کوئلہ اور کانکنی  کے مرکزی وزیر  جناب جی کشن ریڈی نے آج ایسٹرن کول فیلڈ لمیٹڈ (ای سی ایل) کا اپنا دو روزہ دورہ شروع کیا۔20 اور 21 جون  2025 کو اپنے دورے کے دوران وزیر موصوف جھانجرا انڈر گراؤنڈ مائن اور سون پور بازاری او سی پی میں آپریشنز کا جائزہ لیں گے، حالیہ کامیاب آپریشن سندور کی یاد میں جھانجھرا  میں سندور پارک  نام سے  ایکو پارک کا افتتاح کریں گے اورپارک میں عالمی یوم یوگ  2025 کی شاندار تقریب میں شرکت کریں گے۔ اس دوران وزیرموصوف  نو تعمیر شدہ مہودنگا  بحالی سائٹ کا بھی افتتاح کریں گے۔

مزید برآں، مقامی برادریوں کو مدد فراہم کرتے ہوئے، جناب  ریڈی این سی ڈبلیو اے کے رہنما خطوط کے مطابق ہمدردانہ ملازمت کے تحت امیدواروں کو تقرری نامہ سونپیں گے اور آر این  کالونی، سون پور بازاری ایریا، ای سی ایل میں معذور افراد کو ٹرائی سائیکل فراہم کریں گے۔

پروگرام کے ایک حصے کے طور پر، جناب  ریڈی کان کنی کے ماحولیاتی نظام کے اسٹیک ہولڈرز کے ساتھ انٹرایکٹو سیشن منعقد کریں گے، بشمول کوئلے کی کان کے کارکنان جنہوں نے تنظیم کے لیے سنگ میل کو حاصل کرنے میں اہم کردار ادا کیا ہے۔ وہ پروجیکٹ سے متاثرہ لوگوں  سے ملنے اور غیر معمولی کارکردگی کے لیے ملازمین کو مبارکباد دینے کے لیے بحالی اور آباد کاری (آر اینڈ آر) سائٹس کا بھی دورہ کریں گے۔

***

ش ح۔ ک ا۔ م ع

U.NO.1943

(Release ID: 2138083)