કેન્દ્રીય નાણાં અને કોર્પોરેટ બાબતોના મંત્રી શ્રીમતી નિર્મલા સીતારમણ અને કેન્દ્રીય નાણાં રાજ્યમંત્રી શ્રી પંકજ ચૌધરીએ આજે ​​નવી દિલ્હીમાં ડિરેક્ટોરેટ ઓફ રેવન્યુ ઇન્ટેલિજન્સ (DRI)ના નવા અત્યાધુનિક મુખ્યાલયના મકાનનું ઉદ્ઘાટન કર્યું હતું.

આ પ્રસંગે નાણા મંત્રાલયના મહેસૂલ વિભાગના સચિવ શ્રી અરવિંદ શ્રીવાસ્તવ, સેન્ટ્રલ બોર્ડ ઓફ ઇન્ડાયરેક્ટ ટેક્સીસ એન્ડ કસ્ટમ્સ (CBIC)ના અધ્યક્ષ શ્રી સંજય કુમાર અગ્રવાલ, CBICના સભ્ય (કમ્પ્લાયન્સ મેનેજમેન્ટ), શ્રી મોહન કુમાર સિંહ, DRI ના ડાયરેક્ટર જનરલ શ્રી અભય કુમાર શ્રીવાસ્તવ અને CBIC અને અન્ય કાયદા અમલીકરણ એજન્સીઓના વરિષ્ઠ અધિકારીઓ, જેમાં વિદેશી પ્રતિનિધિઓનો પણ સમાવેશ થાય છે, ઉપસ્થિત રહ્યા હતા.

કેન્દ્રીય નાણાં મંત્રીએ નવી ઇમારતના નિર્માણ કાર્યને રેકોર્ડ સમયમાં પૂર્ણ કરવા માટે પ્રશંસા કરી અને રાષ્ટ્રીય સુરક્ષા, ભારતની આર્થિક સીમાઓનું રક્ષણ અને દાણચોરીને રોકવામાં DRI ની ભૂમિકાની પ્રશંસા કરી હતી.

ઉદ્ઘાટન પ્રસંગે પોતાના સંબોધનમાં, શ્રીમતી નિર્મલા સીતારમણે DRI અધિકારીઓને પ્રધાનમંત્રી શ્રી નરેન્દ્ર મોદી દ્વારા આપવામાં આવેલા 'સુધારા, કામગીરી અને પરિવર્તન'ના સ્પષ્ટ આહ્વાનની ભાવનાથી પોતાને પ્રભાવિત કરવા અને અમલીકરણ એજન્સીઓ તરીકે ત્રણ મુખ્ય આવશ્યકતાઓને સ્વીકારવા હાકલ કરી:

• અમલીકરણ અને સુવિધાને સ્પેક્ટ્રમના વિરોધી છેડા તરીકે ન જુઓ.
• માત્ર અલગ-અલગ ઉલ્લંઘનોનો પીછો ન કરીને, મોટા ચિત્રને કેન્દ્રમાં રાખીને, સંપૂર્ણ રીતે તપાસ કરો.
• એન્ફોર્સમેન્ટ કામગીરી ફક્ત ડેટામાં જ નહીં પરંતુ ધર્મમાં પણ મૂળ હોવી જોઈએ.

કેન્દ્રીય નાણાં મંત્રીએ ભાર મૂક્યો કે જપ્તીને અસર કરવા ઉપરાંત, આંતર-એજન્સી સહયોગ વધારવા તેમજ આંતરરાષ્ટ્રીય આર્થિક ગુનાઓના યુગમાં આંતરરાષ્ટ્રીય સમકક્ષો સાથે સુધારેલા સંકલનની જરૂરિયાત પર ભાર મૂકીને સમગ્ર સિન્ડિકેટ્સને તોડી પાડવા પર ધ્યાન કેન્દ્રિત કરવું જોઈએ.

આ પ્રસંગે પોતાના સંબોધનમાં, કેન્દ્રીય નાણાં રાજ્ય મંત્રી શ્રી પંકજ ચૌધરીએ DRI દ્વારા તેના કાર્યમાં ટેકનોલોજી અને ડેટા એનાલિટિક્સનો સમાવેશ કરવા માટે જે ગતિથી કામ કરવામાં આવ્યું છે તેની પ્રશંસા કરી હતી. શ્રી ચૌધરીએ પ્રશંસા કરી કે DRI માત્ર ભારતમાં જ નહીં પરંતુ વૈશ્વિક પ્લેટફોર્મ પર પણ કાયદા અમલીકરણ એજન્સીઓમાં આદરણીય સ્થાન ધરાવે છે.

આ પ્રસંગે પોતાના સંબોધનમાં, શ્રી અરવિંદ શ્રીવાસ્તવે એક સુરક્ષિત આર્થિક વાતાવરણ બનાવવામાં DRIની ભૂમિકાની પ્રશંસા કરી, જે વિકસિત ભારત તરફ ભારતની કૂચનો પાયો છે, અને નિષ્કર્ષ કાઢ્યો કે આ ઇમારત DRI ને પ્રામાણિકતા, બુદ્ધિમત્તા અને નવીનતા સાથે આગળ વધારવા માટે નવી પ્રતિબદ્ધતાનું પ્રતિનિધિત્વ કરશે.

આ પ્રસંગે પોતાના સંબોધનમાં, શ્રી સંજય કુમાર અગ્રવાલે મુખ્યાલયના ઉદ્ઘાટન પર સમગ્ર DRI ટીમ તેમજ CPWD અને અન્ય સરકારી વિભાગોને અભિનંદન પાઠવ્યા હતા. શ્રી અગ્રવાલે જણાવ્યું હતું કે મજબૂત પરોક્ષ કર વસૂલાત અને કરદાતાઓના આધારમાં વધારા સાથે, દેશના આર્થિક વિકાસમાં CBIC ની ભૂમિકા વધી રહી છે અને સતત વિકસતા પરિદૃશ્યને પહોંચી વળવા માટે, માળખાકીય વિકાસ પર ધ્યાન કેન્દ્રિત કરવું અને સંસ્થાકીય ક્ષમતાઓને વધારવા માટે હિતાવહ છે.

અગાઉ, તેમના સ્વાગત પ્રવચનમાં, નવા મુખ્યાલયના મકાનની વિશિષ્ટ વિશેષતાઓનું વર્ણન કરતી વખતે, શ્રી અભય કુમાર શ્રીવાસ્તવે સામેલ તમામ હિતધારકોનો આભાર માન્યો અને રાષ્ટ્ર પ્રત્યેની સેવાના તેના મુખ્ય મૂલ્યોને જાળવી રાખવાના DRIના સંકલ્પનો પુનરોચ્ચાર કર્યો હતો.

DRI મુખ્યાલયના મુખ્યાલયના મુખ્ય ADG શ્રી બ્રિજ ભૂષણ ગુપ્તાએ આભાર વ્યક્ત કરતા, તમામ પ્રતિષ્ઠિત મહેમાનો અને સુવિધાના નિર્માણમાં સામેલ CPWD ની ટીમનો પણ આભાર માન્યો હતો.

નવી ઉદ્ઘાટન કરાયેલી ઇમારત આધુનિક સુવિધાઓ અને ટેકનોલોજીકલ માળખાથી સજ્જ છે. જે જટિલ નાણાકીય ગુનાઓ અને સરહદ પાર ગેરકાયદેસર વેપાર સામે લડવામાં એજન્સીની વિકસતી જરૂરિયાતોને ટેકો આપવા માટે રચાયેલ છે. 6,200 ચોરસ મીટરના પ્લોટ વિસ્તાર પર કબજો કરતી આ ઇમારતને DRIની કાર્યકારી જરૂરિયાતોને પૂર્ણ કરવા માટે કાળજીપૂર્વક ડિઝાઇન કરવામાં આવી છે. જેમાં ટકાઉ અને ઉર્જા-કાર્યક્ષમ સુવિધાઓની શ્રેણીનો સમાવેશ થાય છે. આમાં વરસાદી પાણીનો સંગ્રહ, ગટર શુદ્ધિકરણ પ્લાન્ટ, સૌર ઉર્જા પેનલ અને પર્યાવરણીય અસર ઘટાડવાના હેતુથી અન્ય પર્યાવરણ-મૈત્રીપૂર્ણ પહેલનો સમાવેશ થાય છે. ડિઝાઈન પણ સમાવેશીતા અને સ્ટાફ કલ્યાણ પર પણ લક્ષ આપે છે. જેમાં અવરોધ-મુક્ત પ્રવેશ, રેમ્પ, લિફ્ટ અને કામકાજી માતાપિતાને ટેકો આપવા માટે ક્રેચ જેવી જોગવાઈઓ છે, જે બધા માટે આધુનિક અને અનુકૂળ કાર્યસ્થળ સુનિશ્ચિત કરે છે.

AP/IJ/GP/JD