بندرگاہوں ، جہاز رانی اور آبی گزرگاہوں کے مرکزی وزیر جناب سربانند سونووال نے آج کوپن ہیگن بزنس اسکول (سی بی ایس ) کے معروف بلو ایم بی اے ایگزیکٹو پروگرام کے طلباء سے بات چیت  کی۔ اس نشست میں بھارت کی مضبوط اقتصادی ترقی، بڑھتے ہوئے سرمایہ کاری کے مواقع، اور معیشت کو ماحولیاتی ذمے داری کے ساتھ ہم آہنگ کرنے کی کوششوں کو اجاگر کیا گیا۔ جناب سونووال کو اس باوقار بزنس اسکول کا دورہ کرنے والے پہلے بھارتی وزیر ہونے کا اعزاز بھی حاصل ہوا۔

وزیر کے ساتھ ڈینش میری ٹائم اتھارٹی کے ڈائریکٹر جنرل برائن ویسل ، کوپن ہیگن بزنس اسکول کے ایسوسی ایٹ ڈین لیف کرسٹینسن اور بلیو ایم بی اے کے پروگرام ڈائریکٹر آئرین روزبرگ سمیت فیکلٹی اور سمندری ماہرین پر مشتمل ایک ممتاز پینل موجود تھا۔ مرکزی وزیر کے ساتھ ڈنمارک میں بھارت کے سفیر منیش پربھات بھی تھے ۔

وزیر جناب سربانند سونوال نے بلو ایم بی اے کے طلباء سے خطاب کرتے ہوئے بھارت کی سمندری ترقی کی حکمتِ عملی کا خاکہ پیش کیا، جو ساگر مالا پروگرام اور میری ٹائم امرت کال وژن 2047 پر مبنی ہے۔ ان دونوں کا مقصد پائیدار بنیادی ڈھانچہ، کثیرالجہتی لاجسٹکس، اور مستقبل کے تقاضوں سے ہم آہنگ ایک جدید سمندری نظام قائم کرنا ہے۔

جناب سربانند سونوال نے کہاکہ سی بی ایس ایک عالمی سطح پر قابلِ احترام ادارہ ہے، اور خاص طور پر بلو ایم بی اے پروگرام سمندری دنیا میں مستقبل کے لیے تیار قیادت کے لیے ایک رہنما کی حیثیت رکھتا ہے۔ مجھے خاص طور پر اس بات پر خوشی ہے کہ میں آج ان طلباء کے درمیان موجود ہوں جن کی مہم اور وژن آنے والے سالوں میں عالمی شپنگ کے کورس کو تشکیل دینے میں مدد کرے گا، اور میں آج آپ سب سے بات چیت کے لیے پرجوش ہوں تاکہ آپ کے تجربات، خیالات اور امنگوں کے بارے میں جان سکوں۔بھارت اور ڈنمارک کے درمیان ایک طویل اور تعمیری تعلق رہا ہے اور ہمارا سمندری شراکت داری کا رشتہ وقت کے ساتھ مضبوط ہوتا جا رہا ہے۔ بطور ساحلی ممالک، جن کی سمندری روایات گہری ہیں اور سمندر سے جڑے صنعتی شعبوں میں اسٹریٹجک دلچسپی ہے، ہماری موجودہ شراکت داری میں زبردست امکانات موجود ہیں نہ صرف ہمارے دونوں ممالک کے لیے، بلکہ عالمی سطح پر سمندری پائیداری کے لیے بھی ہے۔بھارت کی معیشت جو اب چوتھی سب سے بڑی معیشت بن چکی ہے،جو  ملکی اور بین الاقوامی سمندری کاروبار کے لیے  بے پناہ مواقع فراہم کرتی ہے۔ پائیداری ہماری سمندری پالیسی کا مرکز ہے، اور ہم 2047 تک بڑے بندرگاہوں پر نیٹ زیرو اخراج حاصل کرنے کے لیے پرعزم ہیں۔ گرین ہائیڈروجن سے لے کر ڈیجیٹل شپنگ تک، ہمارا روڈ میپ بیک وقت پرعزم اور شمولیت پر مبنی ہے۔

بات چیت میں بھارت کے عالمی بحری مرکز اور ابھرتی ہوئی لاجسٹکس طاقت کے طور پر کردار پر روشنی ڈالی گئی، جو ملک کی سبز بندرگاہوں کی ترقی، کثیرالجہتی رابطے(ملٹی ماڈل کنیکٹوٹی )، اور ڈیجیٹل انفراسٹرکچر پر توجہ کی بنیاد پر بین الاقوامی تجارت کو فروغ دینے کے لیے کی جا رہی ہے۔

مرکزی وزیرجناب  سربانندا سونووال نے انٹرایکٹو سیشن کے دوران کہا کہ آج بھارت ترقی کی ایک متاثر کن کہانی پیش کرتا ہے جو جامع، جدید اور پائیدار ہے ۔جب ہم اپنی بندرگاہی صلاحیت کو بڑھا رہے ہیں اور پس ماندہ علاقوں میں لاجسٹکس کو مربوط کر رہے ہیں، تو ہم سمندری شعبے کو کاربن سے پاک بنانے کے لیے بھی پُرعزم ہیں۔ ہمارا مقصد بھارت کو گرین شپنگ اور صاف تجارتی راہداریوں کے لیے عالمی مرکز بنانا ہے۔

بلیو ایم بی اے کوہورٹ میں سینئر پیشہ ور افراد اور عالمی سمندری اور لاجسٹک رہنماؤں جیسے نوبل کارپوریشن ، مین انرجی سولیوشنز ، امریکن بیورو آف شپنگ ، اور بیورو ویریٹاس کے سابق طلباء شامل ہیں ۔ وزیر موصوف کے ساتھ ان کی بات چیت ہندوستانی سمندری بنیادی ڈھانچے میں سرمایہ کاری کے منظر نامے ، آئندہ سرکاری-نجی شراکت داری کے مواقع ، اور گرین شپنگ کے لیے ہندوستان کی پالیسی ترغیبات پر مرکوز رہی ۔

مزید بات کرتے ہوئے جناب سربانند سونووال نے کہا کہ گرین میری ٹائم ٹیکنالوجی میں سب سے آگے رہنے والے ڈنمارک نے توانائی کی بچت ، اختراع اور ڈیجیٹل شپنگ جیسے شعبوں میں عالمی معیارات طے کیے ہیں ۔ عزت مآب وزیر اعظم جناب نریندر مودی جی کی دور اندیش قیادت میں ہندوستان اپنے سمندری شعبے کو جدید بنانے ، پائیداری بڑھانے اور پالیسی اصلاحات ، بنیادی ڈھانچے کی سرمایہ کاری اور بین الاقوامی تعاون کے ذریعے مواقع کو بڑھانے کے لیے ایک تبدیلی کا سفر طے کر رہا ہے ۔ ایک وسیع ساحلی پٹی اور حجم کے لحاظ سے اس کی 90فیصد سے زیادہ تجارت سمندر کے ذریعے منتقل ہونے کے ساتھ ، ہندوستان دنیا کے اہم سمندری ممالک میں سے ایک ہے ۔ اس طرح سمندری شعبہ ہندوستان کی ترقی کی حکمت عملی کا ایک مرکزی ستون ہے ۔

وزیر نے بھارت کی تجارت میں توسیع اور صنعتی ترقی کے پیشِ نظر مؤثر اور پائیدار شپنگ کی بڑھتی ہوئی مانگ پر زور دیا۔ انہوں نے سمندری تعلیم میں بھارت کی بڑی سرمایہ کاری کا ذکر کیا، جس میں انڈین میری ٹائم یونیورسٹی اور گجرات میری ٹائم یونیورسٹی جیسے ادارے ایک عالمی معیار کی افرادی قوت تیار کر رہے ہیں، جو صرف سمندری سفر تک محدود نہیں بلکہ لاجسٹکس، کروز سیاحت، گرین فیول، بندرگاہوں کے انتظام اور جہازوں کی ری سائیکلنگ جیسے شعبوں میں بھی کیریئر بنا رہے ہیں۔

بھارت کی میری ٹائم افرادی قوت کی تعداد 7.86 ملین سے بڑھ کر 2047 تک تقریباً 40 ملین تک پہنچنے کی توقع ہے۔ خواتین ملاحوں کی تعداد میں بھی نمایاں اضافہ دیکھنے میں آیا ہے، جو 2014 میں 1,699 سے بڑھ کر 2024 میں 7,000 سے تجاوز کر گئی ہے، جو تنوع اور شمولیت پر مضبوط توجہ کی عکاسی کرتا ہے۔

سی بی ایس کے فیکلٹی نے بھارت کی بحری پالیسی میں اصلاحات اور جنوب مشرقی ایشیا، مشرق وسطیٰ، اور یورپ کے درمیان ایک اہم رابطے کے طور پر اس کی بڑھتی ہوئی حیثیت کو سراہا۔ اس تقریب نے بھارت اور ڈنمارک کے درمیان بڑھتے ہوئے تعاون کو خاص طور پر گرین شپنگ، صاف توانائی، اور پائیدار ترقی کے شعبوں میں مضبوط کیا، اور بھارت کی عالمی تعلیمی اور پیشہ ورانہ اداروں کے ساتھ بڑھتی ہوئی شمولیت کو اجاگر کیا۔

******

ش ح۔ش آ۔ج ا

 (U:1562)