લોકસભા અધ્યક્ષ શ્રી ઓમ બિરલા 09 જૂન (સોમવાર)ના રોજ એક દિવસીય મુલાકાત માટે ઇન્ડિયન ઇન્સ્ટિટ્યૂટ ઓફ ટેકનોલોજી (IIT) જોધપુરની મુલાકાત લેશે. આ પ્રસંગે, શ્રી બિરલા સંસ્થામાં નવનિર્મિત લેક્ચર હોલ કોમ્પ્લેક્સ - IIનું ઉદ્ઘાટન કરશે.

રાજ્યસભા સાંસદ શ્રી રાજેન્દ્ર ગેહલોત, સામાજિક કાર્યકર શ્રી નિંબારામ, પ્રખ્યાત અવકાશ વૈજ્ઞાનિક અને IIT જોધપુરના બોર્ડ ઓફ ગવર્નર્સના અધ્યક્ષ શ્રી એ.એસ. કિરણ કુમાર, IIT જોધપુરના ડિરેક્ટર પ્રો. અવિનાશ કે. અગ્રવાલ અને ડેપ્યુટી ડિરેક્ટર પ્રો. ભવાની કે. સતપથી પણ આ કાર્યક્રમમાં ઉપસ્થિત રહેશે. શ્રી એ.એસ. કિરણ કુમાર કાર્યક્રમની અધ્યક્ષતા કરશે.

₹14.80 કરોડના ખર્ચે બનેલ, IIT જોધપુર ખાતેનું આ અત્યાધુનિક લેક્ચર હોલ સંકુલ સંસ્થાની શૈક્ષણિક અને સંશોધન પ્રવૃત્તિઓને નવી દિશા આપશે તેવી અપેક્ષા છે.

તેમની મુલાકાત દરમિયાન, શ્રી બિરલા 'રિસર્ચ ઇનિશિયેટિવ ગ્રાન્ટ'નું પણ વિતરણ કરશે, જેનો હેતુ સંશોધકો અને નવીનતા સંબંધિત પ્રોજેક્ટ્સને પ્રોત્સાહિત કરવાનો છે. આ ઉપરાંત, તેઓ સંસ્થાની નવી સત્તાવાર વેબસાઇટ પણ લોન્ચ કરશે.

આ પ્રસંગે, લોકસભા અધ્યક્ષ વિજ્ઞાનને લોકપ્રિય બનાવવા માટે રચાયેલ 'સાયન્સ થ્રુ પ્લે' કોમિક શ્રેણીનું પણ વિમોચન કરશે. આ શ્રેણી બાળકો અને યુવાનોને વૈજ્ઞાનિક વિચારસરણી સાથે સરળ અને આકર્ષક ભાષામાં જોડવાનો એક નવીન પ્રયાસ છે.

લોકસભા અધ્યક્ષની આ મુલાકાતને ઉચ્ચ શિક્ષણ, નવીનતા અને વિજ્ઞાનની પહોંચને લોકો સુધી વિસ્તૃત કરવા માટે એક મહત્વપૂર્ણ પહેલ તરીકે જોવામાં આવી રહી છે.

રાજસ્થાનમાં સ્થિત ઇન્ડિયન ઇન્સ્ટિટ્યૂટ ઓફ ટેકનોલોજી જોધપુર (IIT જોધપુર), ભારત સરકાર દ્વારા 2008માં સ્થાપિત એક અગ્રણી ટેકનિકલ સંસ્થા છે. તે ઉચ્ચ-ગુણવત્તાવાળા એન્જિનિયરિંગ શિક્ષણ, સંશોધન અને નવીનતા પહોંચાડવા માટે જાણીતી છે.

AP/IJ/GP/JD

(Release ID: 2135000)