اس بات کو یقینی بنانے کی ٹھوس کوشش میں کہ خوردنی تیل پر درآمدی ڈیوٹی میں حالیہ کمی کے فوائد صارفین تک پہنچائےجائیں، حکومت ہند کے محکمہ خوراک اور عوامی تقسیم کے عہدیداروں نے ملک بھر میں خوردنی تیل کو صاف کرنے اور پروسیسنگ کی کلیدی سہولیات کے جامع معائنے کےسلسلہ شروع کیا ہے۔

گزشتہ چند دنوں کے دوران کئے گئے ان معائنہ میں بندرگاہ پر مبنی خوردنی تیل کی ریفائنریوں اور اندرون ملک پروسیسنگ پلانٹس کا احاطہ کیا گیا جو خام پام آئل(سی پی او)، خام  سویا بین آئل، اور خا م  سن فلاور آئل درآمد کرتے ہیں۔ کچھ بڑی صنعتوں کا دورہ کیا گیاجن میں بالخصوص مہاراشٹر، آندھرا پردیش، مدھیہ پردیش اور گجراتجیسی ریاستیں شامل ہیں جہاں خوردنی تیل کی پروسیسنگ کی زیادہ سے زیادہ سہولیات موجود ہیں۔

ان معائنہ کا مقصد ریفائنڈ سن فلاور آئل، ریفائنڈ سویا بین آئل، اورآر بی ڈی پامولین جیسے ریفائنڈ خوردنی تیل کی زیادہ سے زیادہ ریٹیل پرائس(ایم آر پی) اور پرائس ٹو ڈسٹری بیوٹر(پی ٹی ڈی) پر حالیہ ڈیوٹی میں کمی کے اثرات کا جائزہ لینا تھا۔

معائنہ شدہ یونٹوں کی اکثریت نے درآمد شدہ خام خوردنی تیل کی زمینی لاگت میں کمی کے جواب میں ایم آر پی اور پی ٹی ڈی دونوں کو پہلے ہی کم کر دیا ہے، جو کہ درآمدی محصولات کی حالیہبہتری  کی وجہ سے ممکن ہوا ہے۔ کئی پروسیسنگ یونٹس نے اگلے چند دنوں میں قیمتوں میں مزید کمی کو لاگو کرنے کے لیے اپنے عزم کا اظہار کیا، کیونکہ وہ نظر ثانی شدہ ڈیوٹی ڈھانچے کے تحت خام تیل کی کم لاگت کی ترسیل جاری رکھے ہوئے ہیں۔ اس اقدام سے خوردنی تیل کی مارکیٹ میں قیمتوں کو مستحکم کرنے میں مدد ملی ہے، اور ابتدائی علامات بتاتی ہیں کہ اس کے فوائد آہستہ آہستہ کم خوردہ قیمتوں کے ذریعے آخری صارفین تک پہنچ رہے ہیں۔

محکمہ نے خوردنی تیل کی ریفائنریوں اور مینوفیکچررز کی جانب سے قیمتوں میں کمی کو لاگو کرنے اور صارفین کے مفادات کے تحفظ کے حکومت کے مقصد سے ہم آہنگ ہونے میں فعال تعاون کو سراہا۔

حالیہ مہینوں میں، حکومت ہند نے خوردنی تیل کی قیمتوں میں افراط زر کے رجحانات کو روکنے کے لیے کئی پالیسی اقدامات کیے ہیں۔ ایک اہم قدم میں مختلف خام خوردنی تیلوں پر درآمدی ڈیوٹی کو کم کرنا شامل ہے تاکہ زمینی لاگت کو کم کیا جا سکے۔ یہ اقدامات قیمتوں میں استحکام برقرار رکھنے اور عام آدمی کے لیے ضروری اشیاء کی سستی کو یقینی بنانے کے لیے ایک وسیع حکمت عملی کا حصہ ہیں۔

محکمہ صورتحال کی قریبی نگرانی کرتا رہے گا اور وقتاً فوقتاً جائزے کرتا رہے گا تاکہ اس بات کو یقینی بنایا جا سکے کہ کم درآمدی ڈیوٹی کے فوائد پورے ملک میں صارفین کی کم قیمتوں میں مؤثر طریقے سے ترجمہ کریں۔ قیمت کے فوائد کو منتقل کرنے میں کسی بھی بے ضابطگی یا تاخیر کو مناسب ریگولیٹری کارروائیوں کے ذریعے دور کیا جائے گا۔

قبل ازیں11جون 2025کو سکریٹری، محکمہ خوراک اور عوامی تقسیم، حکومت ہند کی صدارت میں معروف خوردنی تیل کی صنعت کی انجمنوں اور صنعتوں کے ساتھ ایک میٹنگ منعقد کی گئی تھی، اور انہیں اس ڈیوٹی میں کمی کے فوائد کو صارفین تک پہنچانے کے لیے ایڈوائزری جاری کی گئی تھی۔ صنعت کے اسٹیک ہولڈرز سے توقع کی جاتی ہے کہ وہ قیمت کو تقسیم کاروں (پی ڈی پی) اور زیادہ سے زیادہ خوردہ قیمت (ایم آر پی) کو فوری اثر کے ساتھ کم زمینی قیمتوں کے مطابق ایڈجسٹ کریں گے۔ ایسوسی ایشنز سے درخواست کی گئی ہے کہ وہ اپنے ممبران کو مشورہ دیں کہ وہ فوری طور پر قیمتوں میں کمی کو لاگو کریں اور تازہ ترین برانڈ کے مطابق ایم آر پی شیٹ کو ہفتہ وار بنیادوں پر محکمہ کے ساتھ شیئر کریں۔ ڈی ایف پی ڈی نے کم ایم آر پی اور پی ٹی ڈی ڈیٹا کا اشتراک کرنے کے لیے خوردنی تیل کی صنعت کے ساتھ فارمیٹ کا اشتراک کیا۔

مرکزی حکومت خوردنی تیل کی سپلائی چین میں شفافیت اور انصاف کو برقرار رکھنے اور بروقت پالیسی مداخلتوں اور زمینی نفاذ کے ذریعے صارفین کے مفادات کے تحفظ کے لیے پابند عہد ہے۔

***

(ش ح۔اص)

UR No 1878

 

(Release ID: 2137470)