ہندوستان، بین الاقوامی تنظیم برائے میرین ایڈز ٹو نیویگیشن (آئی اے ایل اے) کے نائب صدر کے طور پر، نیس، فرانس میں منعقدہ آئی اے ایل اے کونسل کے دوسرے اجلاس میں سرگرمی سے حصہ لیا۔ آئی اے ایل اے کونسل بین حکومتی تنظیم کا اہم فیصلہ ساز ادارہ ہے جو نیویگیشن میں سمندری امداد کے لیے ذمہ دار ہے۔

ہندوستانی وفد کی قیادت بندرگاہوں، جہاز رانی اور آبی گزرگاہوں کی وزارت میں سکریٹری  ٹی کے رام چندرن نےکی اور اس میں جناب  مکیش منگل، جوائنٹ سکریٹری، اور جناب  کارتک چنسودار، ڈائریکٹر شامل تھے۔

افتتاحی سیشن کے دوران، سکریٹری (پی ایس ڈبلیو)نے ایک کلیدی خطبہ دیا، جس میں آئی اے ایل اے کے ساتھ ہندوستان کی دیرینہ وابستگی اور نیویگیشن اور جہازوں کی ٹریفک خدمات میں سمندری امداد میں اس کی اہم پیش رفت پر روشنی ڈالی۔انہوں نے ڈائریکٹوریٹ جنرل آف لائٹ ہاؤسز اینڈ لائٹ شپس (ڈی جی ایل ایل) کے اقدامات پر زور دیا، بشمول:

• 12 بڑی بندرگاہوں پر جہازوں کی ٹریفک خدمات کا انضمام
• کولکتہ میں میرین نیوی گیشن ٹریننگ انسٹی ٹیوٹ میں بین الاقوامی تربیتی پروگراموں کا منصوبہ بنایا

انہوں نے دسمبر 2025 میں تیسری  آئی اے ایل اے جنرل اسمبلی اور2027 میں 21 ویں آئی اے ایل اے کانفرنس میں شرکت کے لیے تمام رکن ممالک کو باضابطہ دعوت بھی دی، جو دونوں ممبئی میں منعقد ہوں گی ۔

ہندوستان 1957 میں اسکے  قیام کے بعد سے آئی اے ایل اے کا ایک دیرینہ اور پرعزم رکن رہا ہے اور 1980 سے ڈائریکٹوریٹ جنرل آف لائٹ ہاؤسز اور لائٹ شپس کے ذریعے کونسل کا رکن ہے۔ ہندوستان نے محفوظ، موثر اور ماحولیاتی طور پر ذمہ دار میری ٹائم آپریشنز کو یقینی بنانے کے لیے نیوی گیشن اور صلاحیت سازی کیلئے سمندری امداد کو ہم آہنگ کرنے میں فعال طور پر تعاون کیا ہے۔

سنگاپور میں پہلی جنرل اسمبلی کے دوران آئی اے ایل اے کے نائب صدر کے طور پر ہندوستان کا انتخاب اس کے بڑھتے ہوئے عالمی اثر و رسوخ اور اسٹریٹجک سمندری وژن کی عکاسی کرتا ہے۔

کونسل نے اہم تکنیکی امور پر تبادلہ خیال کیا، بشمول:

• نیویگیشن کے لیے میرین ایڈز کی ہم آہنگی۔
• لائٹ ہاؤس کے ورثے کا تحفظ
• اُبھرتی ہوئی پیش رفت جیسے کہ ہم آہنگ انٹرنیٹ آف تھنگز (آئی او ٹی) پروٹوکول برائے ویژول  اے ٹو این
• میری ٹائم سروس رجسٹری کی خصوصیات
• 2025 اور 2026 کے لیے آئی اے ایل اے کی سرگرمیوں کے لیے پروگرام کا شیڈول

ہندوستان کے فعال کردار کو سراہا گیا، کونسل کے اراکین نے آئی اے ایل اے کے بڑے پروگراموں کی میزبانی میں اس کی آنے والی قیادت کا خیرمقدم کیا۔ ہندوستان کی فعال مصروفیت سمندری حفاظت، اختراع اور ورثے کے تحفظ کے لیے اس کے عزم کی عکاسی کرتی ہے۔

 

 

*******

ش ح- ف ا- ن ع

UR No 1688

(Release ID: 2135808)