ભારતના રાષ્ટ્રીય માનવ અધિકાર પંચ (NHRC)એ મીડિયા અહેવાલો પર સ્વતઃ નોંધ લીધી છે કે 18 મે, 2025ના રોજ હરિયાણાના ઝજ્જર જિલ્લાના લુહારી ગામમાં એક પત્રકારની તેમના નિવાસસ્થાન નજીક ગોળી મારીને હત્યા કરવામાં આવી હતી. અહેવાલ મુજબ, એક ઓનલાઈન ન્યૂઝ પોર્ટલ સાથે કામ કરતા પત્રકાર રાત્રિભોજન પછી ફરવા માટે બહાર હતા ત્યારે અજાણ્યા હુમલાખોરોએ તેમને ગોળી મારી દીધી અને સ્થળ પરથી નાસી ગયા હતા.

કમિશને અવલોકન કર્યું છે કે જો માહિતી સાચી હોય, તો તે પીડિતના માનવ અધિકારોના ઉલ્લંઘનનો ગંભીર મુદ્દો ઉઠાવે છે. તેથી, તેણે હરિયાણાના પોલીસ મહાનિર્દેશકને નોટિસ જારી કરીને બે અઠવાડિયામાં વિગતવાર રિપોર્ટ માંગ્યો છે. તેમાં કેસની તપાસની સ્થિતિનો સમાવેશ થવાની અપેક્ષા છે.

19 મે, 2025ના રોજ પ્રસારિત થયેલા મીડિયા અહેવાલ મુજબ, ગામલોકો પીડિતને નજીકની હોસ્પિટલમાં લઈ ગયા જ્યાંથી પાછળથી તેને ગુરુગ્રામની બીજી હોસ્પિટલમાં રિફર કરવામાં આવ્યો અને પછી તેમનું મોત નીપજ્યું હતું.

AP/IJ/GP/JD