بھارت کے انسانی حقوق کے قومی کمیشن این ایچ آرسی نے 13مئی 2025 کو ایک 35سالہ آٹورکشاڈرائیور کی ہلاکت کی ، ایک میڈیا رپورٹ پر ازخود کارروائی کی ہے۔ رپورٹ میں الزام لگایاگیا تھا کہ تلنگانہ کے شہر حیدرآباد میں راجیندر نگر پولیس اسٹیشن میں پولیس نے اس شخص کے ساتھ اذیت رسانی کی تھی۔

کمیشن نے کہا کہ اگر پریس ریلیز کامتن صحیح ہے تو اس واقعہ سے متاثرہ شخص کے انسانی حقوق کی شدید خلاف ورزی ہوئی ہے،لہٰذا اس نے تلنگانہ کے ڈائریکٹر جنرل آف پولیس کو نوٹس جاری کیا ہے جس میں اس سلسلے میں دوہفتے کے اندر اندر ایک تفصیلی رپورٹ پیش کرنے کے لئے کہاگیا ہے۔

14مئی 2025کوجاری میڈیا کی خبروں کے مطابق متاثرہ شخص کی اہلیہ کے ساتھ کچھ مسائل تھے جو ان معاملات کو سلجھانے کے لئے اسے پولیس اسٹیشن لے گئی تھی،دونوں میاں بیوی کو کونسلنگ کے بعد ، ایک کمرے میں لے جایاگیا جہاں اسے پولیس اہلکاروں نے ربڑ کی بلٹوں سے بری طرح ماراپیٹا، ایک گھنٹے کے بعد جب وہ پولیس اسٹیشن سے باہر آیا تو اسے الٹیاں ہونے لگیں اوروہ بیہوش ہوکر گرگیا۔ اسے اسپتال لے جایاگیا جہاں ڈاکٹروں نے اسے مردہ قراردے دیا۔

************

ش ح ۔ ا س  ۔ م ا

Urdu Release NO-1472