من کی بات کی 122 ویں قسط کے دوران وزیر اعظم جناب نریندر مودی نے بھارت کی کارپوریٹ ثقافت میں یوگا کے بڑھتے ہوئے انضمام کی ستائش کی اور اسے قومی فلاح و بہبود کے لیے نجی شعبے کے عزم کا ایک طاقتور اشارہ قرار دیا تھا۔ اس اپیل کے ردعمل میں 10,000 سے زیادہ تنظیموں نے یوگا سنگم کے لیے اندراج کرایا ہے، جو ملک گیر پہل ہے جو ملک کی تاریخ میں کمیونٹی کی قیادت میں سب سے بڑا فلاحی پروگرام بننے کے لیے تیار ہے۔

ہمارے کارپوریٹ اس میں پیچھے نہیں ہیں۔ کچھ اداروں نے اپنے دفاتر میں یوگا کی مشق کے لیے ایک الگ جگہ مختص کی ہے۔ کچھ اسٹارٹ اپس نے 'دفتری یوگا کے اوقات' قائم کیے ہیں۔ یہ اس بات کی مثبت علامت ہے کہ کس طرح نجی شعبہ ملک کی صحت کی تحریک میں اپنا حصہ ڈال رہا ہے، "وزیر اعظم نے اپنے 'من کی بات' خطاب کے دوران کہا۔

یوگا سنگم 21 جون، 2025 کو اختتام پذیر ہونے والا ہے، جب بھارت بھر میں ایک لاکھ سے زیادہ مقامات – برف سے ڈھکی ہمالیائی چوٹیوں سے لے کر سہانی دھوپ والے ساحلی مندروں تک – یوگا مشق کے متحرک مراکز میں تبدیل ہونے کی تیاری کر رہے ہیں۔ شرکا اسٹریچ کریں گے، سانس لیں گے اور ہم آہنگی کے ساتھ حرکات و سکنات انجام دیں گے اور دنیا کے لیے بھارت کے لازوال تحفے کو پیش کریں گے: یوگا اتحاد، صحت اور اندرونی امن کے لیے ایک طاقت کا پیغام دیں گے۔

یوگا سنگم میں حصہ لینے کا طریقہ:

1. وزٹ: yoga.ayush.gov.in/yoga-sangam

2. اپنے گروپ یا تنظیم کو رجسٹر کریں

3. 21 جون 2025 کو اپنے یوگا سیشن کی میزبانی کریں

4. توصیفی سند حاصل کرنے کے لیے تقریب کے بعد شرکت کی تفصیلات اپ لوڈ کریں

یہ جشن یوگا سیشن سے کہیں زیادہ ہے - یہ ایک قومی تحریک ہے جو برادریوں ، کام کی جگہوں ، اسکولوں اور افراد کے ذریعہ چلایا جاتا ہے۔ یہ تندرستی کی ایک ہم آہنگ لہر ہے جو ہر شہری کو ایک ساتھ سانس لینے اور ایک صحت مند ، زیادہ ہم آہنگ بھارت میں حصہ ڈالنے کی دعوت دیتی ہے۔

تحریک میں شامل ہوں

چاہے آپ کارپوریٹ لیڈر ہوں، ٹیچر ہوں، اسٹوڈنٹ ہوں، گھریلو خاتون ہوں، یا صحت کے شوقین ہوں– یوگا سنگم آپ کو ایک تاریخی تحریک کا حصہ بننے کی دعوت دیتا ہے۔ آئیے کھلے آسمان تلے متحد ہوں اور ایک صحت مند قوم کے لیے اپنے عزم کا اعادہ کریں۔

***

(ش ح – ع ا)

U. No. 115