெளிவு, மன அழுத்த மேலாண்மை மற்றும் உடல் ரீதியான மீள்தன்மையை அதிகரிப்பதில் யோகாவின் முக்கிய பங்கை அவர் விளக்கினார்.

இந்த அமர்வில் திருமதி வந்தனா குப்தா மற்றும் ஆறு நிபுணர் பயிற்றுனர்கள் குழு தலைமை தாங்கினர், தொடக்கநிலையாளர்கள், வழக்கமான பயிற்சியாளர்கள் ஆகிய இரு தரப்பினருக்கும் ஏற்ற ஆசனங்கள், பிராணயாமா மற்றும் தியானப் பயிற்சிகள் மூலம் பங்கேற்பாளர்களை வழிநடத்தினர். வாழ்க்கை முறையுடன் தடையின்றி ஒருங்கிணைக்கும் எளிதில் ஏற்றுக்கொள்ளக்கூடிய நடைமுறைகளுக்கு சிறப்பு முக்கியத்துவம் அளிக்கப்பட்டது.

****

(Release ID  2138314)

AD/PKV/RJ

(Release ID: 2138622)