পুম্নমক কোনশিনবা লৈবাক্কী চাওখৎপা অমদি রিজনেল কেপাসিতী শেমগৎনবা মশক নাইবা খোংথাঙ অমা ওইনা, কোর্পোরেত এফ্যার্স মন্ত্রালয়গী মখাদা ইন্দিয়ন ইন্সতিত্যুৎ ওফ কোর্পোরেত এফ্যার্স (IICA) না মাগী অহানবা রিজনেল কেম্পসকীদমক মেঘালয়গী নিউ শিলোং তাউনসিপ্তা একর মঙাগী লম অমা ফোর্মেল ওইনা লৌশিল্লে‍। থৌশিল অসিনা কোর্পোরেত গভর্নেন্স ফগৎহনবা অমদি সস্তেনেবল দিবেলপমেন্তকী ফীরেপ চেৎশিনহন্দুনা অৱাং নোংপোক লমদমদা IICA গী খোঙ্গুল তানবগী মশক থোকপা পন্দুপ অমা ওইরি‍।

লম ত্রান্সফর তৌবগী থৌরম অদুদা মেঘালয় লৈঙাক্কী চীফ সেক্রেতরী শ্রী দোনেল্দ ফিলিপ্স ৱাহলেং, অমদি কোর্পোরেত এফ্যার্স মন্ত্রালয়গী সেক্রেতরী মিস দিপ্তী গৌর মুখর্জীনা থৌরম মপু ওইনা শরুক য়াখি‍। শ্রী জ্ঞানেশ্বর কুমার সিংহ, IICA গী দাইরেক্তর জেনেরেল অমদি CEO, শ্রী ইন্দরদীপ সিংহ ধরিৱাল, জোইন্ত সেক্রেতরী, কোর্পেরেত এফ্যার্স মন্ত্রালয়, শ্রী সি.ভি.দি. দিংদোহ, কম্মিস্নর অমদি সেক্রেতরী, প্লান্নিং দিপার্তমেন্ত, শ্রী (কোল.) অমন্দীপ সিংহ পুরি IICA লোয়ননা অতৈ মকোক থোংবা ওফিসিএলশিংসু শরুক য়াখি‍। মেঘালয় লৈঙাক্কী প্লান্নিং দিপার্তমেন্তকী জোইন্ত সেক্রেতরী শ্রী কে. হাইনিতা, অমদি ভারত লৈঙাক্কী দিপুতী সেক্রেতরী শ্রী শেখর স্রিবাস্তব অনিগী মরক্তা লম খুৎশিন্নখি‍।

মঙলান অসিবু শিংথারদুনা, মেঘালয়গী চীফ সেক্রেতরীনা ৱাখল লৌশিংনা লমজিংদুনা চাওখৎপা পুরক্নবা লেপ্লি হায়খি অমদি IICA কেম্পস অসিনা মফম চানা নোলেজ সিতী ক্লস্তর মনুংদা লৈরি হায়বা ৱাফম ফোঙদোকখি‍। মফমসিদা শিলোং, নেস্নেল লো য়ুনিভর্সতী মেঘালয়, অমদি NIFT নচিংবা মমিং লৈরবা ইন্সতিত্যুসনশিং লৈদুনা অফবা মহৈ মশিং অমদি শিন্ফমগী মরী ফংহল্লি‍। অনৌবা এয়রপোর্ত অমসু শিলোংদা শেমগৎলগনি হারদুনা, মসিনা রিজনেল কন্নেক্তিবিতী নীংথিনা ফগৎহন্দুনা কেম্পস অসিবু ভারত পুম্বদগী প্রেফোস্নেল, ফেকল্তী, অমঅদি মহৈরোয়শিংনা লায়না য়ৌবা ঙমহনগনি‍ হায়খি‍। ইনফ্রাস্ত্রকচর শেমগৎলিবা অসিনা শিলোংবু অৱাং নোংপোক্তা অচৌবা মহৈ মশিং অমদি খুজিল থৌরাংগী মফম অমা ওইনা লৈবদা হেন্না মপাঙ্গল কনখৎহল্লগনি‍।

শ্রী জ্ঞানেশ্বর কুমার সিংহ, DG & CEO, IICA, না মীৎকুপ অদুবু পুৱারী ওইবা মীৎকুপ্নি হায়রদুনা, শিলোং কেম্পসপু “দিল্লীগী মপান্দা লৈবা অহান্বা নাউৱা অমনি – দিসেন্ত্রেলাইজেসন অমদি এম্পৱারমেন্তকী খুদম্নি” হায়খি‍। অনৌবা কেম্পস অসিনা ওন্ত্রপ্রিন্যুরসিপ শৌগৎপা, কেপাসিতী শেমগৎপা, অমদি অফবা লৈঙাক পুরকপদা লৌগদৌরিবা থৌদাং অসি ইজ ওফ দুইং বিজিনেস, আত্মনিরভর ভারত, অমদি বিক্সিত ভারত @ ২০৪৭ নচিংবা লৈবাক্কী ওইনা মরুওইবা মীৎয়েঙ থম্লিবশিং অসিগী পরিংদা চৎলি হায়না মহাক্না ফোঙদোকখি‍। রাইজিং নোর্থ ইস্ত ইনিসিএতিবতা প্রধান মন্ত্রী নরেন্দ্র মোদীনা ফোঙদোকখিবা মঙলানগী মতাংদা পল্লদুনা, DG অদুনা প্রধান মন্ত্রীনা অৱাং নোংপোকপু লেপ্পা লৈতনা “ভারতকী অস্তলক্সমী” হায়না কৌববু পল্লদুনা, খেন্নবা, হৈ-শিংবা, অমদি মতিং কয়ানা থনবা লমদম্নি হায়খি‍। মঙলান অসিগী পরিংদা, “IICA না লমদম অসিবু চিদাইদা লৈবা মফম অমদগী অনৌবা ভারতকী ইচঙ থৌবা গ্রোথ ইঞ্জিন অমা ওইনা শেমগৎলকপগী শরুক অমা ওইবদা চাউথোকচবা পোকই” হায়না মহাক্না হায়খি‍।

“থৌশিল অসিদা ঐখোয়গী প্রধান মন্ত্রীগী ‘সবকা সাথ, সবকা বিকাস, সবকা বিস্বাস, সবকা প্রয়াস’ হায়রিবা লাইৱা অসিগী মমি চাউনা তাই,” হায়না মহাক্না মখা তানা ফোঙদোকখি‍। শিলোংগী ঐখোয়গী কেম্পস অসি চুম্নগী পাকথোক চাউথোরকপা অমআ নত্তে, মসি প্রধান মন্ত্রীনা মঙবিরম্বা, ইনফ্রাস্ত্রকচর অমদি নোলেজ ইন্সতিত্যুসনশিংনা পুল্লগা ইং-তপ্পা, নুংঙাই য়াইফবা অমদি পান্দমগী লম্বী য়াৎপা হায়বা মঙলানগী মতৌগুম্না ‘ত্রান্সফোর্মেসন বাই ত্রান্সপোর্তেসন’গী খোঙফম অমনি হায়খি‍।

প্রাইম মিনিস্তর্স দিবেলপমেন্ত ইনিসিএতিব ফোর নোর্থ-ইস্ত (PM-DevINE) গী মখাদা লুপা করোর ১০০.৯৫ গী ইনভেস্তমেন্তনা চৈঙাক ওইদুনা, শিলোং কেম্পস অসিনা কোর্পোরেত গভর্নেন্স, ESG, CSR, ইন্সোল্ভেন্সী অমদি বেঙ্করপ্তসী, কম্পিতিসন লো, অমদি বোর্দ লীদর্সিপনচিংবা মরুওইবা দোমেনশিংদা অখন্নবা ত্রেনিং, রিছর্চ, অমদি পোলিসী এদভাইজরীগী রিজনেল হব অমা ওইনা মথৌ তৌগনি‍।

কোর্পোরেত এফ্যার্স মন্ত্রালয়গী সেক্রেতরী, মিস দীপ্তি গৌর মুখর্জীনা মহাক্কী ৱারোলদা মেঘালয় লৈঙাক্কী ইচঙ থৌবা অমদি পুকচেল চাওবা ঙাক্লৌবু থাগৎলদুনা, খোঙবু ওইদুনা চৎমিন্নরিবা অসিদা কোওপরেতিব ফেদরেলিজম অমদি অৱাং নোংপোকপু অনৌবা ভারত অমগী গ্রোথ ইঞ্জিন অমা ওইনা শেমগৎনবা কেন্দ্রগী মীৎয়েঙগী মমি তাই হায়খি‍।

শেমগৎ শাগৎপগী থবক খুদক্তা হৌবগা লোয়ননা একাদমিক অমদি এদভাইজরী প্রোগ্রাম চৎলিবা শেনবা চহি অসিদগী হৌনবা থৌরাং য়াৎলি‍। IICA না হান্নদগী হৌনা NER দা মাগী ত্রেনিং প্রোগ্রামশিংগী খুত্থাঙদা থবক তৌবা হৌদুনা প্রোফেস্নেল ৩০০ হেন্না কান্নবা পীখ্রে অমদি অৱাং নোংপোক স্তেত পুম্বগী মীহুৎ য়াওবা ইন্দিপেন্দেন্ত দাইরেক্তর দেতাবেঙ্ক মখা তানা মেনেজ তৌরি‍।

তুংগী ওইনা, IICA না লমদম অসিগী খুন্নাই-শেন্মিৎলোনগী অপাম্বশিং ফংহনগদবা নীংথিনা শেম শারবা ত্রেনিং, পোলিসী সপ্পোর্ত, অমদি কেপাসিতী বিল্দিং থৌশিলশিং ফংহন্নবা নোলেজ সিতীদা লৈবা স্তেত য়ুনিভর্সিতী অমদি ইন্সতিত্যুসনশিংগা খুৎশম্নদনা প্রোগ্রাম কয়া পায়খৎকনি‍।

অসুম্না পাকথোক চাউথোক্লিবা অসিনা অৱাং নোংপোক্তগী ইথিকেল ওন্ত্রপ্রিন্যুরসিপ, স্কিল লৈববা প্রোফেস্নেল, অমদি থৌদাং চাউবা লুচিংবশিং শেমগৎনবা অশাংবা মতমগী ওইবা খোঙবু শেমগৎনবা IICA কী ফিরেপ উৎলি‍।

****