کامرس اور صنعت کے مرکزی وزیر جناب پیوش گوئل نے آج سوئٹزرلینڈ میں باوقار سوئس انڈسٹری ڈے کے موقع پر سوئس صنعت کے قائدین اور اختراع کاروں سے خطاب کیا ۔ ہندوستان کی بدلتی ہوئی ترقی کی کہانی اور تعاون کے وسیع مواقع پر روشنی ڈالتے ہوئے ، جناب گوئل نے سوئس کاروباری برادری کو 2047 تک 30-35 ٹریلین ڈالر کی معیشت بننے کی طرف ہندوستان کے سفر میں فعال شراکت دار بننے کی گرمجوشی سے دعوت دی۔

اس تقریب سے خطاب کرتے ہوئے جناب گوئل نے کہا: 'میں یہاں 1.4 ارب ہندوستانیوں کی امیدوں اور خوابوں کا پیغام لے کر آیا ہوں — ایک ایسی قوم کے خواب جو آپ کے بلند و بالا الپس پہاڑوں کی مانند اونچے ہیں اور جو ایک روشن اور بہتر مستقبل کے متلاشی ہیں۔ میں سوئٹزرلینڈ کے باصلاحیت انجینئروں، جدت طرازوں اور کاروباری شخصیات سے دوستی اور اشتراکِ عمل کا ہاتھ بڑھانے آیا ہوں۔

شراکت داری کے علامتی اشارے میں ، جناب گوئل نے ہندوستان میں ایک وقف شدہ سوئس انکلیو بنانے کی تجویز پیش کی،جو کہ سوئس کاروباروں کے لیے موزوں زون ہےتاکہ ہندوستان میں بنیاد قائم کرنے کے خواہاں سوئس کاروباری اداروں کو سکون اور گھر کا احساس فراہم کیا جاسکے ۔

وزیر موصوف نے ہندوستان کی قابل ذکر تبدیلی پر روشنی ڈالی۔30 سال پہلے کی 270 بلین ڈالر کی معیشت سے آج 4 ٹریلین ڈالر کی معیشت میں اور ملک کی آزادی کے 100 سال قریب آنے پر اس کی خواہش 30-35 ٹریلین ڈالر تک بڑھنے کی ہے ۔ انہوں نے 28.4 سال کی اوسط عمر کے ساتھ ہندوستان کی نوجوان آبادی کا ذکر کیا اور اس بات پر زور دیا کہ ملک آنے والی دہائیوں تک نوجوان اور متحرک رہے گا ۔

جناب گوئل نے ایک قابل اعتماد ، قانون کی حکمرانی پر مبنی اور جمہوری ملک کے طور پر ہندوستان کے فوائد پر زور دیا جہاں سوئس کاروبار امتیازی سلوک کے خوف کے بغیر چل سکتے ہیں ۔ انہوں نے کہا کہ جمہوریت ، آبادیاتی منافع ، فیصلہ کن قیادت اور تنوع ہندوستان کو ایک قابل اعتماد شراکت دار بناتے ہیں ۔

انڈیا-ای ایف ٹی اے ٹریڈ اینڈ اکنامک پارٹنرشپ ایگریمنٹ (ٹی ای پی اے) کا حوالہ دیتے ہوئے جناب گوئل نے اسے ’’ٹرسٹ اینڈ ایفیشنسی پارٹنرشپ‘‘ قرار دیا ۔ انہوں نے امید ظاہر کی کہ یہ شراکت داری ہندوستان اور چار ای ایف ٹی اے ممالک کے درمیان تعاون کے ایک نئے دور کا آغاز کرے گی ، جس سے تجارت ، سرمایہ کاری اور اختراع کے نئے راستے کھلیں گے ۔

’’میں خاص طور پر سوئٹزرلینڈ کےایس ایم ای (چھوٹے اور درمیانے درجے کے کاروبار) شعبے کو دعوت دیتا ہوں کہ وہ بھارت کی گزشتہ دہائی میں ہونے والی شاندار ترقی کا مشاہدہ کریں۔ اس سے آپ کو وہ اعتماد حاصل ہوگا جس کی ہمیں تمنا ہے،‘‘۔ وزیر موصوف نے  زور دے کر کہا کہ پچھلے 10 برسوں  میں بھارت نے 80 نئے ہوائی اڈے بنائے ہیں، جن میں ایک نیا ہوائی اڈہ زیورخ ایئرپورٹ کے اشتراک سے تعمیر کیا گیا ہے۔ ’’ہماری بندرگاہوں کی گنجائش دوگنی ہو چکی ہے، اور قومی شاہراہیں اور ایکسپریس ویز اب جرمنی کے معیار کے برابر ہیں۔ ہم نے 104 نئی آبی گزرگاہیں شامل کی ہیں اور بجلی پیدا کرنے کی صلاحیت کو دوگنا کر دیا ہے، جب کہ شمسی توانائی کی صلاحیت 50 گنا بڑھ چکی ہے۔ حکومت کا ہر سال 125 ارب ڈالر سے زائد کا انفراسٹرکچر پر خرچ بھارت کی ترقی کی کہانی کے لیے ایک طاقتور ضرب اثر پیدا کرتا ہے۔‘‘

ہندوستان کے مضبوط تعلیمی ماحولیاتی نظام پر بھی روشنی ڈالی گئی، وزیر موصوف نے اس بات کی طرف اشارہ کرتے ہوئے کہا کہ ملک دنیا بھر میں سب سے زیادہ ایس ٹی ای ایم گریجویٹس پیدا کرتا ہے، جن میں سے 43 فیصد خواتین ہیں۔انہوں نے کہا،’’یہ ٹیلنٹ پول، پیمانے اور رفتار کے ساتھ مل کر، ہندوستان کو سرمایہ کاری کی ایک مثالی منزل بناتا ہے۔‘‘

عالمی بینک کے اعداد و شمار کا حوالہ دیتے ہوئے، جناب گوئل نے بتایا کہ بھارت میں انتہائی غربت میں نمایاں کمی واقع ہوئی ہے — گزشتہ 11 برسوں میں 27 کروڑ افراد اس دائرے سے نکل چکے ہیں، اور اب یہ شرح محض 5 فیصد رہ گئی ہے۔ انہوں نے امید ظاہر کی کہ مستقبل قریب میں انتہائی غربت کا مکمل خاتمہ ممکن ہو جائے گا۔
’’ انہوں نے کہا،بھارت آج دنیا بھر کے شراکت داروں کو خوش آمدید کہنے کے لیے نہ صرف تیار ہے بلکہ پُرعزم بھی ہے۔ ہم ایک ایسی قوم ہیں جو ترقی کی راہ پر گامزن ہے، جہاں بے شمار مواقع موجود ہیں۔‘‘

جناب گوئل نے سوئس کاروباری برادری کو بھارت کا دورہ کرنے کی ذاتی دعوت دیتے ہوئے بات مکمل کی۔’’آئیے، بھارت کو دریافت کیجیے۔ آئیے، شاندار بھارت کا تجربہ کیجیے۔ ایک ایسی قوم کی خوبصورتی، توانائی اور تبدیلی کا مشاہدہ کیجیے جو ماضی کے سائے سے نکل کر دنیا کی اقوام میں اپنا جائز مقام حاصل کر رہی ہے۔‘‘

************

ش ح۔ش ت۔ ج ا

 (U: 1643)

(Release ID: 2135550)