انویسٹر ایجوکیشن اینڈ پروٹیکشن فنڈ اتھارٹی (آئی ای پی ایف اے)، جو وزارت کارپوریٹ امور، حکومت ہند کے تحت کام کرتی ہے، نے سکیورٹیز اینڈ ایکسچینج بورڈ آف انڈیا (ایس ای بی آئی) کے اشتراک سے اپنی پائلٹ اقدام "نویشک شیور" کے آغاز کا اعلان کیا ہے۔ پہلا پائلٹ کیمپ یکم جون 2025 کو پونے میں صبح 10:00 بجے سے شام 4:00 بجے تک منعقد ہوگا۔ یہ اقدام سرمایہ کاروں کے لیے غیر دعوی شدہ ڈیویڈنڈز اور شیئرز سے متعلق مسائل حل کرنے اور سرمایہ کاری خدمات تک براہ راست رسائی فراہم کرنے کے لیے ایک ون اسٹاپ حل کے طور پر کام کرنے کا مقصد رکھتا ہے۔

اس پروگرام کے حصے کے طور پر، آئی ای پی ایف اے کا مقصد درج ذیل پیشکش کرنا ہے:

• چھ سے سات سال تک رکھے گئے غیر دعوی شدہ ڈیویڈنڈز کی براہ راست سہولت،
• موقع پر ہی کے وائی سی اور نامزدگی کی اپ ڈیٹ،
• زیر التوا آئی ای پی ایف اے دعووں کے مسائل کا حل

نویشک شیور کا مقصد سرمایہ کاروں، کمپنیوں، اور رجسٹرارز اینڈ ٹرانسفر ایجنٹس (آر ٹی ایز) کے درمیان براہ راست تعامل کو فروغ دے کر بچولیوں  کو ختم کرنا ہے، جبکہ سرمایہ کاروں کی شکایات کے فوری ازالے کا طریقہ کار بھی فراہم کرنا ہے۔ غیر دعوی شدہ ڈیویڈنڈ اکاؤنٹس کی بڑی تعداد کے حامل اسٹیک ہولڈر کمپنیوں کو ایونٹ میں مخصوص کیوسک کے ذریعے شرکت کی دعوت دی جائے گی۔

پونے کا پائلٹ کیمپ ان شہروں میں منعقد ہونے والے شیورز کی سیریز کا پہلا کیمپ ہوگا جہاں غیر دعوی شدہ سرمایہ کاری کی مقدار زیادہ ہے۔ یہ آؤٹ ریچ پروگرامز آئی ای پی ایف اے کی ایک محفوظ، شفاف، اور سرمایہ کار محور مالیاتی ماحولیاتی نظام بنانے کی وابستگی کی عکاسی کرتے ہیں۔ پہلا پائلٹ کیمپ لیمن ٹری، سٹی سینٹر، 15 اینڈ 15اے، کوناٹ روڈ، مودی کالونی، پونے، مہاراشٹر میں صبح 10:00 بجے سے شام 4:00 بجے تک منعقد ہوگا۔

آئی ای پی ایف اے کے بارے میں

انویسٹر ایجوکیشن اینڈ پروٹیکشن فنڈ اتھارٹی (آئی ای پی ایف اے) ہندوستان میں سرمایہ کاروں کی آگاہی اور تحفظ کو فروغ دینے کے لیے تعلیمی اقدامات اور اسٹریٹجک تعاون کے ذریعے وقف ہے۔

دلچسپی رکھنے والے دعویدار نیچے دیے گئے لنک کے ذریعے اس اقدام کے لیے رجسٹر کر سکتے ہیں:

Registration Link

For more information, visit: www.iepf.gov.in

***

ش ح. ف ا ، م س   

 (U: 1257)   

(Release ID: 2132563)