মুখ্য নিৰ্বাচন আয়ুক্ত শ্ৰী জ্ঞানেশ কুমাৰ আৰু নিৰ্বাচন আয়ুক্ত ড০ সুখবীৰ সিং সান্ধু আৰু ড০ বিবেক যোশীৰ নেতৃত্বত নিৰ্বাচন আয়োগে নিৰ্বাচন সম্পূৰ্ণ হোৱাৰ পিছত সূচকাংক কাৰ্ড আৰু বিভিন্ন পৰিসংখ্যাগত প্ৰতিবেদন প্ৰস্তুত কৰাৰ বাবে প্ৰযুক্তি-চালিত ব্যৱস্থাটোক সুশৃংখলিত কৰিছে। এই উন্নত ব্যৱস্থাই পৰম্পৰাগত হস্তচালিত পদ্ধতিবোৰৰ ঠাই লৈছে, যিবোৰ পূৰ্বতে সময় খৰচী আৰু বিলম্বৰ সম্ভাৱনাপূৰ্ণ আছিল। স্বয়ংক্ৰিয় আৰু তথ্য একত্ৰিকৰণৰ সহায় লৈ নতুন প্ৰণালীটোৱে দ্ৰুত প্ৰতিবেদন নিশ্চিত কৰে।

সূচকাংক কাৰ্ড হৈছে গৱেষক, শিক্ষাবিদ, নীতি নিৰ্ধাৰক, সাংবাদিক আৰু সাধাৰণ জনসাধাৰণকে ধৰি সকলো অংশীদাৰৰ বাবে সমষ্টি পৰ্যায়ত নিৰ্বাচন সম্পৰ্কীয় তথ্যৰ উপলব্ধতাৰ প্ৰসাৰৰ বাবে ভাৰতৰ নিৰ্বাচন আয়োগে (ইচিআই) এটা স্বতঃস্ফূৰ্ত পদক্ষেপ হিচাপে বিকশিত কৰা এক অবিধিগত, নিৰ্বাচনৰ পিছৰ পৰিসংখ্যা প্ৰতিবেদনৰ বিন্যাস। প্ৰাৰ্থী, ভোটাৰ, ভোটদান কৰা ভোট, ভোট গণনা, দল আৰু প্ৰাৰ্থী অনুসৰি ভোটৰ ভাগ, লিংগভিত্তিক ভোটদানৰ ধৰণ, আঞ্চলিক তাৰতম্য আৰু ৰাজনৈতিক দলসমূহৰ কৰ্মক্ষমতা প্ৰদৰ্শনৰ দৰে একাধিক মাত্ৰাত তথ্য প্ৰচাৰ কৰিবলৈ ডিজাইন কৰা সূচকাংক কাৰ্ডে লোকসভা নিৰ্বাচনৰ বাবে প্ৰায় ৩৫খন আৰু ৰাজ্যিক বিধানসভা নিৰ্বাচনৰ বাবে ১৪খন পৰিসংখ্যাগত প্ৰতিবেদন প্ৰস্তুত কৰাৰ ভেটি ৰচনা কৰিছে। এই প্ৰতিবেদনসমূহৰ ভিতৰত আছে ৰাজ্য/পিচি/এচি অনুসৰি ভোটাৰৰ ভোটদান, ভোট কেন্দ্ৰৰ সংখ্যা, ৰাজ্য আৰু সমষ্টিভিত্তিক ভোটদান, মহিলা ভোটাৰৰ অংশগ্ৰহণ, ৰাষ্ট্ৰীয়/ৰাজ্যিক দল আৰু পঞ্জীয়নভুক্ত অস্বীকৃতিপ্ৰাপ্ত ৰাজনৈতিক দল (আৰ ইউ পি পি)ৰ প্ৰদৰ্শন, বিজয়ী প্ৰাৰ্থীৰ বিশ্লেষণ, সমষ্টিভিত্তিক বিশদ ফলাফল আৰু পৰিসংখ্যাৰ সাৰাংশ। এই সমৃদ্ধ, তথ্য-চালিত সম্পদে গভীৰ নিৰ্বাচনী গৱেষণাৰ সম্ভাৱনা বৃদ্ধি কৰে, যিয়ে এক শক্তিশালী গণতান্ত্ৰিক আলেচনাত অৰিহণা যোগায়। অৱশ্যে এই পৰিসংখ্যাগত প্ৰতিবেদনসমূহ কেৱল শৈক্ষিক আৰু গৱেষণামূলক উদ্দেশ্যৰ বাবেহে আৰু সূচকাংক কাৰ্ডৰ পৰা পোৱা গৌণ তথ্যৰ ওপৰত ভিত্তি কৰি তৈয়াৰ কৰা হয়, আনহাতে প্ৰাথমিক আৰু চূড়ান্ত তথ্যসমূহ সংশ্লিষ্ট ৰিটাৰ্নিং বিষয়াৰ দ্বাৰা ৰক্ষণাবেক্ষণ কৰা বিধিগত প্ৰ-পত্ৰত থাকে।

ইয়াৰ পূৰ্বে এই তথ্যসমূহ সমষ্টি পৰ্যায়ত ভৌতিক সূচকাংক কাৰ্ডত বিভিন্ন বিধিগত ফৰ্মেট ব্যৱহাৰ কৰি হাতেৰে পূৰণ কৰা হৈছিল। এই ভৌতিক সূচকাংক কাৰ্ডসমূহ পৰৱৰ্তী সময়ত অনলাইন ব্যৱস্থাত তথ্য প্ৰৱেশৰ বাবে ব্যৱহাৰ কৰা হৈছিল যাতে পৰিসংখ্যাগত প্ৰতিবেদন প্ৰস্তুত কৰাত সুবিধা হয়। এই হাতেৰে কৰা আৰু বহু-স্তৰীয় প্ৰক্ৰিয়াটো সময় খৰচী আছিল আৰু ইয়াৰ ফলত তথ্যৰ উপলব্ধতা আৰু প্ৰচাৰত সঘনে বিলম্ব হৈছিল।

******

PK/GDH/RP/KD