கலாச்சார முக்கியத்துவம் வாய்ந்த ஒரு விழாவில், அசாம் அரசு இன்று புகழ்பெற்ற இந்திய பாரம்பரிய நடனக் கலைஞரும் கலாச்சார ஆளுமையுமான டாக்டர் சோனல் மான்சிங்கிற்கு, ஸ்ரீமந்த சங்கர்தேவா விருதை வழங்கியது. 15 ஆம் நூற்றாண்டின் துறவியும், சீர்திருத்தவாதியுமான ஸ்ரீமந்த சங்கர்தேவாவின் பெயரிடப்பட்ட இந்த விருதை, மாநில ஆளுநர் திரு லட்சுமண பிரசாத் ஆச்சார்யா குவஹாத்தியில் வழங்கினார்.

 

அசாம் முதலமைச்சர் டாக்டர் ஹிமந்த பிஸ்வா சர்மா, மத்திய துறைமுகங்கள், கப்பல் போக்குவரத்து மற்றும் நீர்வழிகள் துறை  அமைச்சர் திரு சர்பானந்த சோனோவால் மற்றும் கலாச்சார விவகார அமைச்சர் திரு பிமல் போரா மற்றும் பத்ம பூஷண் விருது பெற்ற திரு  ஜதின் கோஸ்வாமி உள்ளிட்ட பிற பிரமுகர்கள் இந்த நிகழ்வில் கலந்து கொண்டனர்.

 

விழாவில் பேசிய மத்திய அமைச்சர் திரு சர்பானந்த சோனோவால், டாக்டர் மான்சிங்கை "இந்திய பாரம்பரிய மரபுகளின் பாதுகாவலர், தனது சமூகப் பொறுப்புகளை சமமாக மதித்தவர்" என்று விவரித்தார். பெண்களுக்கு அதிகாரமளித்தல், சுற்றுச்சூழல் விழிப்புணர்வு மற்றும் சமூக நீதி போன்ற பிரச்சினைகளைத் தீர்க்க நடனத்தை ஒரு ஊடகமாகப் பயன்படுத்தியதற்காக அவரை அமைச்சர் பாராட்டினார்.

 

ஸ்ரீமந்தா சங்கர்தேவாவின் போதனைகளைக் குறிப்பிட்ட திரு சோனோவால், "ஒற்றுமை, சமூக நல்லிணக்கம் மற்றும் சுற்றுச்சூழல் சமநிலை பற்றிய அவரது பார்வை, 'ஒரு மரம் பத்து மகன்களைப் போன்றது' என்ற சொற்றொடரால் குறிக்கப்படுகிறது, உள்ளடக்கிய மற்றும் மாசு இல்லாத சமூகத்தை உருவாக்க நம்மைத் தொடர்ந்து ஊக்குவிக்கிறது" என்று கூறினார்.

 

ஸ்ரீமந்தா சங்கர்தேவாவின் பங்களிப்புகள் ஆன்மீகத்தைக் கடந்ததாக இருந்தன என்று அமைச்சர் குறிப்பிட்டார்.  "குருஜோனா, அசாமிய அடையாளத்தின் கலாச்சார மற்றும் நெறிமுறை அடித்தளங்களை அமைத்தார். சமூகங்களை இணைப்பது, ஒடுக்கப்பட்ட குரல்களை மேம்படுத்துவது மற்றும் அனைத்து சாதிகள், மதங்கள் மற்றும் மொழிகள் இணைந்து வாழக்கூடிய ஒரு சமூகத்தை கற்பனை செய்வது முதலியவை இதில் அடங்கும்."

 

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://www.pib.gov.in/PressReleasePage.aspx?PRID=2136016

 

---

AD/RB/DL

(Release ID: 2136044)