ارتھ سائنسز کی وزارت کے تحت، انڈیا میٹرولوجیکل ڈپارٹمنٹ (آئی ایم ڈی)نے جون   2025 کے  لئے ماہانہ بارش اور درجہ حرارت آؤٹ لک کے ساتھ ساتھ 2025 جنوب مغربی مانسون کے موسم (جون-ستمبر) کے لیے اپنی تازہ ترین طویل رینج کی پیشن گوئی جاری کی ہے۔ پیشن گوئی کے مطابق، مجموعی طور پر ملک بھر میں موسمی بارش طویل مدتی اوسط (LPA) کے 106% ہونے کا امکان ہے، جس میں ماڈل نقص ± 4% ہے، جو کہ مان سون کے موسم میں معمول سے زیادہ بارش کا امکان ظاہر کرتی ہے۔

علاقائی طور پر، وسطی ہندوستان اور جنوبی جزیرہ نما خطہ میں معمول سے زیادہ بارش ہونے کا امکان ہے، جب کہ شمال مغربی ہندوستان میں معمول کی بارش کی سطح (LPA کے 92-108% کے درمیان) متوقع ہے۔ اس کے برعکس، شمال مشرقی ہندوستان میں معمول سے کم بارش (LPA کا <94%) ہونے کا امکان ہے۔ مانسون کور زون (MCZ)، جو کہ ہندوستان کی زیادہ تر بارش پر مبنی زرعی زمین کا احاطہ کرتا ہے، میں بھی معمول سے زیادہ بارش ہونے کی پیش گوئی کی جاتی ہے، جو خریف کی فصل کے موسم کے لیے ایک سازگار منظر پیش کرتا ہے۔

جون سے ستمبر 2025 تک، ملک کے بیشتر حصوں میں معمول سے زیادہ بارش ہونے کی توقع ہے، سوائے شمال مغربی اور مشرقی ہندوستان کے کچھ حصوں کے ساتھ ساتھ شمال مشرقی ہندوستان کے بہت سے علاقوں میں، جہاں معمول سے کم بارش ہونے کا امکان ہے۔

خاص طور پر جون 2025 کے لیے، ملک بھر میں بارش معمول سے زیادہ ہونے کی پیش گوئی کی گئی ہے (LPA کے 108% سے زیادہ)۔ اگرچہ زیادہ تر علاقوں میں معمول سے زیادہ بارش ہونے کا امکان ہے، جزیرہ نما خطے کے کچھ جنوبی حصوں اور شمال مغربی اور شمال مشرقی ہندوستان کے کچھ حصوں میں معمول سے کم بارش ہونے کی توقع ہے۔

درجہ حرارت کے محاذ پر، ہندوستان کے بیشتر حصوں میں جون 2025 میں معمول کے زیادہ سے زیادہ درجہ حرارت سے کم رہنے کا امکان ہے، جب کہ شمال مغربی اور شمال مشرقی ہندوستان کے بہت سے علاقوں میں معمول کے زیادہ سے زیادہ درجہ حرارت کی پیش گوئی کی گئی ہے۔ مزید برآں، ملک کے بیشتر حصوں میں کم از کم درجہ حرارت معمول سے زیادہ رہنے کا امکان ہے سوائے وسطی ہندوستان اور ملحقہ جنوبی جزیرہ نما کے کچھ علاقوں کے جہاں معمول سے کم سے کم درجہ حرارت متوقع ہے۔

آئی ایم ڈی زراعت، آبی وسائل کے انتظام اور آفات کی تیاری میں منصوبہ بندی میں مدد کے لیے پیشین گوئیوں کی نگرانی اور اپ ڈیٹ کرنا جاری رکھے گا۔ مزید اپ ڈیٹس اور تفصیلی رپورٹ آفیشل پر دستیاب ہے۔

*****

 

U.No:1163

ش ح۔ح ن۔س ا

(Release ID: 2131812)