نیشنل کیڈٹ کور (این سی سی ) کے نو لاکھ سے زیادہ کیڈٹس نے 21 جون 2025 کو 11 واں بین الاقوامی یوگا ڈے منانے کے لیے ملک بھر کے مشہور مقامات پر مربوط یوگا سیشنز میں حصہ لیا، جو کہ صحت اور تندرستی کے لیے ملک کے پختہ  عزم کی علامت ہے۔

شمال میں لیہہ سے لے کر جنوب میں کنیا کماری تک اور مغرب میں دوارکا سے لے کر مشرق میں تیزو تک، ہندوستان کے کچھ انتہائی مشہور اور قدرتی مقامات پر یوگا کی تقریبات کا انعقاد کیا گیا، ریشی کیش میں تروینی گھاٹ، مرینا بیچ، چنئی، مجسمہ گجرات، شانتی اسٹوپا، لیہہ، برہم پترا کے کنارے، گوہاٹی اور ڈل جھیل، جموں و کشمیر کے ساتھ ساتھ ملک بھر کے پبلک پارکوں، اسکولوں اور کالجوں میں یوگا پروگرام منعقد کیے گئے۔

دہلی میں، فوج کے نائب سربراہ لیفٹیننٹ جنرل این ایس راجہ سبرامانی نے مشہور کریپا پریڈ گراؤنڈ میں فوجیوں اور اہل خانہ کے ساتھ یوگا کیا۔اس  تقریب میں 25 ممالک کے دفاعی اتاشیوں، این سی سی کیڈٹس، اسکولی  بچےاور آرمی فیملیز سمیت 3400 سے زائد شرکاء نے حصہ لیا۔

اس تقریب  کی باریک بینی سے تنظیم کے ذریعے، این سی سی  نے پورے ملک میں صحت اور تندرستی کو فروغ دینے کے اپنے پختہ عزم کی مثال دی ہے۔ کیڈٹس کی بڑے پیمانے پر شرکت نے یہ ظاہر کیا کہ یہ اصول ہندوستان کے نوجوانوں میں گہرے طور پر شامل ہیں، جو کہ قومی تعمیر میں این سی سی کے اہم کردار کی نشاندہی کرتے ہیں۔ نظم و ضبط، تندرستی اور صحت کی اقدار کو فروغ دے کر، این سی سی  ایک مضبوط اور متحرک معاشرے کی تشکیل دینا جاری رکھتاہے۔

******

U.No:1983

ش ح۔ح ن۔س ا