شمال مشرقی خطہ(این ای آر) میں ممنوعہ منشیات کی اسمگلنگ اور تجارت کو روکنے کے لیے اپنی انتھک کوششوں سے، ڈائریکٹوریٹ آف ریونیو انٹیلی جنس (ڈی آر آئی) نے تریپورہ میں میتھم فیٹامائن گولیوں کی ایک بڑی کھیپ کی اسمگلنگ کو ناکام بنا دیا۔

اگرتلہ ریجنل یونٹ کے ڈی آر آئی افسران نے 28 ویں بٹالین آسام رائفلز کی مدد سے 31 مئی 2025 کی  دیر رات ایک ماروتی ویگن آر کار کو روکا جس میں میتھمافیٹامائن گولیوں کی بڑی مقدار لے  جائے جانے کے شبہ  تھا۔ شمالی تریپورہ کے دھرم نگر علاقے سے آتے ہوئے اور مغربی تریپورہ کے اگرتلہ کی طرف بڑھتے ہوئے، تیلیامورا کے مضافات میں کار کو روکا گیا۔

گاڑی کی تلاشی لینے پر اینٹوں کے سائز کے سات پیکج برآمد ہوئے جو کاؤل کور کے نیچے بونٹ کے اندر چھپائے گئے تھے۔ پیکٹوں میں 7 کلو گرام وزنی میتھم فیٹامائن گولیاں تھیں، جن کی مالیت بین الاقوامی گرے ڈرگ مارکیٹ میں 7 کروڑ روپے تھی۔ ممنوعہ منشیات کی نقل و حمل میں ملوث دو افراد کو گرفتار کیا گیا ہے، جبکہ گولیاں اور گاڑی کو نارکوٹک ڈرگس اینڈ سائیکو ٹراپک سبسٹینس ایکٹ 1985 کے تحت ضبط کیا گیا ہے۔

جنوری 2025 سے ڈی آر آئی نے  تریپورہ میں 28.74 کروڑ  روپے مالیت کی میتھم فیٹامائن گولیاں برآمد کی ہیں اور  سات افراد کو گرفتار کیا گیا ہے۔ این ڈی پی ایس ایکٹ مجرموں کے لیے سخت سزا تجویز کرتا ہے جس میں 10 سال تک کی بامشقت سزا بھی شامل ہے۔

۔۔۔۔۔۔۔۔۔۔۔

ش ح۔ا گ ۔ ن م۔

U- 1373