فوڈ پروسیسنگ انڈسٹریز کی وزارت ( ایم او ایف پی آئی) نے نیشنل انسٹی ٹیوٹ آف فوڈ ٹکنالوجی انٹرپرینیورشپ اینڈ مینجمنٹ (این آئی ایف ٹی ای ایم – نفٹیم –کنڈلی) کے تعاون سے(یو پی ایف اور ایچ ایف ایس ایس سے نمٹنے کے لیے قابل عمل حکمت عملیوں پر اسٹیک ہولڈرز ورکشاپ) ‘‘سائنس، کھپت اور جدید خوراک میں انتخاب پر روشنی ڈالنا’’ کے عنوان سے ایک روزہ ورکشاپ کا انعقاد کیا گیا، اور اس حوالہ سے مختلف باتوں  پر توجہ مرکوز کی گئی۔

کلیدی خطبہ دیتے ہوئے ایم او ایف پی آئی کے سکریٹری ڈاکٹر سبرت گپتا نے اس بات پر زور دیا کہ آج کی تیز رفتار دنیا میں، صحت اور خوراک پہلے سے کہیں زیادہ اہم ہو گئے ہیں۔ انہوں نے فلاح و بہبود کے بارے میں بڑھتے ہوئے عوامی شعور کو نوٹ کیا، جیسے کہ روزمرہ کی جسمانی سرگرمیوں کو ٹریک کرنے کے لیے اسمارٹ گھڑیوں کے بڑھتے ہوئے استعمال سے ظاہر ہوتا ہے۔ تاہم، اس نے ایک اہم  نکتہ کی طرف اشارہ کیا: ‘‘جب کہ ہم اس بات پر نظر رکھتے ہیں کہ ہم روزانہ کتنے قدم چلتے ہیں، ہم اکثر یہ مانیٹر کرنے میں ناکام رہتے ہیں کہ ہم روزانہ کتنی توانائی یا کتنی کیلوریز استعمال کرتے ہیں۔’’

اس فرق کو پورا کرنے کے لیے، ڈاکٹر گپتا نے این آئی ایف ٹی ایم –کے، کی حوصلہ افزائی کی کہ وہ ایک اسمارٹ واچ نما آلہ تیار کرے جو کسی فرد کی روزانہ کیلوری یا توانائی کی مقدار کی پیمائش کر سکے۔ عالمی صحت کے رجحانات کا حوالہ دیتے ہوئے انہوں نے ڈبلیو ایچ او اور ایم سی آئی کے اعداد و شمار کا حوالہ دیا، جو اس بات کی نشاندہی کرتے ہیں کہ عالمی سطح پر ہونے والی دو تہائی اموات غیر متعدی امراض (این سی ڈی) کی وجہ سے ہوتی ہیں۔ انہوں نے پراسیس شدہ مصنوعات میں خوراک کی ملاوٹ اور بڑے پیمانے پر خوراک کے ضیاع جیسے اہم خدشات کو بھی اجاگر کیا اور ان مسائل سے نمٹنے کے لیے اجتماعی جدت اور اقدام پر زور دیا۔ ڈاکٹر گپتا نے این آئی ایف ٹی ایم –کے، سے بھی کہا کہ وہ اس قسم کی تقریبات کو باقاعدگی سے منعقد کرے۔

این آئی ایف ٹی ایم –کے ، کے  ڈائرکٹر ڈاکٹر ہریندر سنگھ اوبرائے نے اپنے خیر مقدمی نوٹ میں اعلان کیا کہ ادارہ جلد ہی این سی ای آر ٹی کی نصابی کتب میں فوڈ پروسیسنگ کے باب شامل کرنے کی تجویز پیش کرے گا۔ اس اقدام کا مقصد بچوں کو چھوٹی عمر سے ہی صحت مند کھانے کی عادات کے بارے میں آگاہ کرنا ہے۔ روایتی ہندوستانی حکمت کا حوالہ دیتے ہوئے ڈاکٹر اوبرائے نے ریمارکس دئیے: ‘‘کھانا ہی دوا ہو،’’ دادیوں کی طرف سے وقتی آزمائشی علاج کی بازگشت۔ انہوں نے مزید کہا کہ این آئی ایف ٹی ای ایم –کے ، ایف ایس ایس اے آئی کے ساتھ مل کر کھانے کی مصنوعات میں اضافی چینی کے تعین کے لیے طریق کار کو معیاری بنانے اور  لوگوں کو  بتانے اور فعال طور پر کام کرنے کے لیے تیار ہے -  روایتی علم اور جدید سائنس کے درمیان فرق کو ختم کرنا۔

ڈائرکٹر جنرل سینٹرل کونسل فار ریسرچ ان آیورویدک سائنسز ( سی سی آر اے ایس) ڈاکٹر روی نارائن آچاریہ نے ورکشاپ کے دوران آیوروید کے روایتی اصولوں پر بات کی۔‘‘ ہتم- اہتم، سکھم-دُکھم’’ کے قدیم تصور پر روشنی ڈالتے ہوئے انہوں نے نوٹ کیا کہ آیوروید میں خوراک کو ہی دوا سمجھا جاتا ہے۔ انہوں نے وضاحت کی -‘‘ آیوروید کا بنیادی مقصد اچھی صحت کو برقرار رکھنا ہے، جبکہ بیماری کا علاج دوسرے نمبر پر ہے۔ ڈاکٹر آچاریہ نے یہ بھی کہا کہ وزارت آیوش  ایف ایس ایس آئی، مختلف مرکزی وزارتوں اور ریاستی حکومتوں کے ساتھ مل کر کام کر رہی ہے تاکہ کھانے کی مصنوعات کی حفاظت، معیار اور صحت کو یقینی بنایا جا سکے۔

ڈاکٹر ستین پانڈا، ایگزیکٹیو ڈائریکٹر (آر اینڈ ڈی) اور مشیر (کیو اے، ایف ایس ایس اے آئی) نے ایچ ایف ایس ایس (چکنائی، نمک اور چینی کی زیادہ مقدار) اور الٹرا پروسیسڈ فوڈز ( یو پی ایف ایس) سے وابستہ خطرات پر توجہ دی۔ انہوں نے نوٹ کیا کہ کئی پروسیس شدہ اشیاء میں ملاوٹ بڑے پیمانے پر پائی جاتی ہے جس پر انہوں نے  اس بڑھتی ہوئی تشویش سے مؤثر طریقے سے نمٹنے کے لیے متوازن اور سائنسی نقطہ نظر کی ضرورت پر زور دیا۔

پہلے تکنیکی سیشن میں، ڈاکٹر پرینکا بنسل، سائنٹسٹ-ای، آئی سی ایم آر نے وقتاً فوقتاً آئی سی ایم آر کی طرف سے جاری کردہ مختلف رہنما خطوط پر روشنی ڈالی اور انیمیا کے لیے آئی سی ایم آر کی مختلف اسکیموں کے بارے میں بھی روشنی ڈالی، اور غذائیت کی کمی کو دور کرنے وغیرہ کے بارے میں آگاہ کیا۔ کنزیومر وائس کے سی ای او جناب آشم سانیال نے ایچ ایف سی سی کی فوری ضرورت پر زور دیا۔ قومی غذائی اور صحت عامہ کی ضروریات کے مطابق سائنسی طور پر توثیق شدہ نیوٹرینٹ پروفائلنگ ماڈلز (این پی ایم) کو تیزی سے اپنانے اور ایف او پی این ایل کا جلد از جلد نفاذ کی اپیل کی۔

دوسرا سیشن، جس کا عنوان تھا –‘‘سائنس بیونڈ ایچ ایف ایس ایس  اینڈ یوپی ایف : پرزنٹیشن آف ایف اے کیوز’’ جس کی قیادت  اکیڈمی اور ریسرچ کے ماہرین نے کی۔

ڈاکٹر کومل چوہان، ڈین (ریسرچ)،این آئی ایف ٹی ای ایم –کے  نے روشنی ڈالی کہ تمام پراسیسڈ فوڈز کے نقصان دہ ہونے کا مفروضہ غلط ہے۔ انہوں نے کہا کہ اس میں باریک بینی، شواہد پر مبنی بات چیت کا مطالبہ کیا گیا ہے۔ ڈاکٹر حنا یادو، اسسٹنٹ پروفیسر این آئی ایف ٹی ای ایم –کے نے ایچ ایف سی سی اور یو پی ایف پر عمومی سوالنامہ کی ایک جامع دستاویز پیش کی، جس میں این او وی اے-نووا کی درجہ بندی کے نظام کی وضاحت کی گئی اور اگلے اقدامات کا خاکہ پیش کیا، جس میں وسیع تر مشاورت اورایم او ایف پی آئی کو علمی نقطہ نظر کو شامل کرتے ہوئے رپورٹ پیش کرنا شامل ہے۔  دہلی یونیورسٹی کی ڈاکٹر سیما پوری نے خصوصی طور پر غیر ملکی ادب پر ​​انحصار کرنے کے بجائے ہندوستان کے اپنے سائنسی اداروں، جیسے آئی سی ایم آر پر زیادہ انحصار کرنے پر زور دیا۔ انہوں نے غیر متعدی امراض ( ای سی ڈیز) کی روک تھام میں ضروری حکمت عملیوں کے طور پر حصہ کنٹرول اور اعتدال کے ساتھ  ایچ ایف ایس ایس پر میٹا تجزیاتی تحقیق کی اہمیت پر زور دیا۔ پبلک ہیلتھ آرگنائزیشن سے ڈاکٹر سواتی بھاردواج نے‘‘ریسولو تو سیو لائیو’’ نے مزید کہا کہ صارفین اور پالیسی سازوں کی یکساں رہنمائی کے لیے کھانے کے زمروں میں معیاری حصے کے سائز قائم کرنے کی ضرورت ہے۔

تیسرے سیشن میں فوڈ انڈسٹری کے تناظر پر توجہ مرکوز کی گئی، جس میں ریگولیٹری، قانونی اور متعلقہ شعبوں کے ماہرین کو اکٹھا کیا گیا۔ نیسلے انڈیا لمٹیڈ ،میریکو ، آئی ٹی سی لمٹیڈ ، اور جدلی فوڈز انڈیا پرائیویٹ  لمٹیڈ جیسی سرکردہ کمپنیوں نے ایف آئی سی سی آئی ،سی آئی آئی، پی بی ایف آئی اے ، انڈیا ہنی الائنس، اور آئی ایف بی اے جیسی صنعتی انجمنوں کے ساتھ ایچ ایف ایس ایس فوڈز اور یو پی ایف سے متعلق اپنے خیالات اور خدشات کا اظہار کیا۔ ایچ ایف ایس ایس اور یو پی ایف سے متعلقہ پالیسیوں کو بنانے یا نافذ کرنے سے پہلے  انتہائی کلینیکل ٹرائلز اور مضبوط سائنسی شواہد کی ضرورت پر وسیع اتفاق رائے تھا جو صحت عامہ اور فوڈ انڈسٹری دونوں پر نمایاں طور پر اثر انداز ہو سکتے ہیں۔

 مباحثہ  کے دوران مذکورہ  صنعت کے نمائندوں نے پالیسی سازوں پر زور دیا کہ وہ ‘سرو سائز ’پر مبنی ریگولیٹری ماڈل پر غور کرنے اور اصل غذائی عادات اور ہندوستان کی متنوع آبادی کی صحت کی ضروریات کو بہتر طور پر سمجھنے کے لیے ایک جامع قومی غذائیت کے سروے کا مطالبہ کیا۔ ایسوسی ایشنز نے ہندوستانی فوڈ پروسیسنگ سیکٹر کی سائنسی اور اقتصادی شراکت پر توجہ مرکوز کرنے کے لیے جذباتی بیان بازی سے آگے بڑھنے کی اہمیت پر بھی زور دیا۔شرکاءنے نوٹ کیا- ‘‘عوامی مباحثوں میں فوڈ پروسیسنگ کو اکثر غیر منصفانہ طور پر تنقید کا نشانہ بنایا جاتا ہے، جب کہ اس کی مثبت شراکت اور خدمات —  جیسے کہ خوراک کی حفاظت کو یقینی بنانا، حفظان صحت کے معیار کو برقرار رکھنا، کھانے کے ضیاع کو کم کرنا، اور روزگار پیدا کرنا — کو اکثر وبیشتر نظر انداز کردیا جاتا ہے’’۔ اس بات کی سختی سے وکالت کی گئی کہ مستقبل کی پالیسیاں عقلی، شواہد پر مبنی فریم ورک پر مبنی ہوں جو جدید خوراک کے نظام کی پیچیدہ حقیقتوں کی عکاسی کرتی ہوں۔ شرکاء نے ایک اہم تشویش پر بھی روشنی ڈالی کہ بہت سی حقیقی صحت مند غذائیں- جیسے ناریل کا دودھ، جئی کا دودھ، اور ٹوفو- اپنی غذائیت کی قدر کے باوجود یو پی ایف کے زمرے میں آ سکتے ہیں، جو درجہ بندی کے نظام میں زیادہ اہمیت اور وضاحت کی ضرورت پر زور دیتے ہیں۔ اس ورکشاپ میں انڈسٹری، اکیڈمی، ریگولیٹری باڈیز، بزنس ایسوسی ایشنز، کنزیومر فورمز اور اسٹارٹ اپس کے 80 سے زیادہ افراد کی شرکت کے ساتھ اور ایونٹ میں 100 سے زیادہ ورچوئل شرکاء نے آن لائن شرکت کی۔

تقریب کا اختتام متوازن بیداری کے مطالبہ کے ساتھ ہوا – صارفین کو کسی خوف یا الجھن کا شکار ہوئے بغیرایچ ایف ایس ایس اور یو پی ایف کے بارے میں آگاہ کرنے کی ترغیب دی گئی۔ ٹیک وے پیغام: ‘‘شعوری طریقے  سے کھائیں۔ اسے سادہ رکھیں۔ ‘ورودھ آہار’ (کھانے کے غیر مطابقت پذیر امتزاج) سے پرہیز کریں، تاکہ این سی ڈی کو روکا جا سکے۔’’

*******

ش ح-۔ ظ ا- ن ع

UR  No.1137

(Release ID: 2131613)