آپ سبھی کو صبح بخیر !

مجھے یقین ہے کہ یہ ایک حقیقی گڈ مارننگ ہے۔ کیا آپ ایک دوسرے کو تھوڑا سا جاننے کے قابل ہوئے ہیں؟ اس میں کچھ وقت لگے گا لیکن یہ بہت اچھا رابطہ ہوگا۔ زندگی بھر کے لیے رابطہ۔

جناب پی سی مودی، سکریٹری جنرل، راجیہ سبھا، ایک بے حد باصلاحیت شخص، جن کی  1982 بیچ کی انڈین ریونیو سروس آفیشل، سی بی ڈی ٹی کے چیئرمین کے طور پر سب سے طویل مدتی رہی، اور اب وہ میرے دور میں راجیہ سبھا کے سکریٹری جنرل کے طور پر کام کر رہے ہیں۔ میرے بہت ہی ممتاز پیشرو ایم ونکیا نائیڈو جی کے دور میں بھی، لہذا، وہ تسلسل کے ساتھ  کھڑے ہیں ، ان کے الفاظ بہت اہم ہیں۔ وزیر اعظم کا مشن، ان کے جذبے کو بنیادی طور پر وہ لوگ انجام دے سکتے ہیں جو دنیا میں جمہوریت کے لیے بنیادی حیثیت رکھتے ہیں۔

دنیا میں، میں کہتا ہوں – نوجوان، اور ہندوستان کے لیے- آپ نوجوانوں کے لیے قابل ذکر ڈیموگرافک ڈیویڈنڈ تشکیل دیتے ہیں۔ ہماری عمر امریکہ سے 28 اور چین کی عمر کے لگ بھگ 38، 39 کے لگ بھگ ہے۔ لہٰذا، ہمارے نوجوانوں کے ڈیموگرافک ڈیویڈنڈ پر دنیا رشک کرتی ہے۔ آپ کو یہ ذہن میں رکھنا چاہئے۔

ترقی کا انجن صرف آپ کی فعال شرکت سے تمام سلنڈروں کو فائر کر سکتا ہے۔ آپ حکمرانی اور جمہوریت میں سب سے اہم اسٹیک ہولڈر ہیں۔ خوش قسمتی سے، آپ ایک ایسے دور میں  جی  رہے ہیں جہاں ملک امید اور امکانات کے ساتھ عروج پر ہے۔ میرے دنوں سے بہت دور کی صورتحال — امید اور امکان، سبھی  کچھ آپ کی پہنچ میں ہے۔

آپ کو صرف عالمی تنظیموں کے پاس جانا ہوگا جب وہ ہندوستان  کے بارے میں بات کریں گے۔ انٹر نیشنل مانٹری فنڈ-آئی ایم ایف - ہندوستان سرمایہ کاری اور مواقع کی ایک پسندیدہ عالمی منزل ہے۔ ورلڈ بینک کے صدر نے کہا ہے کہ ہمارا ڈجیٹائزیشن، جو چھ سال سے بھی کم عرصے میں مکمل ہوا ہے، چار دہائیوں سے زیادہ عرصے میں حاصل نہیں کیا جا سکاتھا۔ اب، یہ ادارے ہماری تعریف کر رہے ہیں، ہماری توصیف و ستائش  کر رہے ہیں، کیونکہ زمینی تبدیلی اور عوام پر مبنی پالیسیاں ہیں۔ لہذا، ہمارے لیے فخر کرنے کا وقت ہے - ہم ہندوستانی ہیں۔ ہمارا تعلق کرہ ارض کی سب سے بڑی، قدیم اور سب سے زیادہ کام کرنے والی جمہوریت سے ہے۔ ہماری 5000 ہزار سال سے زیادہ کی منفرد تاریخ ہے۔ کوئی ملک اس کے قریب نہیں آتا۔

مجھے آج خاص طور پر خوش آمدید کہنے دیں، جن کی موجودگی کی میں نے درخواست کی ہے اور وہ ہیں ڈاکٹر ایس رادھا کرشنن چیئر، ڈاکٹر ایم ایل راجہ۔ ان کے ساتھ ڈاکٹر سنکریشوری بھی ہیں۔ میری اہلیہ بھی ڈاکٹریٹ ہے، انہوں نے اکنامکس میں ڈاکٹریٹ کی ہے۔ لہذا، میں ڈاکٹر ایم ایل راجہ کے ساتھ ایک ہی کشتی میں سوار ہیں، کیونکہ ہمارے پاس گھر اور ارد گرد ہمیشہ اعلی  شخصیات ہوتے ہیں ۔

اس کرسی کی شروعات ہندوستان کے معزز فرزندوں میں سے یکے بعد دیگرے  سےہوئی تھی۔ پہلے نائب صدر، جو صدر بنے، ڈاکٹر ایس رادھا کرشنن، ایک فلسفی اور ایک استاد  جو علمی وابستگی کے لیے بھی جانے جاتے ہیں۔ چیئر کا آغاز پہلی بار سال 2009 میں کیا گیا تھا۔ تکنیکی طور پر ڈاکٹر ایم ایل راجہ اس چیئر کو وقار بخشنے والی  تیسری شخصیت ہیں، ڈی فیکٹو – سیکنڈ۔

میرے دور میں اس چیئر کو فعال بنایا گیا تھا، جب ریاست جموں و کشمیر کے ایک ممتاز صحافی جواہر کول جو قوم پرستی سے گہری وابستگی رکھتے تھے، کو یہ کرسی حاصل کرنے کا اعزاز حاصل ہوا اور جنوبی ریاست تمل ناڈو سے تعلق رکھنے والے ڈاکٹر ایم ایل راجہ دوسرے نمبر پر ہیں۔ وہ ایک اعلیٰ تعلیم یافتہ طبی پیشہ ور ہیں جن  کا میڈیکل پریکٹس کا وسیع تجربہ ہے اور انسانیت کی خدمات میں ان کا تعاون  بہت ہی اہم  ہے۔

عام طور پر، دونوں ایک ساتھ نہیں  چلتے ہیں۔ لہٰذا، آپ کے اندر دونوں کی  ہم آہنگی ہے، امراض چشم کے علاوہ، وہ قدیم تاریخ، آثار قدیمہ اور ایپی گرافی کے ماہر ہیں۔ لیکن میں کچھ کہنے کا حوصلہ رکھتا ہوں، ایک معمولی سی خلاف ورزی،ماہر امراض چشم صرف جسمانی بینائی کو درست کر سکتے ہیں۔ مسئلہ اس وقت پیدا ہوتا ہے جب علامتی بصارت کا بگاڑ ہو جو کہ امراض چشم سے باہر ہے۔ یہ قومی سوچ کی تبدیلی سے ہی ممکن ہے۔ تاریخی اور سائنسی موضوعات پر تمل اور انگریزی میں پہلے ہی 13 کتابیں لکھ چکے ہیں۔ صرف تمل ناڈو کے گورنر نے انہیں ان کے تمل ادبی کاموں کے لیے پہچانا اور تسلیم کیا۔ راجیہ سبھا سکریٹریٹ واقعی خوش قسمت ہے کہ اس چیئر کے لئے  ایسی شخصیت کا انتخاب کیا ، اور مجھے یقین ہے کہ وہ مثالی انداز میں اپنا حصہ ڈالیں گے۔

چیئر کے بارے میں بتاتا چلوں کہ 1962 میں 5 ستمبر کو یوم اساتذہ کے طور پر منایا گیا تھا۔ یہ ڈاکٹر ایس رادھا کرشنن کا یوم پیدائش ہے۔ یہ اس بات کی نشاندہی کرتا ہے کہ آپ کے پاس کوئی بھی عہدہ ہو سکتا ہے، صدر، نائب صدر۔ آپ فلسفی ہوسکتے ہیں، آپ ایک عظیم مصنف ہوسکتے ہیں۔ لیکن سماجی  شناخت ان کے استاد ہونے کی وجہ سے ملی ہے۔ یوم اساتذہ، اس کو ہمیشہ ذہن میں رکھیں۔ اپنے والدین کا اتنا ہی احترام کریں جتنا آپ اپنے اساتذہ کا احترام کرتے ہیں۔ کہتے ہیں نا-‘‘گرو گووِند دونوں  کھڑے ، کاکے لاگو پائے، بلیہاری گروگووند دیو بتائے’’۔

اب ہم اس انٹرن شپ پروگرام پر واپس آ رہے ہیں۔ یہ نوجوان ذہنوں کے لیے پارلیمنٹ، اس کی عمارت، اس کے اخلاق، اس کے پس منظر، اس کے کام کاج، اور اس کی بھرپور اقدار کا پہلا تجربہ حاصل کرنے کا ایک امید افزا موقع ہے۔ پارلیمنٹ کی نئی عمارت جو کووڈ-19 کے دوران 30 ماہ سے بھی کم کے ریکارڈ وقت میں بن کر تیار ہوئی، مکمل طور پر آراستہ اور فعال، ہماری 5000 سال سے زیادہ کی ثقافتی تاریخ کو ظاہر کرتی ہے۔

یہ انٹرن شپ آپ میں ذمہ داری کا احساس پیدا کرے گی، آپ کو قوم پرستی کے جوش سے بھر دے  گی، اور آپ کو ہماری جمہوریت کی بنیادی اقدار سے روشناس کرائے گی جو انتہائی  جامع ہے۔ آپ کو ہمیشہ ذہن میں رکھنا ہوگا کہ  ہندوستان  1947 میں  پیدا نہیں ہوا تھا۔ ہم لمبی روایات والی قوم ہیں۔

ہندوستانی پارلیمنٹ قانون ساز ادارے سے بہت آگے ہے۔ یہ فی الحال 1.4 بلین لوگوں کی مرضی کا عکاس ہے۔ یہ واحد قانونی آئینی پلیٹ فارم ہے جو مستند طور پر لوگوں کی مرضی کی عکاسی کرتا ہے۔ اس لیے پارلیمنٹ کو فوقیت حاصل ہے۔ پارلیمنٹ کو فوقیت حاصل ہے۔یہ  سب کچھ کیا ہے؟ کیونکہ ایسے شعبے ہیں جہاں ایگزیکٹیو کو فوقیت حاصل ہے- حکومت کیسے کریں، عدلیہ کو فوقیت حاصل ہے، نظام عدل سے کیسے نمٹا جائے؟

پارلیمنٹ کو دومعاملوں میں  فوقیت حاصل ہے۔ ایک- یہ قانون بنانے کا حتمی اختیار ہے۔ دوم، یہ ایگزیکٹیو کو جوابدہ رکھتا ہے کیونکہ گورننس کی تعریف کچھ بنیادی باتوں سے ہوتی ہے اور ایک بنیادی چیز شفافیت ہے۔ دوسرا احتساب، اور جدید دور میں ہم نے اس میں تیسرے پہلو کا اضافہ کیا ہے۔ ہماری ترقی کی رفتار کو تیز کرنے کے لیے اداروں کی بہترین کارکردگی۔

پارلیمنٹ بحث و مباحثہ، مکالمے، مباحثے اور گفتگو کے لیے ایک حتمی جگہ ہے۔ جب آپ کو پارلیمانی کام کاج، کمیٹیوں کے کام کاج سے آگاہ کیا جائے گا، تو آپ کو انتہائی جستجو کا مظاہرہ کرنا ہوگا۔ مجموعی طور پر کئی مسائل پرآپ کو خود سیکھنا ہوگا۔ خود سیکھنا -سیکھنے کا ایک نیا طریقہ ہے کیونکہ یہاں تک کہ جو لوگ یونیورسٹیوں اور کالجوں سے باہر چلے جاتے ہیں، ان کا سیکھنا کبھی نہیں رکتا۔ اگر ہم وقت کے ساتھ ساتھ نہ بدلے تو ہم وقت کے دلدل میں پھنس جائیں گے۔ لہٰذا، جیسا کہ سقراط سے پہلے کے دور کے ایک فلسفی، ہیراکلیٹس نے بجا طور پر کہا ہے- زندگی میں واحد چیز  مستقل تبدیلی ہے۔

ہمارا آئین، لڑکے اور لڑکیاں، ایک مقدس ترین دستاویز ہے۔ آپ کو معلوم ہو جائے گا کہ یہ رسمی شکل کیسے بنی۔ تین سال سے تھوڑا کم وقت میں۔ ہمارے بانیوں کی  جانب  سے، جنہوں نے تفرقہ انگیز مسائل، متنازعہ ایشوز، ایسے مسائل سے نمٹا جو انتہائی اشتعال انگیز تھے۔ لیکن انہوں نے اسے کوآرڈی نیشن، تعاون، اتفاق رائے کے نقطہ نظر سے نمٹا۔ آپ کو زندگی میں کچھ سیکھنا ہے اور اس کے لیے ضروری ہے کہ آپ کو ہمیشہ دوسرے نقطہ نظر کا احترام کرنا چاہیے۔ کیونکہ اگر آپ سوچتے ہیں کہ آپ اکیلے صحیح ہیں، دوسرا شخص غلط ہے، آپ اپنے آپ کو ان پٹ کے ایک عظیم فائدے سے محروم کر رہے ہیں۔ دوم، میرا اپنا تجربہ ہے  عام طور سے  دوسرا نقطہ نظر صحیح نقطہ نظر ہوتا  ہے۔

اگر آپ آئین کو دیکھیں جیسا کہ آئین کے بنانے والوں کے دستخط ہیں، تو آپ کو اسے دیکھنے کا موقع ملے گا۔ جب آپ اسے دیکھیں گے تو آپ کو معلوم ہوگا کہ اس میں 22 چھوٹی چھوٹی تصاویر ہیں۔ ہر چھوٹی تصویر ہمارے تاریخی ماضی کی عکاسی کرتی ہے۔ شاندار تاریخی ماضی۔ یہ گروکل دکھاتا ہے، یہ وادی سندھ کا بیل دکھاتا ہے، یہ برائی پر نیکی کی فتح کے بعد رام، سیتا اور لکشمن کو ایودھیا واپس آتے ہوئے دکھاتا ہے، یہ آئین، بنیادی حقوق کے حصہ تین میں ہے۔ جب ریاستی پالیسی کے ہدایتی اصولوں کی بات آتی ہے، تو آپ بھگوان کرشنا کو کروکشیتر میں ارجن کو تقریر کرتے ہوئے دیکھیں گے اور آپ دوسرے پہلوؤں پر جا سکتے ہیں، آپ کو اس کے بارے میں  معلوم ہو جائے گا۔

آئین بنیادی حقوق دیتا ہے لیکن آئین بنیادی حقوق دینے کے علاوہ ہر شہری کو فرائض کی ادائیگی کا حکم بھی دیتا ہے۔ حقوق اس وقت تک کوئی معنی نہیں رکھتے جب تک وہ قابل عمل نہ ہوں۔ لہذا، لڑکے اور لڑکیاں نوٹ کریں، ہندوستان دنیا کے ان چند ممالک میں شامل ہے جہاں بنیادی حق کے نفاذ کے لیے آپ زمین کی اعلیٰ ترین عدالت کا دروازہ کھٹکھٹا سکتے ہیں۔ آپ اپنے بنیادی حقوق کو ثابت کرنے کے لیے پریمیم سطح پر عدلیہ تک رسائی حاصل کر سکتے ہیں۔ لیکن ہر شہری اور ادارے کو آئینی حدود میں رہتے ہوئے اپنے اختیارات کا استعمال کرنا چاہیے۔ آئینی نظریات کے آئڈیل کو  برقرار رکھنا چاہئے۔

ہم اپنے پڑوسی سے اسی وقت محبت کر سکتے ہیں جب ہم پڑوسی کے خصوصی دائرے میں دخل اندازی نہ کریں۔ طبعی علاقہ اور دوسری صورت میں اس آئینی ڈومین کے تقدس کو ہر حال میں برقرار رکھنے کی ضرورت ہے۔ اگر اس میں کوئی خلل پڑتا ہے، تو آپ خطرے کو محسوس کر سکتے ہیں۔ اداروں کی طرح سیاسی قبائل کا بھی قومی مقصد کے لیے اخلاقی فرض ہے کیونکہ بالآخر تمام ادارے، مقننہ، عدلیہ، ایگزیکٹیو، کلیدی نکتہ قومی ترقی، قومی بہبود، عوامی بہبود، شفافیت، احتساب، ایمانداری پیدا کرنا ہے۔

قومی سلامتی اور اقتصادی ترقی جیسے اہم معاملات پر تمام سیاسی دھڑوں کو جماعتی مفادات سے بالاتر ہو کر قومی مفاد کو ترجیح دینی چاہیے۔ میں سیاسی میدان کے تمام فریقین سے اپیل کرتا ہوں کہ وہ سنجیدگی سے غور کریں اور اس نتیجے پر پہنچیں کہ قومی سلامتی، ترقی اور داخلی تحفظ جیسے معاملات پر قومی اتفاقِ رائے ہونا ضروری ہے۔ کبھی کبھی سیاست قوم پرستی اور سلامتی جیسے حساس موضوعات پر حاوی ہو جاتی ہے ۔ یہ ایک ایسی روش ہے جسے ہمیں ختم کرنا ہوگا۔

اس وقت پہلگام واقعے اور اس کے بعد کے ردِعمل کے بعد، پورا ملک قوم پرستی کے ایک نئے جذبے سے سرشار ہے۔ ہمارے اندر حب الوطنی کا ایک نیا احساس بیدار ہو چکا ہے۔ پوری قوم یکجا ہو کر کھڑی ہو گئی ہے کیونکہ بھارت نے پہلی بار دنیا کو یہ واضح پیغام دیا ہے کہ اب دہشت گردی برداشت نہیں کی جائے گی۔یہ ہے طاقتور، فیصلہ کن اور نڈر بھارت  اور تاریخ اس لمحے کو ضرور یاد رکھے گی۔ ایسا اس سے پہلے بھارت میں کبھی نہیں ہوا، اور دنیا میں بھی یہ بہت کم دیکھنے کو ملا ہے۔ مرِدکے اور بہاولپور میں لشکرِ طیبہ اور جیشِ محمد کے ہیڈکوارٹرز اور اڈوں کو نشانے پر لیا گیا اور حملہ نہایت درستگی اور تباہ کن انداز میں کیا گیا۔ اس دوران امن پسند عوام کو کسی قسم کا نقصان نہیں پہنچا۔ صرف دہشت گردوں کو نشانہ بنایا گیا، کیونکہ ہمارا تہذیبی جوہر ‘‘وسودھیو کٹمبکم’’ ہے  یعنی پوری دنیا ایک خاندان ہے۔

اسی لیے بھارت کی حکمت عملی ہمیشہ یہی رہی ہے کہ عام شہریوں کو نشانہ نہ بنایا جائے بلکہ صرف دہشت گردوں کو نشانہ بنایا جائے  اور یہ ہرلحاظ سے مؤثر اور واضح اقدام تھا۔ ان تابوتوں کو خود ان کی فوج، ان کے سیاستدان اور دہشت گردوں نے کندھا دیا۔ کسی ثبوت کی ضرورت باقی نہیں رہی۔اسی لیے میں زور دے کر کہتا ہوں کہ ہم بطور مقامی شہری اپنی ذمہ داریاں ادا کر کے قوم کی مؤثر خدمت کر سکتے ہیں۔ ہمیں یہ موقع ملا ہے کہ ہم اپنی فرض شناسی سے ملک میں مثبت تبدیلی لا سکیں۔ اس کے لیے توازن قائم رکھنا ضروری ہے۔ ہمیں چن چن کر صرف وہی باتیں نہیں اپنانی چاہئیں جو ہمیں فائدہ دیں۔ ہم بنیادی حقوق کی تو 24 گھنٹے بات کرتے ہیں، لیکن بنیادی فرائض کو بالکل نظر انداز کر دیتے ہیں۔

لڑکے اور لڑکیوں، آپ کو آئین پر توجہ دینے کا موقع ملے گا، لیکن آئین کا مرکز اس کا حصہ سوم ہے۔ آرٹیکل 12 سے 35 تک ہمیں چھ بنیادی حقوق فراہم کرتے ہیں۔ مساوات کا حق ۔ پہلے صرف مراعات یافتہ طبقے کو فوقیت دی جاتی تھی، میرٹ (قابلیت) کی کوئی جگہ نہ تھی۔ سفارش ہی نوکری یا کنٹریکٹ کے لیے پاس ورڈ ہوا کرتی تھی۔ کچھ لوگ خود کو قانون سے بالاتر سمجھتے تھے، کچھ یہ سمجھتے تھے کہ قانون ان تک پہنچ ہی نہیں سکتا، اور ان پر کسی قسم کے قانون کا نفاذ لاگو نہیں ہوتا۔

اب ہمیں یہ بخوبی معلوم ہو چکا ہے کہ سب برابر ہیں۔ جو لوگ خود کو قانون کی پہنچ سے باہر سمجھتے تھے، آج وہ قانون کی سختی کا سامنا کر رہے ہیں۔ دوسرا حق ہے آزادی کا حق۔ یہ ایک بنیادی حق ہے کیونکہ اظہارِ رائے، مکالمہ اور مباحثہ ہی جمہوریت کی بنیاد ہیں۔ لیکن یہ حق ایک بہت بڑی ذمہ داری کے ساتھ آتا ہے۔ تمام حقوق کے ساتھ فرائض بھی وابستہ ہوتے ہیں۔استحصال کے خلاف حق، مذہبی آزادی کا حق، ثقافتی اور تعلیمی حقوق، اور آئینی چارہ جوئی کا حق - یہ سب ہمارے بنیادی حقوق ہیں۔ لیکن اگر ہم صرف اپنے حقوق پر زور دیں اور فرائض کو نظرانداز کریں، تو ہم دنیا کی سب سے بڑی، قدیم ترین اور فعال ترین جمہوریت کے ایک ذمہ دار شہری کہلانے کے قابل نہیں رہتے۔

آئین میں آرٹیکل 11 ،بنیادی فرائض سے متعلق  ہیں۔ یہ فرائض ابتدا میں آئین کا حصہ نہیں تھے، اور اس کی ایک وجہ ہے۔ ہمارے بانی رہنماؤں نے توقع کی تھی کہ ہم ان فرائض سے بخوبی واقف ہوں گے اور ان کا احترام کریں گے۔ لیکن جب یہ محسوس کیا گیا کہ ان فرائض کو آئین میں واضح طور پر شامل کرنا ضروری ہے تاکہ عوام بالخصوص ان سے آگاہ ہو سکیں، تو انہیں 42ویں آئینی ترمیم اور بعد میں 86ویں ترمیم کے ذریعے آئین میں شامل کیا گیا۔

اگر مجھے بنیادی فرائض کا مفہوم بیان کرنا ہو، تو یہ قومی فلاح و بہبود کو ترجیح دینا ہے۔ عوامی مباحثے، عوامی نظم، عوامی ضبط، ماحولیات، اور زندگی کی ہر اُس چیز میں بہترین کردار ادا کرنا جو بھلائی اور نیکی کہلاتی ہے ۔یہی بنیادی فرائض کا اصل جذبہ ہے۔

لہٰذا، آپ کو یہ عہد کرنا چاہیے کہ اپنے ملک، قومی سلامتی، قومی معیشت، اور قومی فلاح کے لیے کس طرح مؤثر انداز میں اپنا کردار ادا کر سکتے ہیں۔ حالیہ واقعہ، ‘‘آپریشن سندور’’،نے ہماری سوچ کو بڑی حد تک بدل دیا ہے۔ ہم پہلے سے کہیں زیادہ قوم پرست ہو گئے ہیں۔ اس کا اظہار اُن تمام سیاسی جماعتوں کی شمولیت سے ہوتا ہے جو بیرونِ ملک وفود کی صورت میں گئی ہیں تاکہ امن کا پیغام اور دہشت گردی کے خلاف ہمارا مکمل عدم رواداری کا مؤقف دنیا کے سامنے رکھ سکیں۔چونکہ ہم نے حالیہ حالات کو دیکھا ہے، اس لیے اب ہمارے پاس کوئی اور راستہ نہیں بچتا۔ ہمارے لیے اب یہی واحد راستہ ہے کہ ہم متحد رہیں اور مزید مضبوط ہوں۔

قومی سلامتی کے لیے ہمیں مقامی سطح پر مضبوط ہونے کی ضرورت ہے۔ جنگ کو بہترین طریقے سے اسی وقت ٹالا جا سکتا ہے جب آپ طاقت کی پوزیشن میں ہوں۔ امن تب ہی قائم رہتا ہے جب آپ ہر وقت جنگ کے لیے تیار ہوں۔ لہٰذا طاقت صرف تکنیکی برتری یا روایتی ہتھیاروں کی طاقت سے نہیں آتی، بلکہ عوام سے بھی آتی ہے۔ یہ بات ہمیں ہمیشہ ذہن میں رکھنی چاہیے۔

میں آپ نوجوان اذہان کو پانچ اصول  بتاناچاہتا ہوں جن پر آپ کو عمل کرنا چاہیے۔ یہ اصول بہت سادہ ہیں، لیکن آپ کی زندگی میں انقلابی تبدیلی لا سکتے ہیں۔ یہ معاشرے کے لیے بھی تبدیلی کا ذریعہ بنیں گے اور یہ تمام اصول ہماری تہذیبی اقدار سے پھوٹتے ہیں:

• پہلا اصول: سماجی ہم آہنگی۔ آخر تفرقہ کیوں ہو؟ محبت، اپنائیت کیوں نہ ہو؟ ہم ایک دوسرے کے نظریات کا احترام کیوں نہ کریں؟ اگر ہمیں کسی کی رائے پسند نہیں آتی تو ہمیں قائل کرنے والا رویہ اپنانا چاہیے، رحم دل ہونا چاہیے۔ ہمیں دوسروں کی رائے کو نفرت سے نہیں دیکھنا چاہیے۔
• دوسری بات، خاندانی شعور کی ہے۔ ہر چیز کا آغاز خاندان سے، بچپن سے ہوتا ہے۔ ہمیں والدین کا احترام کرنے کیلئےاپنی ثقافت، اپنے اقدار سیکھنے  چاہیے۔ میں دیکھتا ہوں کہ اکثر گھروں میں ویدوں کی موجودگی نہیں ہوتی۔ ہماری توجہ اپنے ثقافتی اور تاریخی پس منظر پر نہیں ہوتی۔ ہمیں وہاں واپس جانا ہوگا۔
• تیسری بات ماحولیاتی شعور کی ہے۔ ہمارے پاس رہنے کے لیے کوئی دوسرا سیارہ نہیں ہے۔ یہ واحد زمین ہے، لیکن اگر آپ ہمارے قدیم علم کی طرف رجوع کریں جو ایک ایسا خزانہ ہے جس پر ساری دنیا رشک کرتی ہے تو آپ جانیں گے کہ یہ ملک ہمیشہ ماں دھرتی کا احترام کرتا آیا ہے۔ زمین صرف انسانوں کے لیے مخصوص نہیں ہے بلکہ یہ تمام جانداروں، نباتات اور حیوانات کے لیے ہے۔ اس لیے ہمیں بہت محتاط ہونا پڑے گا۔ہمارے وزیر اعظم، نریندر مودی نے ایک واضح پیغام دیا۔ یہ اب ایک تحریک بن چکی ہے، لیکن سوال یہ ہے کہ صرف ایک کیوں؟ اور کیوں نہیں زیادہ؟ صرف ایک پودا لگانا انجام نہیں بلکہ آغاز ہے۔ آپ کو اس کی پرورش کرنی ہوتی ہے۔ مجھے یقین ہے کہ یہ جذبہ ہم سب کے دلوں میں موجود ہے۔
• سودیشی ، میں اس پر زور دینا چاہتا ہوں۔ بعض اوقات لوگ سوچتے ہیں کہ ہم کس طرح ملک کی خدمت کر سکتے ہیں۔ سودیشی کا تعلق براہِ راست اقتصادی قوم پرستی  سے ہے۔ اقتصادی قوم پرستی کا مطلب ہے کہ ہمیں سودیشی اشیاء کا استعمال کرنا چاہیے۔ ہمیں ہمیشہ ‘‘لوکل کے لیے ووکل’’ ہونے کو مدِنظر رکھنا چاہیے۔ یہ ہمارے اپنے لوگوں کو بھی تحریک دے گا کہ وہ ہماری ضروریات کو پورا کریں۔لیکن اگر ہم دوسرے ممالک سے وہ چیزیں درآمد کرنا شروع کر دیں جو ہمارے اپنے ملک میں پیدا ہو سکتی ہیں، تو ہم خود تین مسائل کو دعوت دے رہے ہوتے ہیں:

1. پہلا مسئلہ - ہمارا زرمبادلہ ذخیرہ غیر ضروری طور پر خرچ ہو جاتا ہے، اور یہ خرچ اربوں ڈالر میں ہوتا ہے۔
2. دوسرا — جب ہم ایسی اشیاء درآمد کرتے ہیں جو ہمارے ملک میں بن سکتی ہیں، تو ہم اپنے ہی لوگوں سے روزگار چھین رہے ہوتے ہیں، ہم انہیں ان کے کام سے محروم کر رہے ہوتے ہیں۔اور
3. تیسرا اور سب سے اہم ،ہم کاروباری صلاحیت  کو کمزور کر رہے ہوتے ہیں۔لہٰذا، ہر فرد اس میں تعاون کر سکتا ہے وہ کیا پہنتا ہے، کیا کھاتا ہے، کون سے کپڑے استعمال کرتا ہے، اس کے جوتے یہ سب روزمرہ استعمال کی چیزیں ہیں۔ ہم غیر ملکی اشیاء کو پسند کرتے ہیں، اس حقیقت کو نظرانداز کرتے ہوئے کہ ہم اپنی قومی معیشت کو نقصان پہنچا رہے ہیں۔

میں اس بات پر زور دیتا ہوں کہ معاشی قوم پرستی، عوام کا معاملہ ہے۔ عوام ہی اسے متوازن بنا سکتے ہیں۔ دوسری بات، میں تجارت، صنعت، کاروبار اور کامرس کے شعبوں سے اپیل کرتا ہوں۔ میں ان سے کہتا ہوں: براہِ کرم خام مال برآمد نہ کریں، بلکہ اس میں قدر شامل کریں۔ اگر آپ صرف خام مال برآمد کرتے ہیں تو آپ دنیا کو دو باتیں کہہ رہے ہوتے ہیں: ایک، کہ آپ اس میں قدر میں اضافے کرنے کی صلاحیت نہیں رکھتے حالانکہ آپ رکھتے ہیں۔اسی طرح، تین اہم نتائج حاصل ہوتے ہیں، اگر ہم ویلیو ایڈ کریں، تو ہمیں زیادہ زرمبادلہ ملے گا، ہمارے لوگوں کو روزگار ملے گا، اور ہماری کاروباری صلاحیتیں نکھریں گی۔ اگر یہ پانچ نتائج ، جو کہ قومی شعور بیدار کرنے کے لیے ہیں آپ اپناتے ہیں، تو ملک آگے بڑھےگا۔

ایک ملک کی شناخت اس کے شہریوں کے نظم، لگن اور قوم پرستی سے بھی ہوتی ہے۔ میں پوچھتا ہوں، ہم میں عوامی بد نظمی کیسے ہو سکتی ہے؟ یہ آج کے دور کا مسئلہ نہیں ہونا چاہیے۔ آج کل تو معمولی بات پر بھی لوگ سڑکوں پر آ جاتے ہیں، یہاں تک کہ ایک عدالتی نوٹس پر بھی۔ کیوں؟ ہمیں چاہیے کہ سوشل میڈیا کا استعمال اس منفی سوچ کو مسترد کرنے کے لیے کریں۔

دوسری بات، ہم عوامی املاک کو آگ یا نقصان کیسے پہنچا سکتے ہیں؟ ایسے لوگوں کو شرمندہ کرنا چاہیے جو اس قسم کی غیر مشروط اور تباہ کن سرگرمیوں میں ملوث ہوتے ہیں۔ یہ کتنا افسوسناک منظر ہوتا ہے جب کچھ لوگ عوامی املاک کو نقصان پہنچاتے ہیں، پتھراؤ کرتے ہیں، وندے بھارت جیسے ہماری ترقی کی علامتوں پر حملہ کرتے ہیں۔

لہٰذا، نوجوان لڑکو اور لڑکیو! آپ کو نئے بھارت کے سفراء بننا ہے ،ایسے خیالات کے ساتھ جو جمہوریت کو پھلنے پھولنے دیں، ترقی کو فروغ دیں اور عالمی سطح پر ہماری ساکھ کو بڑھائیں۔ میں آپ سے کہوں گا، اپنے محدود خیالات سے باہر نکلو۔ اس وقت ہمارا نوجوان طبقہ، مجموعی طور پر، ان مواقع سے واقف نہیں جو اس کے پاس ہیں اور یہ مواقع کا ٹوکرا دن بہ دن بڑھتا جا رہا ہے۔اگر عالمی مالیاتی ادارہ (آئی ایم ایف) کہتا ہے کہ بھارت سرمایہ کاری اور مواقع کا مرکز ہے، تو یہ صرف سرکاری نوکریوں کی وجہ سے نہیں، بلکہ سرکاری نوکریوں کے علاوہ دیگر  مواقع کی وجہ سے ہے۔ ہمیں جدید میدانوں میں قدم رکھنا ہوگا۔ ‘‘نیلگومعیشت، ‘‘خلائی معیشت’’، اور‘‘ڈسٹرپٹیو ٹیکنالوجیز’’ چیلنجز آفرکرتی  ہیں، لیکن ان میں مواقع زیادہ ہیں۔ حکومت کی پالیسیاں معاون اور حمایت یافتہ ہیں، ان پر توجہ دیں۔ مجھے یقین ہے کہ ہم یہ ضرور کریں گے۔

اس موقع پر، میں ایک نہیں بلکہ دو پالیسی اعلانات کرنا چاہتا ہوں۔لڑکو اور لڑکیو، یہ راجیہ سبھا انٹرن شپ کا ساتواں بیچ ہے۔ ہم اس پروگرام کو ایک پلیٹ فارم پر لانے پر غور کر رہے ہیں، تاکہ آپ اپنے سابقہ ساتھیوں سے بھی جڑ سکیں۔ ہم ایک انفراسٹرکچر میکانزم کی طرف جا رہے ہیں۔ جلد ہی ایک ایسا پلیٹ فارم قائم کیا جائے گا جو پورے ملک میں موجود سابق انٹرنز کو آپس میں جوڑے گا  کچھ تو بیرون ملک بھی ہیں۔ یہ ایک ایسی کمیونٹی کو جنم دے گا جو آزادانہ طور پر خیالات کا تبادلہ کرے گی اور قومی فلاح کے لیے اپنے خیالات مشترک کرے گی۔

دوسرا اعلان یہ ہے کہ راجیہ سبھا میں ایک خودمختار ادارہ قائم کیا جائے گا جو تحقیق اور معلومات کی ترسیل کے ذریعے عوامی مباحثے کو اعلی اور باخبر بنائے گا۔ تحقیق صنعت کے لیے بنیادی حیثیت رکھتی ہے، ترقی کے لیے بنیاد ہے لیکن تحقیق صرف ان شعبوں تک محدود نہیں ہونی چاہیے۔میں نے کئی مواقع پر اس بات پر زور دیا ہے کہ تحقیق کا زمینی حقیقت سے ربط ہونا چاہیے، اس کے اثرات عملی دنیا میں محسوس ہونے چاہئیں۔ تحقیق صرف کتابوں کے لیے یا الماریوں میں بند کرنے کے لیے نہیں ہونی چاہیے کہ وقت کے ساتھ اس پر گرد جم جائے۔ تحقیق مستند ہونی چاہیے، عوام پر اثر انداز ہونے والی ہونی چاہیے، عوامی مرکزیت پر مبنی ہونی چاہیے۔

جب ہم یہ نیا میکانزم قائم کریں گے، تو یہ اراکین پارلیمان کے لیے صلاحیت سازی کے پروگرامز میں بھی شمولیت اختیار کرے گا۔ اس کا پارلیمانی نظام پر ایک انقلابی اثر ہوگا، کیونکہ آپ کا بنیادی کام ایک ایم پی کو رہنمائی فراہم کرنا ہوگا۔آپ صرف اسی وقت ایک ایم پی  کی رہنمائی مؤثر طریقے سے کر سکتے ہیں جب آپ پارلیمانی قوانین اور عمل سے مکمل طور پر واقف ہوں۔

آپ سب کا بہت شکریہ۔

*******

ش ح۔ ظ ا۔ ع ح۔ن ع۔ خ م

UR  No.1144

(Release ID: 2131673)